Ydi Duw yn berffaith?

[Dwlwen]

Os ydi Duw yn dda i gyd a dim ond Duw oedd yna ar y dechrau o lle daeth y drwg? Hefyd os rwyf yn deall y ddadl ni cheir drwg heb da felly mae Duw angen drygioni ermwyn iddo fod yn dda.

Sai'n 100% sicr achos mod i heb ddarllen yr ysgrythurau, ond yn ôl Milton yn Paradise Lost Lucifer sy'n rhoi genedigaeth i bechod trwy ei genfigen at Dduw.

Pam rhoi Fo ei hun a'r ddynioliaeth drwy'r drafferth...?

Hyd y gwela i nid creu rhywbeth perffaith yw'r nôd. Yr hyn y'n ni'n ei ddewis sy'n ein diffinio, a nôd Duw yw gweld Dyn yn penderfynnu gwneud da o'i ddewis ei hun.

[Macsen]

Dwyt ti dal heb ddeall craidd y ddadl Dwlwen. Mi greuodd Duw ddyn yn gwybod ei fod o'n mynd i bechu. Doedd dim cwestiwn yn meddwl Duw bod dyn yn mynd i bechu pam creuodd o fo. Gymaint yw pwer Duw, creuodd o ddyn i bechu. Doedd gan dyn ddim dewis yn y mater, achos fod Duw wedi ei greu o i ryw bwrpas arbennig.

Dameg bach arall i ti:

Duw yw y dyn torri gwair. Dyn yw y peiriant torri gwair. Mae Duw wedi rhoi y peiriant at ei gilydd er mwyn torri'r gwair. Mae Duw yn gwybod bod y peiriant am dorri'r gwair. Mae Duw yn troi'r peiriant ymlaen, a mae'r gwair yn cael ei dorri. Mae Dwlwen yn cyraedd a dweud mai bai y peiriant torri gwair yw e fod y gwair wedi torri, a dim y dyn torri gwair. Achos, wrth gwrs dim Duw wnaeth y torri ond y peiriant!

Mi greuodd Duw dyn yn gwybod ei fod o'n mynd i bechu. Lo and behold, mae dyn yn pechu. Mae Dwlwen yn cyraedd a beio'r dyn.

Sai'n 100% sicr achos mod i heb ddarllen yr ysgrythurau, ond yn ôl Milton yn Paradise Lost Lucifer sy'n rhoi genedigaeth i bechod trwy ei genfigen at Dduw.

Ym, dyna yw'r broblem. Llyfr yw Paradise Lost, dim ysgrythyr. Mae fel astudio hanes Cymru drwy wylio How Green Was My Valley.

[Dwlwen]

Ma 'na wahaniaeth mawr rhwng creu Dyn gan wybod y bydd e'n pechu, a creu Dyn i bechu. Dwy ddim am ddadlau am eiliad fod Duw ddim yn ymwybodol y byddai Dyn yn pechu, ond ma hynny bellffordd o fo'n gyfystur a'i greu i wneud drwg.

Doedd gan dyn ddim dewis yn y mater, achos fod Duw wedi ei greu o i ryw bwrpas arbennig.

Y dewis yw'r peth cliria sy na yn y Beibl.
Ti'n gweld mai pwrpas Dyn yw pechu? Yn fy marn i, ei bwrpas yw gwneud dewis.

Hyd y gwela i nid creu rhywbeth perffaith yw'r nôd. Yr hyn y'n ni'n ei ddewis sy'n ein diffinio, a nôd Duw yw gweld Dyn yn penderfynnu gwneud da o'i ddewis ei hun.

Nid trwy peidio bwyta'r afal yn y lle cyntaf - ond drwy penderfynnu, wedi profi perffeithrwydd Eden a'r erchylldra sy'n canlyn pechod, i ail-geisio'r cyntaf.

Ydi, mae pechod yn rhan o gynllun Duw. Mae'n rhaid i Ddyn bechu er mwyn bod yn annibynol o Dduw, a bod mewn sefyllfa lle y gall ddewis yn ddeallus. Ond, nid Duw sy'n gwthio Dyn at bechod, a nid cyfrifoldeb Duw yw pechod Dyn.


O.N.

...Llyfr yw Paradise Lost, dim ysgrythyr...

