Ble mae'n pobol ifainc? [diffyg pobl ifanc yn y Capel]

Cyfle i bawb drafod pob ffydd a Chrefydd dan haul yn gwbwl agored.

Cymedrolwr: Rhys Llwyd

Rheolau’r seiat
Cyfle i bawb drafod pob ffydd a Chrefydd dan haul yn gwbwl agored. Pwyswch yma i weld canllawiau mwy manwl. Cofiwch, dim ymosodiadau personol. Pwyswch yma i ddarllen canllawiau cyffredinol maes-e.

Ble mae'n pobol ifainc? [diffyg pobl ifanc yn y Capel]

Postiogan Foel Gornach » Maw 22 Ion 2008 4:54 pm

Pam nad yw'n pobol ifainc yn mynd i'r cwrdd/oedfa/addoliad?
Cwestiwn oesol, mi wn, ond er hynny byddai'n dda cael eich ymateb a'ch barn - pob un ohonoch.
Rhithffurf defnyddiwr
Foel Gornach
Defnyddiwr
Defnyddiwr
 
Negeseuon: 99
Ymunwyd: Sul 22 Ebr 2007 10:13 pm
Lleoliad: Dyffryn Teifi

Re: Ble mae'n pobol ifainc?

Postiogan Llefenni » Maw 22 Ion 2008 4:56 pm

Dydi'r gwasgedd cymdeithasol ddim arnyn nhw i ymweld â'r capel fal ag y bu, a dydi bobl ifaint ddim i weld yn poeni am eu bywyd ysbrydol, gan bod bywyd go-iawn gormod o hwyl am'wn i... trafoder!
I'm Brian Fantana.
Rhithffurf defnyddiwr
Llefenni
Defnyddiwr Aur
Defnyddiwr Aur
 
Negeseuon: 1658
Ymunwyd: Maw 16 Maw 2004 2:35 pm
Lleoliad: Gwêl Y Stadiwm, Rhif 9

Re: Ble mae'n pobol ifainc?

Postiogan Rhys Llwyd » Maw 22 Ion 2008 5:19 pm

Does dim un ateb. Ond rhan bwysig o'r ateb yw cydnabod fod Capel, ar y cyfan, yn boring iawn. Dwi yn Gristion o argyhoeddiad ond rwy dal i gael y rhan helaeth o gyfarfodydd Cristnogol yn ddiflas tost - mae dal lle i'r "bregeth" ond mae ishe hi fymryn yn fyrach ac fel rhan o wasanaeth ysgafnach mwy 'chat show hosty'. Wrth gwrs, mae diffyg 'dychweledigion' i'r Arglwydd (ac felly yr Eglwysi) yn broblem ysbrydol yn ei hanfod ond maen rhaid fod amherthnasoldeb gwasanaethau Cristnogol yn cyfrannu tuag at y niwl ysbrydol. Mae eglwysi sy'n llwyddo i ddennu pobl ifanc heddiw ac o ganlyniad rhai sy'n tyfu yn annelu eu gwasanaethau nid at yr aelodau sydd wedi bod yn aelodau ers 1872 (!) ond yn hytrach yn anelu eu gwasanaethau tuag at Generation X. Maen rhaid i eglwysi Cymraeg ddeall hyn, yr ateb cyntaf wrth gwrs yw i Flaenoriaid/Diaconiaid ildio ffordd i rai newydd ifanc - dydw i ddim yn disgwyl i Ddiaconiaid sy dros eu hanner cant gyflwyno trefn gwasanaeth newydd ond fe ddylie nhw symud i'r neulltu a gadael i fy nghenhedlaeth i wneud. Beth oedd oedran y diwygwyr mawr eto? Arloeswyr Anghydffurfiaeth Gymreig? Yn eu hugeiniau os cofiaf yn iawn.

