The God Delusion

gan **nicdafis** » Maw 24 Ebr 2007 12:21 am

(Noson fishi 'ma.)

<a href="http://www.atheistnation.net/video/?video/00004">The Root of all Evil</a> - cyfres RD ar Channel 4. Collais i hwn pan oedd e ar focs yr ynfytyn.

gan **Lôn Groes** » Maw 24 Ebr 2007 4:03 pm

nicdafis a ddywedodd:<a href="http://richarddawkins.net/article,303,Reading-of-The-God-Delusion-in-Lynchburg-VA,Richard-Dawkins--C-SPAN2">Dawkins yn darllen o'r God Delusion</a> yn Lynchburg, Virginia, ac wedyn ateb cwesiynau o'r llawr. Mae hyn yn werth ei wylio, wir yr.

Un dyfyniad bach:

Dawkins a ddywedodd:Atheists are far, far more numerous than most people realise, and that's mostly because they won't come out of the closet.

Ha, ha! Da iawn Nic a diolch am y dyfyniad bach. Ac yn y closet y byddan nhw hefyd. Mae'n anodd iddyn nhw wneyd eu ffordd allan yn y tywyllwch!

gan **Lôn Groes** » Maw 24 Ebr 2007 4:49 pm

Mr Gasyth a ddywedodd:Mae dweud fod y Beibl, ynddo'i hun, yn profi bodolaeth Duw a Christ fel dweud fod y ffaith fod colofnau astroleg i'w cael yn profi cywirdeb yr ofergoel hurt (ond dim mwy hurt) honno.

Ble mae Exhibit B?

Oes mae modd profi (sawru) bodolaeth Duw a Christ trwy gyfrwng y Beibl. Mae bywydau wedi eu trawsnewid yn dyst i hyn.
Ac mae'r Beibl wedi ysbrydoli a dylanwadu ein Cymdeithas ni yn y Gorllewin ers canrifoedd. A dyma ganlyniad ymddiried mewn rhywbeth safadwy a pharhaol.
A Mr. Gasyth mi fuaswn i'n cydnabod fod yna bobl sydd wedi cael eu hargyhoeddi o fodolaeth Duw tu allan i'r Beibl hefyd. Cymer Voltaire er enghraifft:

"Wel of course God exists. The whole of nature shouts out that he exists."

Ynglyn ag ofergoeliaeth ac astroleg mae modd profi mae gwag iawn ydyw ymddiriedaeth yn y math yma o beth, a gellir profi hyn ar lefel bersonol hefyd.
Ond anodd iawn ydi gwrthbrofi bodolaeth Iesu Grist, y person hanesyddol o gig a gwaed. Mae llawer wedi trio ond i ddim diben.
Wyt ti yn ffansio dy siawns Mr. Gasyth?

gan **nicdafis** » Maw 24 Ebr 2007 8:05 pm

Bu farw Voltaire yn 1778 - ni chyhoeddwyd The Origin of Species tan 1859. Oedd Voltaire yn byw mewn adeg lle oedd bron pawb yn y gorllewin, hyd yn oed y rhai "goleuedig", yn credu bod y ddaear rhyw 6000 mlwydd oed.

The Selfish Gene a ddywedodd:We no longer have to resort to superstition when faced with the big questions: Is there a meaning to life? What are we for? What is man? After posing the last of these questions the eminent zoologist G.G.Simpson put it thus: 'The point I want to make now is that all attempts to answer that question before 1859 are worthless and that we will be better off if we ignore them completely.'

Rho hwnna yn dy biben a'i smygu ;-)

Yr unig ddadl dw i'n gweld yma yw "mae Duw yn bodoli achos fod y Beibl yn dweud, ac mae'r Beibl yn iawn achos taw gair Duw yw e." Gellir defnyddio'r un ddadl i brofi bod Klingons yn bodoli.

