Pryd ddaw'r byd i ben?

gan **rooney** » Sul 04 Tach 2007 4:24 pm

Dylan a ddywedodd:eh? Ydyn siwr. Y gair Arabeg am dduw ydi Allah, dim byd mwy.

A phob parch, yn amlwg ti ddim yn deall llawer am theoloeg.
Mae nhw'n gywir fod yna Dduw, a fod yna Iesu ond nid yw nhw'n eu adnabod nac yn ei dderbyn, maent wedi cael eu twyllo gan mohammed. Y gwir Dduw yw Jehovah, nid Allah.
Camddisgrifiad bwriadol o Jehovah a'r Beibl yw Allah a'r Kuran.
http://www.carm.org/islam/grid.htm

gan **Dylan** » Sul 04 Tach 2007 4:46 pm

Ddim yn dallt dy bwynt. Wrth gwrs mae nhw'n ei dderbyn, ac mae nhw'n cydnabod Iesu fel proffwyd. Does dim dadl ymysg ysgolheigwyr a theolegwyr proffesiynnol mai'r un duw a gyfeirir ato. Dw i ddim yn siwr pam dy fod yn teimlo mor gryf am y mater. Gwirionedd syml ydi mai'r cyfan ydi Allah ydi y gair Arabeg am dduw. Dyna'r cwbl. Mae Islam yn deillio o union yr un traddodiad Abrahamaidd.

un ysgolhaig fedra i awgrymu ydi FE Peters:

The Quran is a sacred book with profound, and familiar, Old and New Testament resonances. And the message it promulgated, Islam, came of age during an extraordinarily rich era of interaction among monotheists. Jews, Christians, and Muslims not only worshipped the same God, but shared aspirations, operated in the same social and economic environment, and sometimes lived side by side, indistinguishable by language, costume, or manners.

Mae Karen Armstrong yn dweud pethau tebyg hefyd. Yn wir, mae hi'n gyn leian sydd bellach wedi ffurfio rhyw fath o theoleg unigryw ei hun sy'n cynnwys y gorau o Islam, Cristnogaeth a Jiwdeaeth, y tri crefydd monotheistaidd. Dw i'n awgrymu ei Islam: A Short History os oes gen ti ddiddordeb deall mwy am hynny.

gan **rooney** » Sul 04 Tach 2007 4:55 pm

Dylan a ddywedodd:Ddim yn dallt dy bwynt. Wrth gwrs mae nhw'n ei dderbyn, ac mae nhw'n cydnabod Iesu fel proffwyd. Does dim dadl ymysg ysgolheigwyr a theolegwyr proffesiynnol mai'r un duw a gyfeirir ato. Dw i ddim yn siwr pam dy fod yn teimlo mor gryf am y mater. Gwirionedd syml ydi mai'r cyfan ydi Allah ydi y gair Arabeg am dduw. Dyna'r cwbl. Mae Islam yn deillio o union yr un traddodiad Abrahamaidd.
.

Nid datguddiad gen y gwir Dduw a geir yn y Kuran, counterfeit yw Islam a greuwyd 600 mlynedd ar ol dyfodiad cyntaf Crist. Dwedodd Iesu byddai proffwydi ffals am ddod, a roedd o'n gywir. Nid yw disgrifiad y Beibl o Jehovah, a'r Kuran o Allah, yn disgrifio yr un Duw, dau ddisgrifiad cwbl wahanol na ellir bod yn siarad am yr un gwir Dduw. Fedr y gwir Dduw ddim bod yn 'chydig bach o Jehovah, 'chydig bach o Allah- mae'n unai un neu'r llall. Mae Islam mor agos ond eto mor bell o'i gymharu a sut mae'r crefyddau eraill yn cymharu a Cristnogaeth.

gan **Dylan** » Sul 04 Tach 2007 5:01 pm

rooney a ddywedodd:Nid datguddiad gen y gwir Dduw a geir yn y Kuran, counterfeit yw Islam a greuwyd 600 mlynedd ar ol dyfodiad cyntaf Crist. Dwedodd Iesu byddai proffwydi ffals am ddod, a roedd o'n gywir. Nid yw disgrifiad y Beibl o Jehovah, a'r Kuran o Allah, yn disgrifio yr un Duw, dau ddisgrifiad cwbl wahanol na ellir bod yn siarad am yr un gwir Dduw. Mae Islam mor agos ond eto mor bell o'i gymharu a sut mae'r crefyddau eraill yn cymharu a Cristnogaeth.

Roedd sôn am broffwydi ffals ymhell cyn dyfodiad Iesu hefyd. A?

dw i'n meddwl mai dy brif broblem ydi nad wyt cweit yn deall pa mor anwreiddiol ydi'r Beibl. Mae'r motifau a'r themâu a geir ynddo yn gyffredin tu hwnt ym mhob traddodiad. Doedd y Beibl ddim yn beth mor newydd â hynny, dim ond datblygiad bach ar draddodiad a oedd eisoes yn un cyfoethog a hynafol. Jyst fel oedd Islam chydig yn ddiweddarach.

gan **huwwaters** » Sul 04 Tach 2007 5:09 pm

Dwi'm yn gweld pwynt poeni ynddo, achos ni wneith ddigwydd yn ein hoes ni.

