Gorfodi Addoli mewn Ysgolion

Cyfle i bawb drafod pob ffydd a Chrefydd dan haul yn gwbwl agored.

Cymedrolwr: Rhys Llwyd

Rheolau’r seiat
Cyfle i bawb drafod pob ffydd a Chrefydd dan haul yn gwbwl agored. Pwyswch yma i weld canllawiau mwy manwl. Cofiwch, dim ymosodiadau personol. Pwyswch yma i ddarllen canllawiau cyffredinol maes-e.

Re: Gorfodi Addoli mewn Ysgolion

Postiogan ceribethlem » Gwe 26 Tach 2010 2:54 pm

sian a ddywedodd:
ceribethlem a ddywedodd:Fi'n tybio fod tipyn o gyfraniadau i'r edefyn yma ddim cweit yn siwr o'r hyn sy'n mynd mlaen mewn gwasanaethau boreol ysgolion. Nid mater o orfodi plentyn i addoli mewn modd Cristnogol ydyw. Mae'r gyfraith yn dweud fod rhaid cael gwasanaethau sy'n "broadly Christian in character", h.y. rhai sydd yn son am foesau cyffredinol ayyb.
Fel soniais i uchod, dwi heb rhoi "neges" Crefyddol yn fy "ngwasanaeth" ers blynyddoedd. Cyfle i gyfarfod a'r cohort Blwyddyn cyfan mewn un lle ar yr un pryd yw hi.


Wyt ti'n cynnwys gweddi yn dy wasanaethau di, felly?
Tua faint o'r disgyblion sy'n cael eu hesgusodi o'r gwasanaethau? Roedd plant ni'n meddwl mai dim ond Tystion Jehofa oedd yn dewis esgusodi eu plant o'r gwasanaethau yn eu hysgol nhw. Roedd yr actor Gareth Lewis ar Beti a'i Phobl yn ddiweddar yn dweud bod ei fab e'n cael ei esgusodi am fod y teulu'n anffyddwyr.

Dyma rai o ganllawiau Estyn:

* rhaid i ysgolion ddarparu addoli ar y cyd bob dydd i bob disgybl cofrestredig
* dylai’r rhan fwyaf o weithredoedd addoli ar y cyd ym mhob tymor ddilyn patrwm Cristnogol yn bennaf neu’n gyfan gwbl. Hynny yw, dylent adlewyrchu traddodiadau cyffredinol y gred Gristnogol heb gadw at arferion unrhyw enwad Cristnogol yn benodol
* dylai fod yn ymwneud â pharchu neu fawrygu bod neu bŵer dwyfol.
* Dylai addoli ar y cyd mewn ysgolion geisio rhoi’r cyfle i ddisgyblion addoli Duw, ystyried y materion ysbrydol a moesol yn ogystal ag ystyried eu credoau eu hunain. ... Dylai hyn hefyd feithrin ysbryd cymunedol, hyrwyddo ethos cyffredin a gwerthoedd sy’n cael eu rhannu, ac atgyfnerthu agweddau cadarnhaol.
* Mae’r gyfraith yn nodi y dylai’r rhan fwyaf o wasanaethau addoli ar y cyd ym mhob tymor ‘fod o natur Gristnogol yn bennaf neu’n gyfan gwbl’. Felly, o bryd i’w gilydd mae’n dderbyniol i addoli ar y cyd fod heb gysylltiad clir â’r ffydd Gristnogol. Dylai arolygwyr wirio cofnod yr ysgol o themâu diweddar addoli ar y cyd i weld a yw’r ysgol yn cydymffurfio â’r gyfraith ai peidio
* Mae’r gyfraith yn mynnu bod ysgolion yn rhoi’r cyfle i ddisgyblion addoli. Nid yw’r gyfraith yn mynnu bod ysgolion yn gorfodi disgyblion i addoli.

Be dwi'n dreio ddadlau yw y byddai'r sefyllfa'n iachach i bawb o dynnu'r elfen "parchu neu fawrygu pŵer dwyfol" allan yn llwyr am nad yr ysgol yw'r lle i wneud hynny.