Wrth gwrs mae'r beibl wedi newid bywydau pobl, ac weithiau am y gorau. Ond dydy hynny ddim yn golygu ei fod e'n wir, jyst ei fod e'n ddylanwadol.

gan **nicdafis** » Maw 24 Ebr 2007 8:12 pm

Lôn Groes a ddywedodd:Ond anodd iawn ydi gwrthbrofi bodolaeth Iesu Grist, y person hanesyddol o gig a gwaed. Mae llawer wedi trio ond i ddim diben.
Wyt ti yn ffansio dy siawns Mr. Gasyth?

Diogrwydd deallusol o'r fath waethaf. Does dim "pwys profi" ar rywun sy ddim yn credu mewn honiad anghredadwy. Alla i ddweud mod i'n credu mewn tebot sy'n cylchdro'r haul rhwng y planedau Mawrth a Gwener, a fyddet ti ddim yn gallu profi mod i'n dweud celwyddau.

Ond...

gan **Rhys Llwyd** » Maw 24 Ebr 2007 9:15 pm

Trafodaeth ddifyr, dwi heb gyfrannu oherwydd mod i heb ddarllen y llyfr. Ond basw ni'n nodi ambell i beth. Er mod i yn credu fod y Beibl yn air sydd wedi cael ei ysgrifennu gan ddynion trwy arweiniaid yr ysbryd glan dwi ddim o'r rheidrwydd yn gyfforddus yn defnyddio bodolaeth y Beibl fel prawf fod yna Dduw. Os am ddadlau gyda anffyddiwr am fodolaeth y sffer ysbrydol rhaid defnyddio contact points cyffredin a dydy cred yn y Beibl ddim yn gontact point cyffredin rhwng y credadun ar anghredadun. I mi y contact points cyffredin yw hyn: yr amgyffred o foesoldeb a chydwybod. Byddai'n ddiddorol gwybod sut bo Dawkins yn esbonio moesoldeb a chydwybod heb roi tir i'r sffer fetaffisegol ysbrydol - fedr rhywyn sydd wedi darllen esbonio i mi?

gan **Mr Gasyth** » Mer 25 Ebr 2007 8:57 am

Rhys Llwyd a ddywedodd:Trafodaeth ddifyr, dwi heb gyfrannu oherwydd mod i heb ddarllen y llyfr. Ond basw ni'n nodi ambell i beth. Er mod i yn credu fod y Beibl yn air sydd wedi cael ei ysgrifennu gan ddynion trwy arweiniaid yr ysbryd glan dwi ddim o'r rheidrwydd yn gyfforddus yn defnyddio bodolaeth y Beibl fel prawf fod yna Dduw. Os am ddadlau gyda anffyddiwr am fodolaeth y sffer ysbrydol rhaid defnyddio contact points cyffredin a dydy cred yn y Beibl ddim yn gontact point cyffredin rhwng y credadun ar anghredadun. I mi y contact points cyffredin yw hyn: yr amgyffred o foesoldeb a chydwybod. Byddai'n ddiddorol gwybod sut bo Dawkins yn esbonio moesoldeb a chydwybod heb roi tir i'r sffer fetaffisegol ysbrydol - fedr rhywyn sydd wedi darllen esbonio i mi?

Mae yna benod ddifyr iawn am hyn, sy'n adrodd ar ymchwil sy'n dangos nad oes unrhyw wahaniaeth gwirioneddol ym moesau y crefyddol a'r di-grefydd ar draws diwylliannau. Tydi'r llyfr ddim gen i o'm blaen felly allai ddim mynd i fwy o fanyldeb ar hyn o bryd - mi wnai pan gai gyfle.

Alli di egluro pam dy fod ti'n ei credu fod moesoldeb mor ganolog i'r ddadl dros Dduw?

Gyda llaw Rhys, os wyt ti eisiau benthyg y llyfr mi gei di fy un i a chroeso. Nai swapio am lyfr 'argyhoeddol' o dy ddewis di os lici di.

gan **Boibrychan** » Mer 25 Ebr 2007 2:00 pm

Newydd ei orffen ac am lyfyr!

Gwrando arno nes i y fersiwn llawn sydd i gael ar audible (yn rhad ac am ddim diolch i gynnig cyflwynedig), a dwi'n ei argymell yn fawr. Mae clywed Dawkins (a'i wraig dwi'n meddwl?) yn darllen y llyfr yn rhan o'r mwynhad, a phwy well i bwysleisio ar y geiriau cywir na'r awdur ei hunain!?