Be sydd yn debygol, yw gwneith dyn ddinistrio'i hun.

A phob parch Rooney, mae Islam, Cristnogaeth a Iddewiaeth yn addoli'r un Duw, ond mae i gyd yn ei ddehongli yn wahanol. Cristnogaeth ac Iddewiaeth yn deillio o fab Abraham Isaac, Islam o wyr Abraham, Kedar, mab Ishmael.

Os maent i gyd yn deillio o Abraham, a fo o'r un Duw, yna maent i gyd yn addoli'r un Duw.

gan **rooney** » Sul 04 Tach 2007 5:15 pm

Dylan a ddywedodd:dw i'n meddwl mai dy brif broblem ydi nad wyt cweit yn deall pa mor anwreiddiol ydi'r Beibl. Mae'r motifau a'r themâu a geir ynddo yn gyffredin tu hwnt ym mhob traddodiad. Doedd y Beibl ddim yn beth mor newydd â hynny, dim ond datblygiad bach ar draddodiad a oedd eisoes yn un cyfoethog a hynafol. Jyst fel oedd Islam chydig yn ddiweddarach.

weithiau mae pobl yn canfod y gwir, ond hefyd weithiau ddim
mae angen rhywun gyda awdurdod i roi cleddyf rhwng y gwir a celwydd, i hollti'r ddau

pan yn cymysgu gwir a celwydd ti'n cael celwydd, fel pan ti'n cymysgu p*so a dwr pur ti'n cael rhywbeth sydd ddim yn neis i'w yfed

Mathew 10:34
"Peidiwch a meddwl mai i ddwyn heddwch i'r ddaear y deuthum; nid i ddwyn heddwch y deuthum ond cleddyf"

y cleddyf yma yw'r cleddyf yr Ysbryd (Ephesians 6:17)

cleddyf i wahanu da o ddrwg, gwir o gelwydd, glan o'r budr, sanctaidd o'r ansanctaidd etc.

un o'r rhesymau mae anffyddwyr ddim yn hoff o'r ysgrythurau yw am fod y gair yn rhoi llinell bendant ar faterion. Mae'r "byd" a ni fel pobl bechadurus wastad eisiau rebelio yn erbyn y llinellau yma sydd wedi eu marcio gyda cleddyf gan yr un gyda awdurdod.

gan **rooney** » Sul 04 Tach 2007 5:19 pm

huwwaters a ddywedodd:Dwi'm yn gweld pwynt poeni ynddo, achos ni wneith ddigwydd yn ein hoes ni.

Be sydd yn debygol, yw gwneith dyn ddinistrio'i hun.

A phob parch Rooney, mae Islam, Cristnogaeth a Iddewiaeth yn addoli'r un Duw, ond mae i gyd yn ei ddehongli yn wahanol.

1. does gen y bobl o ffydd ddim i'w ofni, oherwydd "rapture" yr eglwys
2. fe wneith Duw stepio mewn i stopio dyn ddinistrio'i hun
3. Cristnogion a'r Iddewon yr un Duw (Jehovah), Allah ddim oherwydd properties gwahanol. Mor agos ond mor bell.

gan **Dylan** » Sul 04 Tach 2007 5:24 pm

ti'n dyfynnu'r paragraff yna o'm heiddo i ond wela i ddim sut mae dy lith ganlynol yn cyfeirio at yr hyn y dywedais o gwbl

fy mhwynt ydi bod traddodiadau yn esblygu (heh). Tua'r flwyddyn 700AD, dywed (sef chydig ddegawdau wedi'r pwynt a adwaenir fel "dechrau" Islam), doedd fawr mwy o wahaniaeth rhwng, ar y naill law, theoleg yr Islam hwnnw a theoleg llwythi Abrahamaidd niferus eraill yr ardal (boed yn Iddewig neu'n Gristnogol), ag oedd yna, ar y llaw arall, rhwng yr amryw grwpiau eraill hynny eu hunain. (brawddeg chwithig ond mae'r synnwyr yno'n rhywle!). Lot fawr llai nag sydd yna rhwng amryw sectau Cristnogol heddiw, er enghraifft.

gan **rooney** » Sul 04 Tach 2007 5:35 pm

Dylan a ddywedodd:ti'n dyfynnu'r paragraff yna o'm heiddo i ond wela i ddim sut mae dy lith ganlynol yn cyfeirio at yr hyn y dywedais o gwbl

ydy mae, gan ti'n dweud fod y Beibl ddim i gyd yn "wreiddiol", tydw i ddim yn trio dadlau y byddai yr holl Feibl yn "wreiddiol" gan mae'n ddigon posib i rai pobl ddarganfod peth o'r gwir neu'n agos iawn beth bynnag rywsut, daeth Iesu i setio'r record yn stret a rhoi llinellau pendant lawr gyda'i glefydd am beth yw'r gwir

gan **Dylan** » Sul 04 Tach 2007 5:40 pm

a byddai Mwslem yn dweud union yr un peth am ei grefydd yntau a Mohammed.

pwy sy'n gywir? Dim ond un ffordd o ffindio allan: ffeit!

a wel

Pryd ddaw'r byd i ben?

Pwy sydd ar-lein