Ni fydd diwygio cyfrwng gwasanaeth yn siwr o ddod a diwygiad fodd bynnag byddai'n tynnu i lawr un rhwystr - 1 i lawr 9999 i fynd :ofn:
Delwedd
Rhithffurf defnyddiwr
Rhys Llwyd
Cymedrolwr
Cymedrolwr
 
Negeseuon: 4935
Ymunwyd: Mer 11 Rhag 2002 5:07 pm
Lleoliad: Aberystwyth

Re: Ble mae'n pobol ifainc?

Postiogan ger4llt » Maw 22 Ion 2008 5:20 pm

Iawn...atab gan berson ifanc :?

Mi o'n i'n arfar mynd i'r capal yn eitha aml tan rhyw ddwy flynedd yn ol (15 oed ydw i gyda llaw).
Ac i fod yn onasd, ma na lot o ffactora sy' wedi fy nenu i ffwrdd, e.e.
'I bod hi ychydig yn ddiflas eistedd yn llonydd am hannar awr-awr yn gwrando ar bregethwr yn siarad am rhywbeth nad ydych chi yn ei ddallt, ac yn yr iaith mwya' ffurfiol ar lafar. 'Falla rheswm arall yw mai ychydig iawn o'n ffrindiau, heblaw am ferched 'falla, yn mynychu hefyd - ac mi fuaswch chi'n teimlo yn eitha' unig yng nghanol criw "capel". Efallai mai yn yr ardal i yn unig ma' hi, ond dwi'n gweld y gwenidiogion a'r pregethwyr yn...hen-ffasiwn efallai, a byddech chi'n teimlo yn anghyfforddus iawn yn eu cwmni. Er hynny, 'falla fod yr Ysgol Sul yn gwella rywfaint o'r bregeth. Mwy na thebyg, byswn i yn mynychu'r capal dim ond am yr Ysgol Sul, gan ei fod yn llawer mwy atyniadol. O ia, efallai'n bennaf, 'y mai i ydi o nad ydw i'n gallu codi'n ddigon cynnar :?

Dwi'n dalld gofidia' pobl, a dwi'n gweld o'n eitha trist hefyd, ond 'ma angan hwb go lew i geisio gwneud mynychu'r capal/eglwys yn llawer mwy atyniadol i'n cymdeithas ni. Wrth gyfri rwan, rhyw bedwar neu bump o'n ffrindia i sy'n mynychu'r capal yn gymharol aml h.y. falla unwaith neu ddwywaith y mis o bosib, a 'chydig yn amlach dros gyfnod y Pasg, Dolig a ballu.
'Dwi di meddwl dychwelyd fy hun de, ond dwimisho mynd drw rigmarol y gwenidog o "Weeel diolch yn faawr iawn i ti am ddychwelyd ar y diwrnod sanctaidd hwn i addoli gyda ni...rydwyf yn sicr y byddet wrth dy fodd yma..." :| A wedyn ryw gyhoeddiad a sefyll fynu a phob hen begor yn dod ataf fi efo ryw dap bach ar 'y mraich. :| Hmm.

(gyda llaw, dwi heb orliwio)
cym anadl ddofn o'r golygfaeydd gwboi :D
Rhithffurf defnyddiwr
ger4llt
Defnyddiwr Efydd
Defnyddiwr Efydd
 
Negeseuon: 231
Ymunwyd: Sul 23 Medi 2007 2:24 pm
Lleoliad: Mewn ty bach twt yng nghefn yr ardd

Re: Ble mae'n pobol ifainc?

Postiogan 7ennyn » Maw 22 Ion 2008 5:29 pm

Foel Gornach a ddywedodd:Pam nad yw'n pobol ifainc yn mynd i'r cwrdd/oedfa/addoliad?
Cwestiwn oesol, mi wn, ond er hynny byddai'n dda cael eich ymateb a'ch barn - pob un ohonoch.