Dwi'n gwybod bod o'n swnio'n wirion braidd a fyddai ddim (fel credwr yn ddibynol ar y beibl) yn byw fy mywyd yn ol y llyfr, ond mae yn ffynhonell gret ar anffyddiaeth, beibl anffyddiaeth i fi sy'n rhy ddiog i ddarllen pob un llyfyr ar y pwnc. Mae wedi creu diddordeb ac os ga'i amser wnai drio darllen y gweddill . Dwisio copi clawr caled i rhoi ar fy silff lyfrau ceith gymryd lle y casgliad o chwedlau osodwyd yn fy stafell gan y Gideons! :winc:

Dwi'n cytuno bod y penodau cynnar yn dda, ond mae'r rhai hwyrach am Foesoldeb a plant a chrefydd yn ddiddoriol iawn hefyd.

Gwneud i fi feddwl llawer am fy mhlentyndod yn y capel, fy nhad yn athro ysgol sul hefyd, caled i ddianc o'r dylanwad. Mewn ffordd cafodd na niwed ei wneud i mi yn blentyn, diolch byth mai i'r URC roedd fy rhieni yn perthyn a nid yr eglwys gatholig! Meddwl chwilfrydig gwyddonol sydd wedi dadwneud y niwed!

Pa hawl i wenwyno meddyliau plant, cyn iddynt gael cyfle i ystyried y peth.

Mae yna stori am fachgen iddeweg yn rhufain yn cael ei gipio o'i rhieni gan yr eglwys am fod rhywun wedi'w fedyddio yn sydyn, am iddo fod yn sal iawn a'r ferch ifanc yn methu dygymod a'r ffaith fyddai'n llosgi yn uffern petai ddim yn cael ei fedyddio! Am niwed i'r plentyn yma! Eto di'r manylion ddim yn glir gan fod gen i ddim copi caled o'r llyfr eto er mwyn dyfynnu yn gywir.

Mae labelu plant yn plant cristnogol, mwslemaidd, iddeweg yn anghywir dwi'n cytuno yn gryf a'i safbwynt. Plant o rhieni cristnogol sy'n gywir. Byddai plant agnostig yn dderbyniol? Na siwr da nhw heb gael cyfle i ystyried y peth!

Dwi'n sicyr am sut fyddai'n codi fy mhlant innau a bydd trwythiad (indoctrination?) ddim ar y fwydlen! Gawn nhw benderfynnu dros eu hunain am y peth, pwy a wyr falle newidiyn nhw fy meddwl i yr oen a ddysg...

Ond digon tebyg petai nhw'n etifeddu fy anffyddiaeth, fy nghyfraniad fydd plant bach drwg, os nad y Hitler a Stalin nesaf! Mae pawb yn gwybod bod moesau ddim yn bodoli heb grefydd! :rolio:

gan **Lôn Groes** » Iau 26 Ebr 2007 9:59 pm

nicdafis a ddywedodd:Bu farw Voltaire yn 1778 - ni chyhoeddwyd The Origin of Species tan 1859. Oedd Voltaire yn byw mewn adeg lle oedd bron pawb yn y gorllewin, hyd yn oed y rhai "goleuedig", yn credu bod y ddaear rhyw 6000 mlwydd oed.

Dweyd oeddwn i fod rhai unigolion wedi cael eu hargyhoeddi o fodolaeth Duw nid am fod y Beibl yn dweyd hynny. Mae Voltaire yn enghraifft. Mae ei argyhoeddiad wedi ei selio ar reswm a'i amgyffrediad o fyd natur.
Deist oedd Voltaire ac fel Deists eraill ei gyfnod doedd o ddim yn ystyried ffydd fel rhywbeth angenrheidiol i gredu yn Nuw:

. "What is faith? Is it to believe that which is evident? No. It is perfectly evident to my mind that there exists a necessary, eternal, supreme, and intelligent being. This is no matter of faith, but of reason."