Cheers
Se'n i'n selio cred ar Milton fydde gen ti bwynt (hynod o goeglyd.) Ond gan mai just nodi manylyn o'r stori ddiwynyddol o'n i, wy'n meddwl bod hi'n saff i drystio'r gerdd.

[Lowri Fflur]

Ma 'na wahaniaeth mawr rhwng creu Dyn gan wybod y bydd e'n pechu, a creu Dyn i bechu. .

Dwi ddim yn deall Sa chdi' n gallu egluro i fi beth yw' r gwahaniaeth?

[Lowri Fflur]

[quote="Dwlwen"]
Y dewis yw'r peth cliria sy na yn y Beibl.
Ti'n gweld mai pwrpas Dyn yw pechu? Yn fy marn i, ei bwrpas yw gwneud dewis.
[quote="Dwlwen"]

Does dim dewis llawn gan ddyn. Rhoddodd Duw y tueddiad i ddyn bechu pam roddodd ewyllus iddo. Duw felly gafodd y dewis i ddyn bechu. Mae o'n amhosibl a anrealistic meddwl y gall dyn fyw ei fywyd heb bechu.

[Treforian]

Fe greodd Duw'r ddynoliaeth gan roi'r cyfle, a'r dewis, iddyn nhw bechu. Pechu wnaeth dyn. Nid bai Duw yw hyn.

[Dwlwen]

Creu rhywbeth i bechu- wele engreifft Macsen ynglyn â'r peiriant torri gwair. Does dim amheuaeth beth yw pwrpas yr hyn a'i greuwyd - tro'r peiriaint 'mlaen, a bydd e'n torri gwair. Ond, peiriant yw e - mae'n gaeth i rheolau'r crewr, a does dim dewis ganddo peidio gwneud fel mae'i natur yn gofyn...
Creu rhywbeth gan wybod y bydd e'n pechu - nid teclyn dan rheolaeth Duw yw dyn. Mae Duw'n rhoi cyfle llawn iddo beidio pechu pan mae'n rhybyddio i beidio bwyta'r afal. Penderfyniad Dyn yw anwybyddu'r rhybudd - dyw'r ffaith fod Duw'n gwybod mai dyna sut eith hi ddim yn effeithio ei berffeithrwydd - mae Dyn yn gwneud dewis annibynol.

[Lowri Fflur]

Creu rhywbeth i bechu- wele engreifft Macsen ynglyn â'r peiriant torri gwair. Does dim amheuaeth beth yw pwrpas yr hyn a'i greuwyd - tro'r peiriaint 'mlaen, a bydd e'n torri gwair. Ond, peiriant yw e - mae'n gaeth i rheolau'r crewr, a does dim dewis ganddo peidio gwneud fel mae'i natur yn gofyn...
Creu rhywbeth gan wybod y bydd e'n pechu - nid teclyn dan rheolaeth Duw yw dyn. Mae Duw'n rhoi cyfle llawn iddo beidio pechu pan mae'n rhybyddio i beidio bwyta'r afal. Penderfyniad Dyn yw anwybyddu'r rhybudd - dyw'r ffaith fod Duw'n gwybod mai dyna sut eith hi ddim yn effeithio ei berffeithrwydd - mae Dyn yn gwneud dewis annibynol.

Mae Duw yn gwybod ein bod yn mynd i bechu am ei fod o' n gwybod bob dim. Felly rydwyf yn siwr o bechu os ydi o' n anhebgor fy mod am bechu nid y "ryddid" gen i, i bechu neu beidio ddim gwerth ffeuen.

[Dwlwen]

Ond dyw holl-wybodaeth Duw ddim yn effeithio ein gweithredoedd ni - dyna fy mhwynt.
Gwerth dy rhyddid yw perffeithrwydd Duw.

Academic, falle, ond 'na ni.

[Macsen]

Dyma fy mhregethwr yn dweud rywbeth diddorol iawn dydd Sul dwytha, yn amlwg heb sylwi ei fod o wedi agor twll plot digon mawr yn y Beibl i yrru eliffant drwyddo. Dwi'n meddwl ei fod o'n dweud y cyfan.

Roedd Duw yn gwybod ei fod o am achub y ddynoliaeth rhag bechod hydynoed cyn ei creu nhw.