Oherwydd eu bod nhw'n ddigon call i weld trwy'r twyll a rhagrith.
Delwedd
Rhithffurf defnyddiwr
7ennyn
Defnyddiwr Arian
Defnyddiwr Arian
 
Negeseuon: 869
Ymunwyd: Gwe 01 Gor 2005 8:35 pm
Lleoliad: Maes Gwyddno

Re: Ble mae'n pobol ifainc? [diffyg pobl ifanc yn y Capel]

Postiogan Rhys Llwyd » Maw 22 Ion 2008 5:49 pm

[Wedi dileu sylwad gan Sian a 7ennyn oherwydd ei fod yn troi yn daflu mwd - wedi gadael yr un uchod gan 7ennyn fel enghraifft o neges wrth-Gristnogol nad sy'n gyfraniad adeiladol i'r drafodaeth. Nid oedd sylwad 7ennyn yn PR da i'r lobi gwrth-Gristnogol - o esbonio dy safbwynt yn fanylach 7ennyn efallai y byddai yna esgor ar drafodaeth adeiladol. I ddweud y gwir mae rhagrithder llawer o Grefyddwyr "cristnogol" yn dipyn o turn-off i fi hefyd a dwi'n Gristion; felly dadleua yn llawnach i bobl fel Sian fedru ymateb yn llawn hefyd. - Cymdrolwr]
Delwedd
Rhithffurf defnyddiwr
Rhys Llwyd
Cymedrolwr
Cymedrolwr
 
Negeseuon: 4935
Ymunwyd: Mer 11 Rhag 2002 5:07 pm
Lleoliad: Aberystwyth

Re: Ble mae'n pobol ifainc? [diffyg pobl ifanc yn y Capel]

Postiogan Hogyn o Rachub » Maw 22 Ion 2008 6:36 pm

Mae'n eithaf syml - dydi pobl ifanc ddim yn dueddol o gredu mewn Duw yn y ffordd draddodiadol. Mae'r rhesymau am hynny'n amrywiol, wrth gwrs, er hyd y gallaf i weld mae 'na fwyafrif ymhlith fy ffrindiau i sy'n credu mewn Duw ac yn ystyried eu hunain yn Gristionogion ddim yn mynychu'r eglwys na'r capel. I'r bobl hyn, ac i nifer na fyddant yn ystyried eu hunain yn Gristionogion (yn yr ystyr traddodiadol) nid Duw fel y cyfryw sy'n colli'i apel ond crefydd sefydliadol.

O bawb dw i'n nabod, lleiafrif y byddai'n ystyried eu hunain yn Gristionogion dw i'n meddwl, ond dw i'n meddwl y byddai mwyafrif yn dweud eu bod nhw "yn credu mewn rhywbeth uwch". Hwyrach bod hyn yn deillio o barodrwydd pobl i gwestiynu popeth a bod hyn yn cynnwys cwestiynu eu ffydd, ond hyd y gwelaf i nid y gred mewn Duw sy'n dirywio ond y ffyrdd y mae pobl yn dewis credu ynddo.
"Be gymrwch chi Wiliam, ai salad ta beth?"
"Oes rhaid i chi ofyn? Wel, tatws trwy crwyn!"

Y Rachub Rydd Gymraeg
Rhithffurf defnyddiwr
Hogyn o Rachub
Defnyddiwr Aur
Defnyddiwr Aur
 
Negeseuon: 4939
Ymunwyd: Gwe 25 Hyd 2002 7:59 pm
Lleoliad: Caerdydd a Rachub

Re: Ble mae'n pobol ifainc? [diffyg pobl ifanc yn y Capel]

Postiogan sian » Maw 22 Ion 2008 7:06 pm

I wneud pethau'n glir - does gen i ddim gwrthwynebiad i ymateb 7ennyn uchod. Mae'n ymateb dilys. Beth doeddwn i ddim eisiau oedd bod y drafodaeth yn mynd nol a mlaen - Rhagrithwyr sy'n mynd i'r capel - Nage ddim - gan dindroi heb fod o gymorth i neb.
Gorau oll os gallith y drafodaeth barhau - gyda chyfraniadau gan anffyddwyr, amheuwyr, Cristnogion sy'n anhapus â'r set-yp presennol a chrefyddwyr selog - hen ac ifanc.
Welais i ddim o ail gyfraniad 7ennyn - ond doeddwn i ddim yn bwriadu taflu mwd o gwbwl - dw i ddim yn gwbod a gafodd e/hi yr argraff honno.