Fi ddim yn cynnwys gweddi pan fyddai'n paratoi gwasanaeth, ond mae'r mwyafrif o'r staff yn gwneud. Tua hanner (os hynny) o'r staff sy'n paratoi gwasanaeth crefyddol yn hytrach na chyffredinol moesol.
Mae'r mwyafrif o'r disgyblion yn mynychu'r gwasanaethau (dim ond ambell i Jehovah neu debyg sydd gyda ni).
Fi'n cofrestru'r chweched, sy'n golygu fod hawl ganddynt optio mas o wasanaeth, felly cyfarfodydd boreol byddwn ni'n cael (unwaith yr wythnos) yn hytrach na gwasanaeth.

I ateb dy bwyntiau am Estyn:
* rhaid i ysgolion ddarparu addoli ar y cyd bob dydd i bob disgybl cofrestredig Mae tipyn yn dibynu ar y diffiniad o addoli, mae rhoi cyfle i bawb i fyfyrio yn medru bod yn gyfle i addoli.

* dylai’r rhan fwyaf o weithredoedd addoli ar y cyd ym mhob tymor ddilyn patrwm Cristnogol yn bennaf neu’n gyfan gwbl. Hynny yw, dylent adlewyrchu traddodiadau cyffredinol y gred Gristnogol heb gadw at arferion unrhyw enwad Cristnogol yn benodol Hynny yw son am fyw mewn modd moesol yn hytrach na bod yn Grisition yn benodol. Y Natur moesol Cristnogol sy'n cael ei ddilyn.

* dylai fod yn ymwneud â pharchu neu fawrygu bod neu bŵer dwyfol. Jiawcs :ofn: Fi byth yn gwneud hyn, oni bai bod fi'n cyfri fel bod neu bŵer dwyfol.

* Dylai addoli ar y cyd mewn ysgolion geisio rhoi’r cyfle i ddisgyblion addoli Duw, ystyried y materion ysbrydol a moesol yn ogystal ag ystyried eu credoau eu hunain. ... Dylai hyn hefyd feithrin ysbryd cymunedol, hyrwyddo ethos cyffredin a gwerthoedd sy’n cael eu rhannu, ac atgyfnerthu agweddau cadarnhaol. Mae yna wahaniaeth rhwng rhoi'r cyfle i addoli Duw, ac i orfodi hynny. Ishe rhoi opsiynnau i'r disgyblion feddwl a penderfynnu dros eu hunain. Yn aml byddaf yn chwarae rol y devils advocate pan yn trafod pethau fel hyn, dadle yn erbyn y syniad o dduw pan fod rhai yn mynnu ei fodolaeth, a dadlau dros y syniad o dduw yn erbyn y rhai sy'n gwrthod y syniad yn llwyr. Trial cael y plant i feddwl dros eu hunain yn hytrach na dibynnu ar syniadau pobol eraill.

* Mae’r gyfraith yn nodi y dylai’r rhan fwyaf o wasanaethau addoli ar y cyd ym mhob tymor ‘fod o natur Gristnogol yn bennaf neu’n gyfan gwbl’. Felly, o bryd i’w gilydd mae’n dderbyniol i addoli ar y cyd fod heb gysylltiad clir â’r ffydd Gristnogol. Dylai arolygwyr wirio cofnod yr ysgol o themâu diweddar addoli ar y cyd i weld a yw’r ysgol yn cydymffurfio â’r gyfraith ai peidio Fi'n credu fod yr hun soniais am uchod ar lefel bersonol yn dod mewn fan hyn. Mae rhai athrawon yn gwneud gwasanaethau Cristnogol crefyddol traddodiadol (h.y. darlleniadau o'r Beibl ac ati), eraill fel fi ddim yn gwneud. A dweud y gwir bydden i'n gwrthod gan bydde braidd yn ragrithiol ohonof fi i wneud hynny!

* Mae’r gyfraith yn mynnu bod ysgolion yn rhoi’r cyfle i ddisgyblion addoli. Nid yw’r gyfraith yn mynnu bod ysgolion yn gorfodi disgyblion i addoli. Wedi son am hyn yng nghynt.

