Plis, be di blog yn Gymraeg?

gan **Rhodri Nwdls** » Mer 03 Tach 2004 11:36 pm

Unwaith ac am byth...

Ai blog?

neu gweflog?

neu gwefiadur?

neu gwegofnod?

neu gwefnod/gwenod?

Mae'n debyg fo pawb bron rwan yn defnyddio blog/blogio/blogwyr/blogiwch a fod hyn yn mynd i sdicio. Mae'r cofnod Wiki Cymraeg am blog yn dweud 'gweflog' ond dwi dal ddim yn gyffyrddus efo hyn gan ei fod yn golygu dau beth. Felly cyn i mi fynd a golygu fel diawl ar Wikipedia sa rywun isio rhoi fi yn fy lle?

gan **Macsen** » Mer 03 Tach 2004 11:37 pm

Gwe-foncyff.

gan **nicdafis** » Iau 04 Tach 2004 12:03 am

Arna i mae'r bai am "weflog", mae'n flin 'da fi. Dw i bron byth yn ei ddefyddio bellach, blog/blogiau/blogio yn wneud y tro. Dw i'n gwybod bod hi'n bwysig i ni ddyfeisio geirfa newydd am bethau newydd fel hyn, ond dyw e ddim hanner mor bwysig ag actiwali defnyddio pethau newydd fel hyn yn ein hiaith ein hunain.

gan **Rhodri Nwdls** » Iau 04 Tach 2004 12:10 am

Ma'r petha ma'n esblygu'n naturiol debyg tydyn.

Ond os mae na gofnod amdan y term dylid ei gosod hi'n iawn neu fydd pawb sy'n ei darllen yn hollol conffiwsd. Sut ma newid teitl thing Wicipedia ta?

gan **Gwerinwr** » Iau 04 Tach 2004 3:54 pm

Rwyt ti'n creu'r teitl newydd ac wedyn yn ailgyfeirio yr hen deitl i'r teitl newydd dw i'n meddwl

gan **Rhodri Nwdls** » Iau 04 Tach 2004 4:39 pm

Diolch Werinwr ffedogwen.

gan **Dyddgu** » Iau 13 Ion 2005 5:28 pm

Sori am bostio mewn hen edefyn, ond wi'n hoff o "Weflog", ac yn ei defnyddio hi. Rwy'n hoffi'r ffordd mae'r gair hefyd yn meddwl "lippy"

gan **Barbarella** » Iau 13 Ion 2005 5:42 pm

Dwi'n hoffi gweflog hefyd. Mae'n mynd yn neis gyda gwefan.

Pam bod ti ddim yn hoffi'r gair, Nic?

Mae'n swnio mwy naturiol i fi na gwefnod, gwenod, gwefiadur (ych!), ayyb.

gan **dafydd** » Iau 13 Ion 2005 8:21 pm

Barbarella a ddywedodd:Dwi'n hoffi gweflog hefyd. Mae'n mynd yn neis gyda gwefan.

Ie, ond o leia mae sail i'r trosiad 'gwe - fan'. Mi fasai gwe-flog yn iawn, efallai ond mae gweflog yn golygu blubber-lipped.

A mewn gwirionedd mae gwe-flog yn golygu gwe-gwe-log a fase jyst 'gwe-log' yn gwneud mwy o synnwyr. Dwi'n credu gallwn ni fynd dros ben llestri weithiau gyda'r geiriau cyfansawdd yma wrth fathu geiriau newydd, heb wir feddwl am sut mae'n ffitio fewn gyda gweddill geirfa'r Gymraeg (a'n wir, mae bron pawb yn anwybodus am 80% o'r eirfa sy'n bodoli'n barod ac yn hel llwch mewn geiriadur)

gan **nicdafis** » Iau 13 Ion 2005 9:53 pm

Barbarella a ddywedodd:Pam bod ti ddim yn hoffi'r gair, Nic?

Achos bod cymaint o bobl wedi wneud sylwadau fel yr un gan dafydd uchod.

Pan dechreuais i Morfablog wnes i ofyn i'r rhestr Termau Cymraeg am awgrymiadau a doedd neb yn lico "gweflog", ond wedi dweud hynny doedd dim un ohonyn nhw wedi clywed y gair web blog, chwaith, a ches i mo awgrymiad gwell, felly cariais i ymlaen. Ar y pryd oedd yr ystyr dwbl yn apelio ata i, ond gan nad oedd yr un blog Cymraeg arall yn bodoli, do'n i ddim yn treulio llawer iawn o amser poeni amdano fe.

Nid pwyllgor ydw i, dim ond un blogiwr. ;-)

Gadael i Google benderfynu, dwedwn i.

(Gol. HTML -> BBCode.)

Plis, be di blog yn Gymraeg?

Plis, be di blog yn Gymraeg?

Pwy sydd ar-lein