A Ddylai plant gael ei bedyddio?

[Dr Gwion Larsen]

Dwi'n teimlo yn gryf iawn yn erbyn hyn am ei fod yn dewis dros y baban ymha grefydd mae o am fod yn ran ohoni!

Mae gen i syniad ... be am beidio enwi babanod o gwbwl, yna pan maent yn ddigon hen gallent ddewis yr enw hoffent eu gael.

Neu be am yr ysgol ... be am adael i blant ddewis pan maent yn 16 os ydynt eisiau addysg neu beidio ...

Hei syniad da cytuno! 100%

[Chwadan]

Neu beidio gadal i bobl fedru penderfynu os dy nhw am ymuno a maes-e nes mae nhw'n 16 hyd yn oed

[Dr Gwion Larsen]

Neu beidio gadal i bobl fedru penderfynu os dy nhw am ymuno a maes-e nes mae nhw'n 16 hyd yn oed

gfg, "two long years" ia ond di plant ddim yn gorfod mynd ar y maes nadyn.

[Rhys Llwyd]

Reite, beth sy gyda'r Beibl i ddweud ar y mater:

Meddai Pedr wrthynt, "Edifarhewch, a bedyddier pob un ohonoch yn enw Iesu Grist er maddeuant eich pechodau, ac fe dderbyniwch yr ysbryd glan yn rhodd."

ac y mae'r hyn sy'n cyfateb i hynny, sef bedydd, yn eich achub chwi yn awr, nid fel modd i fwrw ymaith fudreddi'r cnawd, ond fel ernes o gydwybod dda tuag at Dduw, trwy agyfodiad Iesur Grist.

Atebodd Iesu ef: "Yn wir, yn wir, rwy'n dweud wrthyt, oni chaiff rhywyn ei eni o'r newydd ni all weld teyrnas Dduw."

Atebodd Iesu ef: "Yn wir, yn wir, rwy'n dweud wrthyt, oni chaiff rhywyn ei eni o ddwr a'r Ysbryd ni all fynd i mewn i deyrnas Dduw."

Felly fe welw ni fod bedydd yn digwydd ar ddau lefel yma, bedydd megis yr ysbrydol, cael ei ail-eni, troedigaeth. Ac yna y bedydd 'symbolaidd'/'seramonial' sy'n arwydd or hyn sydd WEDI digwydd i chi yn ysbrydol.

Felly dwi ddim yn cytuno gyd bedyddio plant, dylid cael eich bedyddio ar ol i chi ddod i'r bywyd nid cael ei bedyddio pan yn fis oed yn y gobaith y bydd y baban yn dod i'r bywyd.

[Mandi Fach]

Mi all sinig edrych ar fedydd fel math o bolisi yswiriant - dyna pam fod Gweinidog/offeiriad ar law mewn ysbyty i fedyddio babi gwael - y goel y bydd y plentyn yn mynd i'r nefoedd gan fod wedi ei fedyddio yn yr Ysbryd. Ond dwi'n gweld y weithred o fedyddio baban yn fwy o ddatganiad ffydd gan y rhieni na dim arall - hynny yw mae nhw'n galw am fendith Duw dros y baban ar ddechrau ei fywyd ac yn addunedu ei fagu yn y Ffydd. Bach o trivia i chi...dyma pam mae'r fedyddfan ymhob Eglwys wrth ymyl y drws..mae nhw'n meddwl mai bedyddio baban ydi'r drws i Gristnogaeth! Tydi'r baban ddim callach - gwir, dyna pam eich bod chi'n cael eich "derbyn" yn ddiwedddarach -dyna'r holl bwynt. Chi sy'n dewis os ydych chi'n parhau yn y ffydd run fath a chi sy'n dewis os dachi isio priodi o flaen Duw a chael eich claddu ayb

[DAN JERUS]

Dwi'n credu fod pobl sydd ddim yn cael eu plant wedi eu bedyddio yn destun gwawd cymdeithasol mewn ambell i gymuned.Pan o ni'n yr ysgol sul roedd pawb yn gorfod aros ar ol y dosbarth i wylio cyplau nad oedd wedi mynychu'r capel, o bosib ers iddyn nhw eu hunain gael ei bedyddio, yn dod a'u sbrogs i mewn am MOT ysbrydol/cymdeithasol

[Chwadan]

Dwi'n credu fod pobl sydd ddim yn cael eu plant wedi eu bedyddio yn destun gwawd cymdeithasol mewn ambell i gymuned.Pan o ni'n yr ysgol sul roedd pawb yn gorfod aros ar ol y dosbarth i wylio cyplau nad oedd wedi mynychu'r capel, o bosib ers iddyn nhw eu hunain gael ei bedyddio, yn dod a'u sbrogs i mewn am MOT ysbrydol/cymdeithasol

Digon gwir. Ma'r run fath yn digwydd efo angladdau - ma'n gweinidog ni yn gorfod sgwennu teyrngeda i bobl di hi rioed di cwrdd a nhw jyst am fod eu henwa nhw ar lyfra'r capel

[Gwyddno]

Onid Catholic ydi Pabydd?

Ie a nage. Catholig yw Catholic a Pabydd yw Papist, sef hen derm sarhaus am Gatholigion. Er taw Annibynnwr yf fi ers rhyw 13 blynedd, ces fy medyddio mewn eglwys Gatholig (stori hir a chymleth) ac rwy'n dal i wingo rhywfaint pan mae Radio Cymru'n mynnu cyfeirio at 'Pabydd' neu 'Eglwys Babyddol'. Does a wnelo'r Pab didm byd ag eglwysi unigol, a dyw Catholigion ddim yn ei addoli fe (yn groes i'r propoganda). A dweud y gwir, mae llawer o Gatholigion yn awyddus i gael pab newydd, mwy rhyddfrydol a mwy meddwl-agored.

Mae galw Catholigion yn Babyddion bron cynddrwg â defnyddio'r gair 'N' i gyfeirio at bobl groenddu, neu yn agosach ati, galw Iddewon yn Kikes ac ati. Mae'n anghywir ac mae'n sarhaus.