Os na fysai Duw yn bodoli, fysai'r Beibl dal yn berthnasol?

[Macsen]

Un o'r pethau gorau am y Beibl yn fy marn i yw ei fod o'n berthnasol hyd yn oed os nad oes Duw yn bod. Wel, y Testament Newydd, hynny yw. Dw i ddim yn gweld sut mae'r Hen Destament yn berthnasol im cymdeithas o gwbwl os nad oes ryw nod o enill ffafr gyda Duw tu ol i'r peth.

[Hogyn o Rachub]

Nid oes gen i'n bersonol fawr i'w ddweud am y Beibl, fel y gwyddost, ond dw i'n credu bod neges y Beibl (sef, byw bywyd da ac onest) yn un bethnasol. Hyd yn oed yn yr Hen Destament mae'r Deg Gorchymyn yn rhai eithaf urddasol y gellid eu dilyn er mwyn bywyd o da. Wedi'r cyfan, pwy all ddadlau'n erbyn 'Na lladd' a 'na ddwyn'?

[krustysnaks]

Dwi'n siwr fasa rhai yn dweud na fyddai'r Beibl yn bodoli heb Dduw, gan mai gair Duw ydyw.
Ond dwi'n anghytuno, oherwydd dwi ddim yn credu mewn Duw, felly nid ei Air ydy'r Beibl i mi. Felly, ydw i'n gweld y Beibl yn berthnasol?
Rhai darnau wrth gwrs, gan mai synnwyr cyffredin sydd yma, ond rhai darnau sydd jyst yn mynd yn erbyn fy egwyddorion i.
Hanner a hanner - ddim yn dda i ddim, ond ddim y llyfr pwysicaf yn fy mywyd.

[garynysmon]

Dwi'n credu, os fysai tystiolaeth anhygoel yn dod allan i brofi nad ydi Duw yn bodoli, y byddai'n ddiwrnod du iawn yn hanes y ddynol ryw. Does dim modd gwadu nad ydi cyfraith gwlad wed'i selio ar y beibl mewn amryw o ffyrdd, a bod ein cydwybod hefyd wedi selio ar orchymion y beibl. Felly, credaf fod y beibl yn holl bwysig i sefydlu unrhyw fath o drefn yn ein bywydau bob dydd, boed Duw yn bodoli neu beidio.

[Lowri Fflur]

Dwi' n meddwl bod y beibl yn berthnasol os nad oes Duw. Mae yna lawer o negeseuomn da yn y testament newydd fel Car dy gymydog a ballu. Dwi' n meddwl bod yr hen destament yn berthnasol hefyd oherwydd ei fod yn stori ffantasdic wedi ei adrodd yn dda yn llawn trais a rhiw- y pethau sy' n gwneud stori da.

[Aled Owen]

Yr ateb syml ydi na. Holl bwrpas y Beibl yw deud wrth ddynoliaeth am Dduw a'i berthynas hefo ni. Os does dim Duw does dim perthynas, does dim angen ein hachub. Ond gan bod Duw mae'r Beibl yn hollbwysig.

[Macsen]

Yr ateb syml ydi na. Holl bwrpas y Beibl yw deud wrth ddynoliaeth am Dduw a'i berthynas hefo ni. Os does dim Duw does dim perthynas, does dim angen ein hachub. Ond gan bod Duw mae'r Beibl yn hollbwysig.

Beth, felly os na fysai Duw yn bydoli bysai rheolau fel peidio lladd eraill a treisio merched ddim yn bwysig mwyach? Hmm, dw i am roi gorau i geisio dadlau hefo ti am fodolaeth Duw, Aled, rhagofn i ti golli dy ffydd a mynd ar rampage.