Sian a ddywedodd:Be dwi'n dreio ddadlau yw y byddai'r sefyllfa'n iachach i bawb o dynnu'r elfen "parchu neu fawrygu pŵer dwyfol" allan yn llwyr am nad yr ysgol yw'r lle i wneud hynny
Pwrpas ysgol yw addysgu a pharatoi'r plant a phobol ifanc am y Byd mawr y tu hwnt i'r ysgol. I lawer o deuluoedd bydd y plant ddim yn mynychu unrhyw addoldy, felly mae hyn yn gyfle i ddysgu am y pethau maent yn eu colli.
Yn bersonol bydde'n well gyda fi fod y rhan penodol Cristnogol yn cael ei ollwng, a bod mwy o bwyslais ar yr undod sydd yn negeseuon moesol y prif grefyddau. Hynny yw mae posib byw bywyd moesol, da beth bynnag for ffydd (neu ddiffyg ffydd am hynny).
Nonsens
ceribethlem
Gweinyddwr
Gweinyddwr
 
Negeseuon: 4530
Ymunwyd: Gwe 11 Hyd 2002 10:22 pm
Lleoliad: mynydd du

Re: Gorfodi Addoli mewn Ysgolion

Postiogan Barry » Gwe 26 Tach 2010 4:20 pm

ceribethlem a ddywedodd:Pwrpas ysgol yw addysgu a pharatoi'r plant a phobol ifanc am y Byd mawr y tu hwnt i'r ysgol. I lawer o deuluoedd bydd y plant ddim yn mynychu unrhyw addoldy, felly mae hyn yn gyfle i ddysgu am y pethau maent yn eu colli.

Yn fy marn i, does neb yn colli dim byd drwy beidio mynd i unrhyw addoldy.

Mae llawer o anffyddwyr yn y byd, felly pam na ddylai'n safbwynt ni gael ei ddysgu hefyd? Does dim angen i grefydd fod yn rhan o'r "byd mawr tu hwnt i'r ysgol".

Os wyt ti'n meddwl y dylen ni ddysgu plant am grefyddau'r byd, dyna beth yw pwrpas addysg grefyddol. Does dim angen gweithred addoli ar y cyd statudol pob dydd i ddysgu plant am grefydd.

Fel athro mewn ysgol gynradd, gyda chyfrifoldeb dros addysg grefyddol yn yr ysgol, dyma broblem sy'n fy wynebu yn ddyddiol. Mae addysg grefyddol yn bwysig er mwyn i blant deall beth mae pobl eraill yn ei gredu, ond mae hynny'n gwbl wahanol i addoliad statudol fel yn y drefn bresennol.
Barry
Defnyddiwr
Defnyddiwr
 
Negeseuon: 28
Ymunwyd: Iau 10 Rhag 2009 5:05 pm
Lleoliad: Pontllanfraith

Re: Gorfodi Addoli mewn Ysgolion

Postiogan Chickenfoot » Gwe 26 Tach 2010 4:39 pm

Hynny yw, dylent adlewyrchu traddodiadau cyffredinol y gred Gristnogol heb gadw at arferion unrhyw enwad Cristnogol yn benodol


Pick and mix Christianity, felly? Os am gynnwys traddodiadau Cristnogol, dorwch nhw gyd i mewn neu peidiwch a son am y gred o gwbl yn y canllawiau.
Pam cyfeirio at Gristnogaeth o gwbl yn y canllawiau?
Dyma beth sy'n fy ngwylltio i am Gristnogaethg "moderate". Maent yn anwybyddu'r canllawiau oes efydd twp a chanolbwyntio ar y opethasu neis, ac yn dal yn ceisio honni mae llyfr o ddoethineb uwch naturiol ydi'u cred nhw - a nid mytholeg bugfeiliaid sexist, hiliol a threisgar.
Bet yw traddodiadau Cristnogol? Y rhai mae pobl yn medru stumogi heb deimlo'n wirion?
Ra Ra Rasputin loved to play the slot machines! - Boney M
Rhithffurf defnyddiwr
Chickenfoot
Defnyddiwr Arian
Defnyddiwr Arian
 
