A fuasai neges y TN yr un peth pe na bai Iesu yn fab i Dduw?

[Dylan]

(TN = Testament Newydd)

A yw'r neges sylfaenol yn ddibynnol ar y ffaith bod Iesu yn fab i Dduw, yn hytrach na jyst mab dynol i ryw saer? Hynny yw, ai'r neges ei hun sydd yn bwysig, ynteu'r negesydd?

Mae llawer o bethau da ynddo, megis "câr dy gymydog" ac ati, ond 'swn i'n meddwl y buasai'r neges yma yr un mor ddilys pwy bynnag a ddywedodd o.

Un broblem alla' i ei weld ydi bod Iesu wedi dweud mai trwyddo ef yn unig mae cyrraedd Duw. Wrth dderbyn nad mab Duw oedd Iesu felly, rhaid derbyn nad oedd popeth a ddywedodd Iesu yn wir.

felly, ym...ia. Rhywbeth bach i feddwl amdano. Yn bersonol, 'dw i o'r farn mai'r neges ei hun sydd yn bwysig, dim ots pwy sydd wedi ei ddatgan.

[Macsen]

The medium is the message, fel y dywedir McLuhan. Rhan bwysica’ testament newydd, i Gristnogion beth bynnag, yw'r ffaith bod Duw yn fodlon gyrru ei fab i'r ddaear i farw dros eu pechodau a'i gyrru i'r nefoedd. Os wyt ti'n anwybyddu hynny, mae neges y Beibl dal yn bwysig, ond tydi o'm byd na fysai unrhyw ddyn ar y stryd a deallusrwydd o gyfraith naturiol heb fedru dod i fyny a hi. Ond hud y Beibl yw'r diarhebion a'r trosiadau lliwgar sy'n gyrru'r neges adref mewn steil.

[Rhys Llwyd]

Maen elfenol bwysig i Gristnogaeth fod Iesu yn fab i Dduw. Ac felly yn elfenol i holl ystyr a digwyddiadau'r Hen Destament.

Y peth pwysig fan yma yw'r iawn. Ateb Duw i broblem y byd yw'r iawn sef aberthu ei fab drostom ni, rhyw fath o eilydd os hoffech, mynd trwy'r gosb yn ein lle ni. Fe gafodd Iesu yr hyn oeddem ni yn ei haeddu.

Felly os nad oedd Iesu yn fab i Dduw, nid oedd yr iawn yn bosib h.y drwy gosbu Iesu ar y groes yr oll fyddai Duw wedi ei wneud fyddai gwneud enghraifft o un person, yn hytrach na rhoi'r gosb i'w fab i fod yn iawn i'n pechodau ni.

Heb fod Iesu yn fab i Dduw dydy hanfod Cristnogaeth ddim yn gwneud synwyr. Hanfod yr efengyl ydy cyfiawnhad drwy ffydd: drwy gyfiawnhad rydym ni'n derbyn pardwn am ein pechodau a heddwch gyda Duw, ac mae cyfiawnhad yn dod o ganlyniad i ras dwyfol (Rhufeiniaid 3:24). Daw gras o galon Duw a caiff ei ymgnawdoli yn Iesu Grist mab Duw. Iesu sy'n dod a gras yn real drwy fod yr un cyfiawn sy'n marw dros yr anghyfiawn. Mae'n bodloni (appeases?!) dicter sanctaidd Duw ac mae'n gollwng ei waed dros ein pechodau ni ac mae'n cymryd ein pechodau i ffwrdd.

Heb i Iesu fod yn ddwyfol ni fyddai diwinyddiaeth Gristnogol yn gwneud synwyr.