Crefydd George W Bush a Llygredd

Cyfle i bawb drafod pob ffydd a Chrefydd dan haul yn gwbwl agored.

Cymedrolwr: Rhys Llwyd

Rheolau’r seiat
Cyfle i bawb drafod pob ffydd a Chrefydd dan haul yn gwbwl agored. Pwyswch yma i weld canllawiau mwy manwl. Cofiwch, dim ymosodiadau personol. Pwyswch yma i ddarllen canllawiau cyffredinol maes-e.

Crefydd George W Bush a Llygredd

Postiogan Gai Toms » Iau 24 Ion 2008 2:50 pm

Eironig yw darganfod mai 'fflam' a 'chroes' yw symbol crefydd yr hen Bush, United Methodist Church - http://www.umc.org ac yntau'n arlywydd ar y wlad, a'r fyddin, sy'n creu'r rhan fwyaf o CO2 (gan ddyn) y byd. Ydio'n creu'r llygredd ma yn enw Duw? Os hynny, sut fath o lysgennad ydy'r dyn i'r berthynas rhwng crefydd a'r amgylchfyd?
Nes i drio mynegi'r cwestiwn yma yn fy nghan - Iesu Grist o Nefoedd yr Adar, ar yr album - Yr Eira Mawr.
Gai Toms
Defnyddiwr
Defnyddiwr
 
Negeseuon: 55
Ymunwyd: Maw 14 Awst 2007 3:29 pm
Lleoliad: Dibynnu lle ydw i...

Re: Crefydd George W Bush a Llygredd

Postiogan huwwaters » Gwe 25 Ion 2008 3:42 am

Y broblem yw, fod nifer o'r criw George Bush ma'n gwadu cynhesu byd eang achos bod nhw'n meddwl na gweithred Duw ydio. Ma nhw'n meddwl fod y morodd yn codi, llifogydd, y byd yn mynd yn boeth yn gamau cyntaf armageddon.
Huw
Rhithffurf defnyddiwr
huwwaters
Cymedrolwr
Cymedrolwr
 
Negeseuon: 2850
Ymunwyd: Gwe 30 Awst 2002 9:16 pm

Re: Crefydd George W Bush a Llygredd

Postiogan Sioni Size » Gwe 25 Ion 2008 4:08 am

Yndi, mae'n hynod gyfleus i rai o'r bobl sy'n argyhoeddiedig yn eu crefydd fod Duw eisiau gweld yr union beth y mae nhw'n ei weithredu, megis Tony Blair neu eithafwyr Sharia yn enghreifftiau eraill ar ben Bush a'i gabal afiach a'i gefnogwyr efangelaidd mental. God on Our Side ys dywedodd Bob Dylan hefyd.
Rhithffurf defnyddiwr
Sioni Size
Defnyddiwr Aur
Defnyddiwr Aur
 
Negeseuon: 2302
Ymunwyd: Maw 06 Mai 2003 11:43 pm
Lleoliad: Pen Llyn

Re: Crefydd George W Bush a Llygredd

Postiogan Gai Toms » Gwe 25 Ion 2008 11:22 am

Sioni Size: Y broblem yw, fod nifer o'r criw George Bush ma'n gwadu cynhesu byd eang achos bod nhw'n meddwl na gweithred Duw ydio.


Mae tystiolaeth wyddonol yn profi bod y byd yn mynd drwy oesau o gynhesu a rhewi beth bynnag, ers ddydd Sul pys! Gallwn alw hyn yn weithred y Duw ddwyfol neu'r 'Duw' wyddonol, dibynnu be da chi'n goelio. Ond gall dyn mor bwerus a Jorj 'Hick, scuse me while I spit tobbacco into a galvanized bucket!Ping!!' Doubla-ya Beush ddim gwadu'r dystiolaeth wyddonol bod llygredd dyn yn cyfrannu at yr oes sydd ohoni. Falla bod America wedi cyfaddef yn ddiweddar mai effaith y ddynoliaeth sydd yn achosi'r newid hyn, (dim yn siwr be mae nhw wedi' wneud ohono?) ond mae cerbydau milwrol yn dal i fynd tua'r Dwyrain canol, mae'r gynnau dal i gael eu saethu a mae pobl yn cael eu lladd. Tydw i ddim yn dweud bod y Dwyreinwyr ddim yn angylion chwaith.