Negeseuon: 754
Ymunwyd: Gwe 22 Chw 2008 5:38 am
Lleoliad: Morffer Buck-un

Re: Gorfodi Addoli mewn Ysgolion

Postiogan ceribethlem » Gwe 26 Tach 2010 4:40 pm

Barry a ddywedodd:
ceribethlem a ddywedodd:Pwrpas ysgol yw addysgu a pharatoi'r plant a phobol ifanc am y Byd mawr y tu hwnt i'r ysgol. I lawer o deuluoedd bydd y plant ddim yn mynychu unrhyw addoldy, felly mae hyn yn gyfle i ddysgu am y pethau maent yn eu colli.

Yn fy marn i, does neb yn colli dim byd drwy beidio mynd i unrhyw addoldy.

Mae llawer o anffyddwyr yn y byd, felly pam na ddylai'n safbwynt ni gael ei ddysgu hefyd? Does dim angen i grefydd fod yn rhan o'r "byd mawr tu hwnt i'r ysgol".

Os wyt ti'n meddwl y dylen ni ddysgu plant am grefyddau'r byd, dyna beth yw pwrpas addysg grefyddol. Does dim angen gweithred addoli ar y cyd statudol pob dydd i ddysgu plant am grefydd.

Fel athro mewn ysgol gynradd, gyda chyfrifoldeb dros addysg grefyddol yn yr ysgol, dyma broblem sy'n fy wynebu yn ddyddiol. Mae addysg grefyddol yn bwysig er mwyn i blant deall beth mae pobl eraill yn ei gredu, ond mae hynny'n gwbl wahanol i addoliad statudol fel yn y drefn bresennol.

Mae llawer o anffyddwyr yn y byd, felly pam na ddylai'n safbwynt ni gael ei ddysgu hefyd?
Cytuno, fi'n credu ddylen ni addysgu nhw fod moesau ddim ynghlwm gyda addoli neu grefydd.
Does dim angen i grefydd fod yn rhan o'r "byd mawr tu hwnt i'r ysgol".
Ma hynny'n wir, ond mae angen dealltwriaeth o sut mae crefydd yn gweithio i'w ddeall yn iawn. Angen rhoi'r gwybodaeth i'r plant i benderfynnu dros eu hunain.
Os wyt ti'n meddwl y dylen ni ddysgu plant am grefyddau'r byd, dyna beth yw pwrpas addysg grefyddol. Does dim angen gweithred addoli ar y cyd statudol pob dydd i ddysgu plant am grefydd.
Ie, ond dyw dysgu am grefydd mewn modd academaidd ddim yn gadael i'r plant ddeall sut mae'r grefydd yn gweithio ar lefel torfol.

A bod yn onest fi ddim siwr iawn yn hunan lle dwi'n sefyll gyda'r holl beth, fel anffyddiwr fi'n meddwl mai lot o nonsens yw'r holl beth. Wedi dweud hynny, ces i'n nghodi a'm magu fel Cristion, felly roeddwn yn gallu penderfynnu dewis peidio a chredu (er dyw hwnna ddim cweit yn iawn - nid penderfyniad ydyw ond gwybodaeth :winc: ).

Fi'n hoffi'r cyfarfod torfol, cyfle i bawb o'r un blwyddyn i ddod at ei gilydd unwaith yr wythnos. Os yw cynnal gwasanaeth crefyddol yn golygu fod y plant yn deall y negeseuon moesol, yna mae o fudd. Mae un o'm cydweithwyr yn gwneud stori y Samariad Trugarog yn flynyddol. Stori o'r Beibil, ond nid un sy'n perthyn mwy i Gristnogaeth nac ydyw i fywyd pob person.
Nonsens
ceribethlem
Gweinyddwr
Gweinyddwr
 
Negeseuon: 4530
Ymunwyd: Gwe 11 Hyd 2002 10:22 pm
Lleoliad: mynydd du

Re: Gorfodi Addoli mewn Ysgolion

Postiogan ceribethlem » Gwe 26 Tach 2010 4:47 pm

Chickenfoot a ddywedodd:
Hynny yw, dylent adlewyrchu traddodiadau cyffredinol y gred Gristnogol heb gadw at arferion unrhyw enwad Cristnogol yn benodol


Pick and mix Christianity, felly? Os am gynnwys traddodiadau Cristnogol, dorwch nhw gyd i mewn neu peidiwch a son am y gred o gwbl yn y canllawiau.
Pam cyfeirio at Gristnogaeth o gwbl yn y canllawiau?

