Enaid

[Chwadan]

Mae enaid gan ddyn ond nid anifail. Felly pryd y bu i'r epa droi yn ddyn a dechrau cael enaid Ifan?

Ffaith i chi - Descartes wnaeth feddwl am y syniad fod gan Duw enaid ar wahan i'w gorff, yn yr 17eg ganrif. Dyma o lle doth y syniad fod yr enaid yn gallu byw heb y corff ac felly byw am byth yn y nefoedd. Ron i'n meddwl ei fod o'n syniad hynafol, ond cyn Descartes y cysyniad oedd gan bobl o'r enaid oedd un Aristotle, h.y. fod gan bopeth byw enaid.

Yn anffodus mae dadl Descartes yn pants

[Wedi hollti'r drafodaeth yma o'r edefyn Esblygiad Vs Y Cread -Macsen]

[Rhys Llwyd]

Mae enaid gan ddyn ond nid anifail. Felly pryd y bu i'r epa droi yn ddyn a dechrau cael enaid Ifan?

Ffaith i chi - Descartes wnaeth feddwl am y syniad fod gan Duw enaid ar wahan i'w gorff, yn yr 17eg ganrif. Dyma o lle doth y syniad fod yr enaid yn gallu byw heb y corff ac felly byw am byth yn y nefoedd. Ron i'n meddwl ei fod o'n syniad hynafol, ond cyn Descartes y cysyniad oedd gan bobl o'r enaid oedd un Aristotle, h.y. fod gan bopeth byw enaid.

Yn anffodus mae dadl Descartes yn pants

Dwi ddim yn credu. Mae'r syniad fod yr enaid yn dragwyddol ac yn byw am byth yn y nefoedd (neu uffern cofiwch) yn dod yn syth o'r beibl nid o syniadaeth athronwyr y 17ef ganrif.

[Chwadan]

Dwi ddim yn credu. Mae'r syniad fod yr enaid yn dragwyddol ac yn byw am byth yn y nefoedd (neu uffern cofiwch) yn dod yn syth o'r beibl nid o syniadaeth athronwyr y 17ef ganrif.

Lle yn y Beibl? Dwi ar ganol gneud gwaith ar y pwnc yma a ma pob ffynhonnell dwi di dod ar eu traws yn deud mai syniad Descartes oedd o, a'i fod o'n gwbl chwyldroadol i ddamcaniaethau theolegwyr.

[Rhys Llwyd]

Lle yn y Beibl? Dwi ar ganol gneud gwaith ar y pwnc yma a ma pob ffynhonnell dwi di dod ar eu traws yn deud mai syniad Descartes oedd o, a'i fod o'n gwbl chwyldroadol i ddamcaniaethau theolegwyr.

Mae Iesu yn son am fywyd/enaid tragwyddol mewn sawl lle. Dyma Rai:

"Wedyn byddan nhw'n mynd i ffwrdd i gael eu cosbi'n dragwyddol, ond bydd y rhai cyfiawn yn cael bywyd tragwyddol."

"Bydd pawb sy'n credu ynof fi yn cael bywyd tragwyddol."
Oedd, roedd Duw yn caru’r byd cymaint nes iddo roi ei unig Fab, er mwyn i bwy bynnag sy'n credu ynddo beidio â mynd i ddistryw ond cael bywyd tragwyddol.

Credwch chi fi, mae bywyd tragwyddol gan bwy bynnag sy'n credu.

Fe ysgrifennwyd yr ysgrifau uchod ganrifoedd lawer cyn gwaith Descartes

[Mr Gasyth]

Ma ne wahaniaeth rhwng bywyd tragwyddol ac enaid yn toes. Dim ond son am 'fywyd tragwyddol' wela i yn dy ddyfyniadau di sy'n awgrymu bywyd tragwyddol corfforol/cnawdol fel oedd Iesu ar ol ei atgyfodiad yn hytrach na rhywbeth haniaethol fel 'enaid' sydd ar wahan i'r corff ac yn ei oroesi.

[Chwadan]

Yn hollol. Ond mae'r syniad fod yr enaid a'r corff yn ddau beth gwahanol yn gneud y syniad o fywyd tragwyddol yn gymaint haws i'w gyfiawnahu.

[Rhys Llwyd]

Ok enaid

Beth ydy pwynt ennill popeth sydd gan y byd i'w gynnig*, a cholli'r enaid?

[ * h.y y corfforol ]

Atebodd Iesu: "'Rwyt i garu’r Arglwydd dy Dduw â'th holl galon, ac â'th holl enaid a'th holl feddwl.'

[ Wedeni fod yr adnod yna yn dangos yn reit glir y syniad fod yr enaid yn rwbeth arall ]

hwn sy'n dangos gliria i fi fod y syniad wyt ti Chwadan yn son amdano yn dod o'r Beibl....:

Dw i’n gweddïo y bydd Duw ei hun, y Duw sy’n rhoi heddwch dwfn i ni, yn eich gwneud chi’n berffaith lân, ac y bydd y person cyfan – yn ysbryd, enaid a chorff – yn cael ei gadw'n ddifai ganddo nes daw ein Harglwydd Iesu Grist yn ôl.

[Mr Gasyth]

Pan ma'r Beibl yn son am fywyd tragwyddol ydi o'n golygu yn gorfforol, fel sydd gan Iesu neu jest i'r enaid ta?

[Ffinc Ffloyd]

Mae'n ymddangos bod enaid pawb yn pwyso 21 gram. Hyd yn oed pobl rili tew.

[Hogyn o Rachub]

Yn bersonol credaf fod yr enaid yn rhwybeth sydd yn y meddwl yn hytrach nag unrhywbeth crefyddol. Dw i'n credu mai'r ffordd y mae rhywun yn teimlo ydyw a rhywbeth i wneud â'n personoliaeth. Hynny yw, os ydach chi'n iach ych enaid, fe ddadleuwn i eich bod yn berson hapus, bodlon, hael ... yn berson da fel y cyfryw. Ond yn dweud hynny fe wn i bod gen i syniadau ddigon rhyfadd am y rhanfwyaf o bethau fel hyn.