Mae'n anodd i mi gofio diwrnod lle nad oes awyren milwrol wedi hedfan dros fy nhy o Valley, Sir Fon! Nid yn unig di'r awyrenau diawledig ma yn gollwng llygredd i'r nefoedd, ond mae nhw'n llygru fy nghlustiau tendar hefyd! Mae'n waeth na gwrando ar Arfon Wyn! Iawn, dwi wedi hedfan fy hun er mwyn pleser, dwi'n cyfaddef fy mod yn euog o 'Decadanteiddio dan y nef' er mwyn fy hapusrwydd hunaol i, ond mae gennyf reolaeth dros fy hun i stopio hynny, fel mae gan pobl fel Georgy reolaeth dros newid y ffordd mae'r Pentagon, a'i wlad, yn llygru.
Gai Toms
Defnyddiwr
Defnyddiwr
 
Negeseuon: 55
Ymunwyd: Maw 14 Awst 2007 3:29 pm
Lleoliad: Dibynnu lle ydw i...

Re: Crefydd George W Bush a Llygredd

Postiogan Rhys Llwyd » Gwe 25 Ion 2008 11:32 am

Dywed Bobi Jones mai rhan o’r broblem oedd y newid agwedd ymhlith Calfinwyr efengylaidd tuag at ddiben a gwaith yr Eglwys; 'Symudwyd diben yr Eglwys oddi wrth Ogoneddu Duw i Achub dyn... Tueddwyd bellach i roi blaenoriaeth i Efengylu ar draul Gogoneddu Duw yn ei lawnder.' Wrth gwrs ei bod hi’n fraint ac yn anrhydedd i’r eglwys gyhoeddi bod Iesu’n Waredwr er mwyn ennill eneidiau ato ond mae’r un mor bwysig datgan bod Iesu’n Arglwydd ar ein bywydau ac ar ein byd, ac felly bod gwarchod yr amgylchedd yn ddyletswydd i'r Cristion. Rhaid cadw’r cydbwysedd rhwng y ddau. Dywed Bobi Jones unwaith yn rhagor; 'Ni sylweddolwyd llawn ddyletswyddau dyn ar y ddaear gerbron Duw, mewn gwaith pob dydd, yn y celfyddydau, mewn addysg, mewn hamdden, mewn gwyddoniaeth, mewn cymdeithas.' Gallwn ddeall a chydymdeimlo pam fod y symud yma wedi digwydd - yn dilyn rhyfyg yr Efengyl Gymdeithasol yr oedd angen gwneud safiad a dod â'r sôn am bechod, yr Iawn a thröedigaeth yn ôl. Ond a wyrwyd yn ormodol i'r pegwn arall? Wel yn sicr felly os ydy Bush a'i debyg yn ddigon parod i son am eu statws "born again" ond yn gwadu perthnasedd eu ffydd y broblemau fel yr amgylchedd.

Credaf fod un athrawiaeth greiddiol wedi eu hesgeuluso gan rai Cristnogion diwygiedig, Bush yn eu plith.
Y Gorchymyn Diwylliannol. Fis Mawrth mynychais y Brecwast Gweddi Cenedlaethol dros Gymru pan ddywedodd y prif siaradwr, Antoine Rutayisire o Rwnada rywbeth tebyg i 'God created Man, and told him to govern the Earth, therefore I would argue that the second thing God created after man was politics!' Wrth gwrs, cyfeirio at y Gorchymyn Diwylliannol ydoedd, sef y gorchymyn hwnnw a roddodd Duw i Adda yn Genesis 1:28 a 2:15, gorchymyn a gafodd ei ail-adrodd i Noa yn Genesis 9:1-3 a 9:7 a'r gorchymyn sy'n dal i sefyll yn gwbl urddasol ochr yn ochr â'r Gorchymyn Cenhadol. Yr egwyddor sylfaenol yw gorchymyn i Gristnogion ymhél â'r byd, ac mae hynny’n cynnwys gwleidyddiaeth sydd hefyd yn cynnwys amgylcheddiaeth. Dylai Cristnogion fynegi barn ac arwain ar bob math o faterion gan gynnwys yr amgylchedd.

