Colegau Diwinyddol

[dawncyfarwydd]

Dwi'n trio ystyried fy nyfodol ( ) ar hyn o bryd, a dwi bron yn sicir mod i eisau mynd i astudio diwinyddiaeth. Dwi wedi cael cyngor y byddai hi o fwy o fudd i mi i fynd i goleg Cristnogol nag i astudio'r pwnc mewn prifysgol gyffredin.
Dwi wedi gyrru am brosbectws rhywle o'r enw Oak Hill yn ymyl Llundain ac mae o'n edrach fel rhywla go dda. Ydach chi'n gwybod rhywbeth am y lle, neu oes yna rywle y medrwch chi ei argymell? Sut le ydi'r un yn ymyl Pen-y-bont?

[gethin_aj]

Dwi di clywed bod oak hill yn dda- er mod i ddim n gwbod lot am y lle. Dwi'n gwbod bod coleg bryntirion yn dda a'r tro dwetha i mi glywed- yn awyddus i gael mwy o Gymry Cymraeg- dim ond un oedd yna pan glywais i- falle bod un di dechre mis medi ond dwi ddim n gwbod. Dwi ddim n gwbod os ydyn nhw'n rhoi dysgu yn Gymraeg ond maen nhw'n sicr yn awyddus i gael siaradwyr Cymraeg. Mae mistar llwyd yn debygol o allu helpu mwy.

[Rhys Llwyd]

Dwi'n trio ystyried fy nyfodol ( ) ar hyn o bryd, a dwi bron yn sicir mod i eisau mynd i astudio diwinyddiaeth. Dwi wedi cael cyngor y byddai hi o fwy o fudd i mi i fynd i goleg Cristnogol nag i astudio'r pwnc mewn prifysgol gyffredin.
Dwi wedi gyrru am brosbectws rhywle o'r enw Oak Hill yn ymyl Llundain ac mae o'n edrach fel rhywla go dda. Ydach chi'n gwybod rhywbeth am y lle, neu oes yna rywle y medrwch chi ei argymell? Sut le ydi'r un yn ymyl Pen-y-bont?

Wel dyma ddiddorol.

Os am astudio diwinyddiaeth dyddiau yma mae hi'n broblematig iawn.

Mae'r Colegau Cristnogol fel Bryntirion ym Mhen y Bont ar Ogwr yn solid eu diwinyddiaeth Efengylaidd/Awstinaidd OND yn tueddu i fod yn wan ar hyfforddi/dysgu ar wasanaeth cymdeithasol ac ar y cyfan mae agweddau llawer o'r athrawon yn Bietistaidd; hynny yw credu mae rol y Cristion yw pregethu'r efengyl 'bur' heb botschian gyda Gwleidyddiaeth. Hefyd darlithoedd yn Susneg er fod rhai darlithwir rhaid dweud yn Gymry Cymraeg.

Mae Adrannau Diwinyddol Pryfysgolion yn chydig bach o siop bob dim dyddiau yma. Does dim un adran yng Nghymru y medr rywyn ddweud eu fod yn Awstinaidd. Wedi dweud hynny mewn adran ddiwinyddol fel Bangor fe gei di amrediad fwy eang o gyrsiau fydd yn dysgu tipyn o hanes yr eglwys (sy'n gwbwl allweddol i rywyn sydd am astudio diwinyddiaeth yn fy marn i) a hefyd cyrsiau ar foeseg a rol cristnogaeth mewn gwleidyddiaeth ayyb...

Mi faswn yn erfyn arna chdi i aros yng Nghymru. Ac felly yn awgrymu i ti naillai fynd i Fryntirion neu os oes gen ti groen digon caled i fynd i Fangor oherwydd o leiaf yn fanna yn Geraint Tudur, D. Densil Morgan a Robert Pope mae gen ti dri Cristion di-dwyll, galluog sydd hefyd yn siarad iaith y nefoedd.

OND

Ag anwybyddu yr uchod yn gyntaf oll basw ni yn awgrymu i ti neud gradd mewn pwnc 'go-iawn'. Does dim byd gwaeth na gweithwyr Cristnogol sydd heb brofiad o bwnc/bywyd y byd go-iawn.

[dawncyfarwydd]

Ag anwybyddu yr uchod yn gyntaf oll basw ni yn awgrymu i ti neud gradd mewn pwnc 'go-iawn'. Does dim byd gwaeth na gweithwyr Cristnogol sydd heb brofiad o bwnc/bywyd y byd go-iawn.

Pwnc go iawn, hynny ydi rhywbeth heb fod yn ymwneud

[Rhys Llwyd]

Pwnc go iawn, hynny ydi rhywbeth heb fod yn ymwneud

[gethin_aj]

Dwi'n meddwl byddai hi'n syniad i ti ystyried pam wyt ti'n bwriadu astudio diwynyddiaeth. Os wyt ti am ei astudio allan o ddiddordeb academaidd, efallai byddai prifysgol normal yn syniad da. Os wyt ti am ei wneud efo'r bwriad o fynd mlaen i neud rhyw waith o fewn yr eglwys neu efo rhyw 'mission' neu mudiad, byddai coleg diwynyddol yn syniad da efallai. Yn y pen draw, ma gan Dduw gynllun unigol i bawb- felly gweddia a gofynna i Dduw be yw ei gynllun a dilynna be ma Duw yn arwain i ti neud. Felly os yw hwnna'n golygu neud gradd mewn pwnc arall gynta sy'n syniad da i rai pobl, gwna hwnna. Os ydi Duw am i ti fynd i goleg Diwynyddol fel Bryntirion neu Oak Hill neu ble bynnag, gwna hwnna. Ma dewis colegau a phynicau yn beth pwysig- felly rho dy ffydd yn Nuw i d'arwain di- mae'n gwbod be di'r peth gorau i ti neud o hyd.

[Hen Rech Flin]

Rwyt yn son am ystyried dy ddyfodol. Cyn dewis coleg mae'n rhaid rhoi ystyriaeth ddwys i ba fath o ddyfodol yr wyt am i'r coleg rhoi i ti.

(I Gristion mae ystyriaeth yn cynnwys gweddi ddwys yn bennaf!)

Mae'r colegau Beiblaidd efengylaidd yn cynnig cymdeithas ysbrydol da. Mi gei dy drwytho ynddynt am agwedd Efengylaidd tuag at y Beibl, y grefydd Gristionogol a bywyd Cristionogol yn gyffredinol. Os ydwyt yn hollol sicr dy fod am weithio o fewn cylch cyfyng iawn, o ran cyfleoedd gwaith, y ffydd Efengylaidd (prin iawn yw'r cyfleodd yna yng Nghymru) iawn dos amdani.

O ran cydnabyddiaeth academaidd, prin yw werth cymhwyster o Goleg Beiblaidd. Ond os mae addysg grefyddol yr wyt yn ymofyn yn hytrach na chymhwyster be di'r ots?

Os wyt am gymhwyster sydd a werth academaidd, y peth gore yw mynd i brifysgol gydnabyddedig a cheisio ennill gradd go iawn - ac ymuno a chymdeithas Gristionogol addas yn y Brifysgol er mwyn cael cynhaliaeth ysbrydol.

Os am gael y gorau o'r ddau fyd - gwna gradd seciwlar mewn Hanes, Cymraeg y Gyfraith, Mathemateg ac ati i ddechrau. Dos am flwyddyn wedyn i goleg Efengylaidd ac wedyn dychwelyd i Brifysgol Cymru i wneud gradd BD!