Dwn i ddim i sicrwydd os oedd oed cynnar i'r ddaear, ac un a oedd yn rhan o ddysgeidiaeth yr Eglwys ar y pryd, ac un wedi ei selio ar fanylion yn y Beibl, yn rhywbeth roedd Voltaire wedi ei ystyried yn ddwfn.
Fe roedd Voltaire yn wrthwynebwr ffyrnig i'r gred Gristnogol; ac eto yn bur sicr ynglyn a bodolaeth Duw. Fe roedd yn amheus iawn o unrhyw grefydd sefydledig ac yn eu hystyried yn faen tramgwydd i reswm a chynnydd.
I mi mae hyn yn ddiddorol. Ond dwn i ddim beth fuasai ei ymateb i The Origin of Species petai ar gael bryd hynny.

The Selfish Gene a ddywedodd:We no longer have to resort to superstition when faced with the big questions: Is there a meaning to life? What are we for? What is man? After posing the last of these questions the eminent zoologist G.G.Simpson put it thus: 'The point I want to make now is that all attempts to answer that question before 1859 are worthless and that we will be better off if we ignore them completely.'

Ynglyn a datganiad G G Simpson: ( Oes 'na ystyr i fywyd? Beth yw ein pwrpas? Beth yw dyn? A'i ddatganiad fod unrhyw ymdrech i ateb cwestiynau fel hyn cyn 1859 yn wast ar amser).
Ers dechrau amser mae 'dyn' wedi ymrafael a chwestiynau fel hyn o safbwynt Hanes, Athroniaeth a Phrofiad (Experiential). Ac mae pwysleisio mae dim ond Gwyddoniaeth sy'n mynd i roi'r ateb ini yn swnio braidd yn llym i mi.
Oes 'na beryg yma os gwn i rhywun fel Simpson hyd yn oed, ddisgyn i'r un twll a'r 'fundamentalists' anhyblyg?

Ynglyn a chwilio am atebion i gwestiynau fel: 'beth yw dyn ac oes 'na ystyr i fywyd?' rwy'n teimlo yn llawer hapusach efo rhywun fel Francis Collins awdur 'The Language of God':

(o Scientific American)

' Francis S. Collins, author of The Language of God and leader of the Human Genome Project, can comfortably accept that "a common ancestor for humans and mice is virtually inescapable" or that it may have been a mutation in the FOXP2 gene that led to the flowering of human language. The genetic code is, after all, 'God’s instruction book'. " In my view," Collins goes on to say, "DNA sequence alone, even if accompanied by a vast trove of data on biological function, will never explain certain special human attributes, such as the knowledge of the Moral Law and the universal search for God."

Wrth gwrs mae Gwyddoniaeth yn bwysig ac fe all agor y drws ini i bob math o ryfeddodaau ond mae Collins yn ddigon gwylaidd i gydnabod nad oes gan Wyddoniaeth yr atebion i gyd chwaith.

gan **Lôn Groes** » Iau 26 Ebr 2007 10:29 pm

nicdafis a ddywedodd:
Lôn Groes a ddywedodd:Ond anodd iawn ydi gwrthbrofi bodolaeth Iesu Grist, y person hanesyddol o gig a gwaed. Mae llawer wedi trio ond i ddim diben.
Wyt ti yn ffansio dy siawns Mr. Gasyth?

Diogrwydd deallusol o'r fath waethaf. Does dim "pwys profi" ar rywun sy ddim yn credu mewn honiad anghredadwy. Alla i ddweud mod i'n credu mewn tebot sy'n cylchdro'r haul rhwng y planedau Mawrth a Gwener, a fyddet ti ddim yn gallu profi mod i'n dweud celwyddau.

Ond...

Sgwenais i'm ffrind yn NASA ac fe roddais mater 'y tebot pinc' iddo. Ac medda fo:

To the best of our knowledge and in the light of our most recent scientific investigations in that particular area of our universe, we can safely surmise that no such vehicle is orbiting the sun in the vicinity of Mars and Jupiter.
Might we suggest that your friend is suffering from a touch of the 'Pink Teapot delusion"; in which case, and should the malady continue, we recommend a visit to the psychiatrist. :winc:

The God Delusion

Pwy sydd ar-lein