Pam ddim? Dewis y gorau o Gristnogaeth h.y. negeseuon Iesu, fel anffyddiwr, does gen i ddim yn erbyn ei syniadau ef. Mae lawer o foesoldeb ni yng Nghymru yn debyg i syniadau Iesu.

Chickenfoot a ddywedodd: Dyma beth sy'n fy ngwylltio i am Gristnogaethg "moderate". Maent yn anwybyddu'r canllawiau oes efydd twp a chanolbwyntio ar y opethasu neis, ac yn dal yn ceisio honni mae llyfr o ddoethineb uwch naturiol ydi'u cred nhw - a nid mytholeg bugfeiliaid sexist, hiliol a threisgar.
Bet yw traddodiadau Cristnogol? Y rhai mae pobl yn medru stumogi heb deimlo'n wirion?

Does dim rhaid son am yr Hen Destament o gwbwl. Fel hwpodd Sian yng nghanllawiau Estyn, negeseuon patrwm Cristnogol (h.y. Testament Newydd) sydd angen. O'r hyn o'r Beibil dwi wedi ei ddarllen (ac oedd hynny gryn amser yn ol) does dim llawer o ddrwg yn negeseuon Iesu Grist.
Nonsens
ceribethlem
Gweinyddwr
Gweinyddwr
 
Negeseuon: 4530
Ymunwyd: Gwe 11 Hyd 2002 10:22 pm
Lleoliad: mynydd du

Re: Gorfodi Addoli mewn Ysgolion

Postiogan Nanog » Gwe 26 Tach 2010 9:09 pm

ceribethlem a ddywedodd:
Does dim rhaid son am yr Hen Destament o gwbwl. Fel hwpodd Sian yng nghanllawiau Estyn, negeseuon patrwm Cristnogol (h.y. Testament Newydd) sydd angen. O'r hyn o'r Beibil dwi wedi ei ddarllen (ac oedd hynny gryn amser yn ol) does dim llawer o ddrwg yn negeseuon Iesu Grist.


Am eiliad, roeddwn yn meddwl fy mod yn darllen geiriau rhywun goleuedig oedd yn gymwys i ddatgan barn ar y pwnc. O wel...... :(
Nanog
Defnyddiwr Arian
Defnyddiwr Arian
 
Negeseuon: 708
Ymunwyd: Llun 26 Rhag 2005 9:13 pm

Re: Gorfodi Addoli mewn Ysgolion

Postiogan Barry » Gwe 26 Tach 2010 10:22 pm

ceribethlem a ddywedodd:Ie, ond dyw dysgu am grefydd mewn modd academaidd ddim yn gadael i'r plant ddeall sut mae'r grefydd yn gweithio ar lefel torfol.


Oes yw hynny'n bwysig fel rhan o'u haddysg nhw, pam nad yw ysgolion yn gorfod cynnwys gweddiau Islamaidd pum gwaith y diwrnod, ymprydio ar Yom Kippur, ayyb?

ceribethlem a ddywedodd:Wedi dweud hynny, ces i'n nghodi a'm magu fel Cristion, felly roeddwn yn gallu penderfynnu dewis peidio a chredu (er dyw hwnna ddim cweit yn iawn - nid penderfyniad ydyw ond gwybodaeth :winc: ).