Gyda llaw - dw i ddim yn siwr faint o ragrith sydd yn y capeli/eglwysi erbyn hyn - llai o gryn dipyn nag y buodd swn i'n tybio.
Dw i ddim yn meddwl y byse'r un diacon yn mynd trwy ddrws cefn y dafarn etc erbyn hyn!

Dw i'n deall safbwynt ger4llt yn iawn. Mae'n anodd gwybod lle mae tynnu'r llinell rhwng anwybyddu rhywun dierth yn y capel a gwneud gormod o ffys ohonyn nhw.
sian
Gweinyddwr
Gweinyddwr
 
Negeseuon: 3413
Ymunwyd: Llun 19 Ebr 2004 4:37 pm
Lleoliad: trefor

Re: Ble mae'n pobol ifainc? [diffyg pobl ifanc yn y Capel]

Postiogan Dyfed » Maw 22 Ion 2008 7:43 pm

Cyfaddefiad i gychwyn - dwi ddim yn ifanc bellach, a dwi ddim yn meddwl imi fod yn ifanc erioed. :(

Wnes i erioed beidio mynd i'r capel pan yn fy arddegau - ac erbyn imi gyrraedd fy ugeiniau canol roeddwn wedi penderfynu bod yn weinidog gyda'r Bedyddwyr. Pan oeddwn i yng nghanol byd y capel traddodiadol rhaid imi ddweud fy mod i'n cael y cwbl yn eithaf diflas ar y cyfan. Dwi'n siwr imi allu diflasu fy hun sawl tro wrth bregethu! Felly mae angen newid y dull o gynnal oedfa ac ystwytho llawer iawn, iawn o'r dull traddodiadol (yr hen 'hymn sandwich').

Wedi dweud hyn i gyd, yn y bon ffydd bersonnol sy'n cyfrif, a chyfarfyddiad personnol a Duw real sy'n dod a ffydd i rhywun, dim unrhyw steil arbennig o addoli.
Dyfed
Defnyddiwr
Defnyddiwr
 
Negeseuon: 2
Ymunwyd: Llun 21 Ion 2008 6:54 pm
Lleoliad: Bangor, Gwynedd.

Re: Ble mae'n pobol ifainc? [diffyg pobl ifanc yn y Capel]

Postiogan huwwaters » Maw 22 Ion 2008 8:21 pm

Dwi'n meddwl na'r prif beth yw'r UDA yn pedlo diwylliant o wario etc.. Mae hyn wedi arwain at gymdeithas sy'n rhoi gwerth aruthrol ar nwyddau ffisegol. Mae pawb yn disgwyl popeth ar blat, tŷ neis, car neis, dillad neis, achosion amal o gymdeithasu etc. gyda pres yn rhoi hwn oll. Gyda hyn yn digwydd maent yn anghofio testunau pwysicach mewn bywyd, maent yn disgwyl i bres neud popeth, ond pan mae rhywbeth fel eich iechyd yn mynd, mae pobol toc yn agor eu llygaid.

Chi ond angen edrych ar hanesion pobol tlawd o gwmpas y byd i weld praint mor cynnes ydynt, gan eu bod yn rhoi blaenoriaeth i frawdoliaeth yn hytrach na cael cyn gymaint o nwyddau a phosib. Arabwyr cyn i'r UDA sdicio'i thrwyn yn y Dwyrain Canol, gogledd Lloegr yn ystod yr oes diwydiannol, byd Waldo etc.
Huw
Rhithffurf defnyddiwr
huwwaters
Cymedrolwr
Cymedrolwr
 
Negeseuon: 2850
Ymunwyd: Gwe 30 Awst 2002 9:16 pm

Nesaf

Dychwelyd i Ffydd a Chrefydd

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig a 7 gwestai

cron