Yr hyn sy'n ddiddorol am ddiffyg ymroddiad llawer o Efengylwyr i'r frwydr amgylcheddol yw fod y sail ddiwinyddol i amddiffyn y greadigaeth i'w ganfod yn yr Hen Destament ac fel rheol mae Efengylwyr adain dde yn reit keen ar yr Hen Destament i gyfiawnhau eu rhyfel ayyb... ond am yr amgychedd... ei anwybyddu bid siwr!
Delwedd
Rhithffurf defnyddiwr
Rhys Llwyd
Cymedrolwr
Cymedrolwr
 
Negeseuon: 4935
Ymunwyd: Mer 11 Rhag 2002 5:07 pm
Lleoliad: Aberystwyth

Re: Crefydd George W Bush a Llygredd

Postiogan Mr Gasyth » Gwe 25 Ion 2008 11:44 am

Pam poeni am y byd yma pan mae'r un nesa'n mynd i fod gymaint gwell?
Rhithffurf defnyddiwr
Mr Gasyth
Cymedrolwr
Cymedrolwr
 
Negeseuon: 5303
Ymunwyd: Mer 23 Gor 2003 1:06 pm
Lleoliad: Ar y Foel

Re: Crefydd George W Bush a Llygredd

Postiogan Gideon » Gwe 25 Ion 2008 11:56 am

Rhys Llwyd a ddywedodd:Fis Mawrth mynychais y Brecwast Gweddi Cenedlaethol dros Gymru pan ddywedodd y prif siaradwr, Antoine Rutayisire o Rwnada rywbeth tebyg i 'God created Man, and told him to govern the Earth, therefore I would argue that the second thing God created after man was politics!'

O, mi wnes i fynychu'r brecwast yno! Ewadd, tosna'm angan i ni boeni am y cnesu byd-eang ma wchi. Caiff pawb eu barnu fel y mae Duw yn gweld yn addas, a Duw a helpa'r sawl sydd ddim. (hynny ydi, "Duw a'ch helpo chi." ond eto, ni fydd Duw yn eich helpu chi)
Gideon
 

Re: Crefydd George W Bush a Llygredd

Postiogan Gai Toms » Gwe 25 Ion 2008 11:57 am

Mr Gasyth: Pam poeni am y byd yma pan mae'r un nesa'n mynd i fod gymaint gwell?


Ha ha ha!
Gai Toms
Defnyddiwr
Defnyddiwr
 
Negeseuon: 55
Ymunwyd: Maw 14 Awst 2007 3:29 pm
Lleoliad: Dibynnu lle ydw i...

Re: Crefydd George W Bush a Llygredd

Postiogan Gideon » Gwe 25 Ion 2008 12:00 pm

Gai Toms a ddywedodd:
Mr Gasyth: Pam poeni am y byd yma pan mae'r un nesa'n mynd i fod gymaint gwell?


Ha ha ha!


Ia, chwerthwch chi y rocars/rafins. Chi a'ch 'reggae' diafolaidd. Cam-ddehongliad o'r Beibl yw'r mudiad 'Rastafari' wsdi. Sy'n eu gwneud hwythau yn bechaduriaid fel tithau Mr Toms.
Gideon
 

Re: Crefydd George W Bush a Llygredd

Postiogan Gai Toms » Gwe 25 Ion 2008 12:23 pm

Gideon, rhag dy gywilydd di! Tydw i ddim yn Rastafarian....... ti a dy agwedd rhagfarnllyd! Rwyf yn perthyn i'r pathew yn y llwyn, yn perthyn i'r Eliffant yn y cae, rwyf yn perthyn i'r creadur troediog cyntaf daeth allan o'r mor, mae gennyf ffydd mewn be sydd a tystiolaeth iddo / gwyddoniaeth. Beth am y cerddoriaeth newydd ma sy'n cael ei chwarae gan fandiau christnogol? Yn chwarae miwisg Rock and Roll, Eh? "Rock is the music of the Devil" medda nhw ynde? Ble mae'r egwyddor yn fama Mr Gideon? A pwy yny byd ydw i wedi ei bechu? A? A? Dwi mond yn bechadur o fewn dy system epistemig di Mr Gideon! Tydw i ddim yn dy ragfarnu di am dy fod ti yn bechadur i'r system epistemig wyddonol nadw?

Beth bynnag, mae Bob Marley wedi gwneud mwy dros heddwch a chariad na ma George Bush erioed wedi ei wneud! Gawn ni fynd yn ol i'r drafodaeth plis...?? Jah!
Golygwyd diwethaf gan Gai Toms ar Gwe 25 Ion 2008 12:31 pm, golygwyd 3 o weithiau i gyd.
Gai Toms
Defnyddiwr
Defnyddiwr
 
Negeseuon: 55
Ymunwyd: Maw 14 Awst 2007 3:29 pm
Lleoliad: Dibynnu lle ydw i...

Nesaf

Dychwelyd i Ffydd a Chrefydd

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig a 3 gwestai

cron