A finnau hefyd, ond dim ond yn 37 oed sylweddolais i fod Duw ddim yn bodoli, ac mae dod allan o grefydd ar ôl cymaint o amser â hynny yn anodd a phoenus iawn. Roeddwn i hyd yn oed wedi astudio Diwinyddiaeth, ac roeddwn i'n bregethwr hefyd. Roedd troi cefn ar fy holl ffordd o fyw, ac ar bopeth roeddwn i'n credu am y ffordd mae'r byd yn gweithio, yn anodd dros ben. Wyt ti wir yn credu dylai plant (oedolion y dyfodol) fynd drwy hynny er mwyn deall crefydd yn well? Rwy'n anghytuno'n gryf iawn.

ceribethlem a ddywedodd:Fi'n hoffi'r cyfarfod torfol, cyfle i bawb o'r un blwyddyn i ddod at ei gilydd unwaith yr wythnos.

Iawn, ond does dim angen cynnwys crefydd er mwyn cael cyfarfod torfol.

ceribethlem a ddywedodd:Os yw cynnal gwasanaeth crefyddol yn golygu fod y plant yn deall y negeseuon moesol, yna mae o fudd.

Ond gan nad yw moesau'n dod o'r Beibl na chrefydd yn y lle cyntaf, pam cynnwys crefydd o gwbl? Byddai'n well dysgu'r negeseuon moesol heb y baggage ofergoelus.
Barry
Defnyddiwr
Defnyddiwr
 
Negeseuon: 28
Ymunwyd: Iau 10 Rhag 2009 5:05 pm
Lleoliad: Pontllanfraith

Re: Gorfodi Addoli mewn Ysgolion

Postiogan ceribethlem » Gwe 26 Tach 2010 10:31 pm

Nanog a ddywedodd:
ceribethlem a ddywedodd:
Does dim rhaid son am yr Hen Destament o gwbwl. Fel hwpodd Sian yng nghanllawiau Estyn, negeseuon patrwm Cristnogol (h.y. Testament Newydd) sydd angen. O'r hyn o'r Beibil dwi wedi ei ddarllen (ac oedd hynny gryn amser yn ol) does dim llawer o ddrwg yn negeseuon Iesu Grist.


Am eiliad, roeddwn yn meddwl fy mod yn darllen geiriau rhywun goleuedig oedd yn gymwys i ddatgan barn ar y pwnc. O wel...... :(

Goleuedig? Fi? Ffyc na. Fi'n gwbod braidd dim am ffyc ol!
Nonsens
ceribethlem
Gweinyddwr
Gweinyddwr
 
Negeseuon: 4530
Ymunwyd: Gwe 11 Hyd 2002 10:22 pm
Lleoliad: mynydd du

Re: Gorfodi Addoli mewn Ysgolion

Postiogan ceribethlem » Gwe 26 Tach 2010 10:38 pm

Barry a ddywedodd:
ceribethlem a ddywedodd:Ie, ond dyw dysgu am grefydd mewn modd academaidd ddim yn gadael i'r plant ddeall sut mae'r grefydd yn gweithio ar lefel torfol.


Oes yw hynny'n bwysig fel rhan o'u haddysg nhw, pam nad yw ysgolion yn gorfod cynnwys gweddiau Islamaidd pum gwaith y diwrnod, ymprydio ar Yom Kippur, ayyb?

ceribethlem a ddywedodd:Wedi dweud hynny, ces i'n nghodi a'm magu fel Cristion, felly roeddwn yn gallu penderfynnu dewis peidio a chredu (er dyw hwnna ddim cweit yn iawn - nid penderfyniad ydyw ond gwybodaeth :winc: ).

A finnau hefyd, ond dim ond yn 37 oed sylweddolais i fod Duw ddim yn bodoli, ac mae dod allan o grefydd ar ôl cymaint o amser â hynny yn anodd a phoenus iawn. Roeddwn i hyd yn oed wedi astudio Diwinyddiaeth, ac roeddwn i'n bregethwr hefyd. Roedd troi cefn ar fy holl ffordd o fyw, ac ar bopeth roeddwn i'n credu am y ffordd mae'r byd yn gweithio, yn anodd dros ben. Wyt ti wir yn credu dylai plant (oedolion y dyfodol) fynd drwy hynny er mwyn deall crefydd yn well? Rwy'n anghytuno'n gryf iawn.

ceribethlem a ddywedodd:Fi'n hoffi'r cyfarfod torfol, cyfle i bawb o'r un blwyddyn i ddod at ei gilydd unwaith yr wythnos.

