Hoff emyn/cân grefyddol?

[Hogyn o Rachub]

Dim llawer o drafodaeth fel y cyfryw, ond beth ydi'ch hoff emyn? Mae gin i lawer ohonynt, fy Nain a'm modrybau wedi dysgu llawer i mi, ond 'Cofia'n Gwlad, Benllywydd Dirion' ydi'r ffefryn, neu 'Gwahoddiad' dwi'n meddwl. Bethamdanachi?

[Leusa]

Rhosyn Saron i dôn Cwmni Maldwyn.

[Gwahanglwyf Dros Grist]

'Arglwydd Dyma Fi' neu 'Ar Gyfer Heddiw'r Bore' o ran carol adeg 'Dolig.

[Mr Gasyth]

I Bob Un sy'n Ffythlon, ufflon o sing-song da i gal efo honne!

[krustysnaks]

I Bob Un Sy'n Ffyddlon wrth gwrs, neu Rhys - bach yn angladdol ddo.
Unrhywun arall wedi penderfynu ar yr emynau yn eu angladdau?

[garynysmon]

'Dros Gymru'n Gwlad' i mi bob amser. Finlandia'n wastad Gyrru ias lawr fy ngefn.

[Mandi Fach]

CD Cantorion CYnwrig yn bril....emynau CAradog Roberts....hoff iawn o Berwyn...In Memoriam..Newark...Tyd a roddaist....Finlandia...am ryw reswm mae'r tonau lleddf yn fwy grymus.....sna'm byd fel bod yng nghanol Cymanfa a'r baswrs yn ei morio hi...er heb fod ers blynyddoedd...chewch chi'm gwell na Cymanfa neu angladd!

[Treforian]

Finlandia, Ar for tymhestlog teithio'r wyf (ar Crimond), rhys, dyma gariad fel y moroedd...ac yn y blaen. Emynau ydi fy hoff fath i o ganu (ar binsh) yn y bôn.

[Cardi Bach]

Ol-teim-ffefyret yw Pantyfedwen.

Pantyfedwen

Tydi a wnaeth y wyrth, O! Grist, Fab Duw,
Tydi a roddaist imi flas ar fyw;
Fa gydiaist ynof trwy dy Ysbryd Glan,
Ni allaf, tra bwyf byw, ond canu'r gan;
'Rwyf heddiw'n gweld yr
Harddwch sy'n bywiocau;
Mae'r Haleliwia yn fy enaid i,
A rhoddaf, Iesu, fy mawrhad i Ti.

Tydi yw Haul fy nydd, O! Grist y Groes,
Yr wyt yn harddu holl orwelion f'oes;
Lle'r oedd cysgodion nos, mae llif y wawr,
Lle'r oeddwn gynt yn ddall, 'rwy'n gweld yn awr;
Mae golau imi yn de Berson hael,
Penllanw fy ngorfoledd yw dy gael;
Mae'r Haleliwia yn fy enaid i,
A rhoddaf, Iesu, fy mawrhad i Ti.

Tydi sy'n haeddu'r clod, Ddihalog Un,
Mae ystyr bywyd ynot Ti dy Hun;
Yr wyt yn llenwi’r gwacter trwy dy Air,
Daw'r pell yn agos ynot, O Fab Mair;
Mae melodiau'r cread er dy fwyn,
Mi welaf dy ogoniant ar bob twyn;
Mae'r Haleliwia yn fy enaid i,
A rhoddaf, Iesu, fy mawrhad i Ti.

Ma Ffinlandia yn waw.

Coedmor yn hala ias lawr 'y nghefen i fyd.

Coedmor

Pan oedd Iesu dan yr hoelion
Yn nyfnderoedd chwerw loes,
Torrwyd beddrod i obeithion
Ei rai annwyl wrth y groes;
Cododd Iesu!
Nos eu trallod aeth yn ddydd.

Gyda sanctaidd wawr y bore
Teithiai’r gwragedd at y bedd,
Clywid ing yn swn eu camre,
Gwelid tristwch yn eu gwedd;
Cododd Iesu!
Ocheneidiau droes yn gan.

Wyla Seion mewn anobaith,
A’r gelynion yn cryfhau;
Gwelir myrdd yn cilio ymaith
At allorau duwiau gau;
Cododd Iesu!
I wirionedd gorsedd fydd.

hmmm...a Bryn Myrddin...

Bryn Myrddin

Mawr oedd Crist yn nhragwyddoldeb
Mawr yn gwisgo natur dyn;
Mawr yn marw ar Galfaria,
Mawr yn maeddu angau’i hun;
Hynod fawr yw yn awr,
Brenin nef a daear lawr.

Mawr oedd Iesu yn yr arfaeth,
Mawr yn y cyfamod hedd;
Mawr ym Methlem a Chalfaria,
Mawr yn dod i lan o’r bedd:
Mawr iawn fydd Ef ryw ddydd
Pan ddatguddir pethau cudd.

Mawr yw Iesu yn ei Berson;
Mawr fel Duw, a mawr fel dyn;
Mawr ei degwch a’i hawddgarwch, Gwyn a gwridog’ teg ei lun:
Mawr yw Ef yn y nef
Ar ei orsedd gadarn gref.

I Galfaria Trof fy Wyneb

I Galfaria Trof Fy Wyneb

I Galfaria trof fy wyneb
Ar Galfaria gwyn fy myd
Y mae gras ac anfarwoldeb
Yn diferu drosto'i gyd
Pen Calfaria
Yno f'enaid gwna dy nyth

Yno clywaf, gyda'r awel,
Gerddi'r nef yn dod i lawr
Ddysgwyd wrth afonydd babel
Gynt yng ngwlad y cystudd mawr
Pen Calfaria
Gydia'r ddaear wrth y nef

Dringo'r mynydd ar fy ngliniau
Geisiaf, heb ddiffygio byth
Tremiaf trwy gawodydd dagrau
Ar y groes yn union syth
Pen Calfaria
Dry fy nagrau'n ffrwd o hedd

Crug-y-Bar fyd; Gwahoddiad; I Bob Un Sy'b Ffyddlon...
amryw o emynne da o ran geirie a thon...heb anghfio Llef.

[Aled Owen]

Yn eden cofiaf hynny byth
gan Mr W.W