Iawn, ond does dim angen cynnwys crefydd er mwyn cael cyfarfod torfol.

ceribethlem a ddywedodd:Os yw cynnal gwasanaeth crefyddol yn golygu fod y plant yn deall y negeseuon moesol, yna mae o fudd.

Ond gan nad yw moesau'n dod o'r Beibl na chrefydd yn y lle cyntaf, pam cynnwys crefydd o gwbl? Byddai'n well dysgu'r negeseuon moesol heb y baggage ofergoelus.

NId am grefydd y bydd "celwydd" yn cael ei ddweud i blant. I nifer o bobl (yn cynnwyd y rhai mewn lklywodraeth) mae crefydd yn beth pwysig. I nhw nid celwydd yw duw na chrefydd.
Beth am nonsens fel Sion Corn, a chwningen y Pasg ag ati?

O'm mhrofiad i, mae plant yn cwympo mewn i dri categori. 1) y rhai sy'n grefyddol gryf, ac yn mynd i gredu ta beth yw' dystiolaeth yn erbyn eu cred. 2) y rhai sydd yn anffyddwyr cryf, sydd yn bendant nad oes yna dduw. 3) y mwyafrif sydd ddim yn hido am y peth, ddim yn meddwl am y peth o gwbwl.

Falle mai'r rhai yng ngrwp 3 yw'r rhai sydd angen eu targedi, eu bod yn cael barn am bethau yn hytrach na pheidio a ffwdanu.
Nonsens
ceribethlem
Gweinyddwr
Gweinyddwr
 
Negeseuon: 4530
Ymunwyd: Gwe 11 Hyd 2002 10:22 pm
Lleoliad: mynydd du

Re: Gorfodi Addoli mewn Ysgolion

Postiogan Barry » Gwe 26 Tach 2010 10:39 pm

ceribethlem a ddywedodd:O'r hyn o'r Beibil dwi wedi ei ddarllen (ac oedd hynny gryn amser yn ol) does dim llawer o ddrwg yn negeseuon Iesu Grist.


Gad i fi dy oleuo. O beibl.net:

"Os ydy rhywun am fy nilyn i, rhaid i mi ddod o flaen popeth arall yn ei fywyd. Rhaid i’w gariad ata i wneud i bob perthynas arall edrych fel casineb! – ei dad a'i fam, ei wraig a'i blant, ei frodyr a'i chwiorydd – ie, hyd yn oed bywyd ei hun! Neu all e ddim bod yn ddisgybl i mi." (Luc 14:26) - yn wreiddiol, mae'r adnod hon yn dweud y dylai'r rhai sydd am ddilyn Iesu gasau eu brodyr, chwiorydd ayyb. Mae'r cyfieithwyr yn gwneud eu gorau i leddfu neges galed yma.

"Os ydy dy lygad orau yn gwneud i ti bechu, tynna hi allan a'i thaflu i ffwrdd. Mae'n well i ti golli rhan fach o dy gorff nag i dy gorff cyfan gael ei daflu i uffern. Ac os ydy dy law gryfaf yn gwneud i ti bechu, torra hi i ffwrdd a'i thaflu ymaith. Mae'n well i ti golli rhan o dy gorff nag i dy gorff cyfan gael ei daflu i uffern." (Mathew 5:29-30) - Ydy hi wir yn foesol i wneud i bobl ofni uffern?

"Bydd pwy bynnag sydd wedi gadael eu cartrefi, brodyr a chwiorydd, tad neu fam neu blant neu diroedd er fy mwyn i yn derbyn can gwaith cymaint, ac yn cael bywyd tragwyddol." (Mathew 19:29) - Gadael eu plant? Ydy hynny'n foesol? Nag yw, wir!
Barry
Defnyddiwr
Defnyddiwr
 
Negeseuon: 28
Ymunwyd: Iau 10 Rhag 2009 5:05 pm
Lleoliad: Pontllanfraith

NôlNesaf

Dychwelyd i Ffydd a Chrefydd

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig a 10 gwestai