Shampên Ysgawen

[bartiddu]

Shampên Ysgawen

6 blodyn ysgawen
2 Lemwn wedi tafellu
8 peint o ddwr
1.5 lb siwgir
2 tbsp finegar gwyn



Dull:

Rhowch y blodau a'r lemwn mewn cerwyn glan a arllwyswch y dwr arnynt. Sociwch am 24-36 awr. Hidlwch yr hylif drwy lliain/clwtyn dennau ac ychwanegwch y siwgir a'r finegr. Trowch y cyfan gyda llwy bren nes i'r siwgr diflannu. Rhowch mewn boteli gyda'r topiau yn llac am bythefnos. bydd y Shampên Ysgawen yn barod ymhen 2-3 mis.

Hyfryd Iawn

Iechyd Ceffyle!

[nicdafis]

Mae fy nhgariad yn wneud hyn bob blwyddyn. Sylwais i'r bore 'ma bod blodau'r ysgawen yn edrych yn barod. RHaid tynnu lluniau cyn iddi hi dynnu'r blodau.

[bartiddu]

Gwd Stwff!
Wedi esgeiliso ei wneud ers sawl tymor!
'leni amdani!

[lleufer]

Blodau ysgawen hefyd yn fendigedig wedi ei adael i fwydo mewn dwr poeth i wneud te ysgawen.

[bartiddu]

Wedi gweld sawl ysgaw hefo blodau wrth teithio'r hewlydd, maen't yn gynharach eleni 'to!
Felly roedd rhaid ail myfyrio'r dull fan hyn ( diolch i gwgl!) Bydd macsu cyn hir!

[Rhodri Nwdls]

Newydd fod i gasglu ondwedi bod yn farus a chael gormod

Am faitn wnawn nhw bara?

Am wneud cordial heno, a phrynu poteli fory i wneud y siampên.

[SerenSiwenna]

Ooo! mae hyn yn sbwci!

o ni draw yn Wirral drost y penwythnos ac mi welish i y blodau ysgawen a dyma fi yn deud wrth fy nghariad fel oedd hogan yn yr ysgol a mi ers talwm yn dod a siampen y blodau ysgawen ir ysgol hefo hi (ei taid oedd yn ei wneud) ac o ni yn sidro os byddai unrhywun ar y maes ma yn gwybod y ryseit....a dyma chi i gyd ei thrafod e cyn i mi ofyn! ew ma'r lle ma'n dda

[SerenSiwenna]

[quote="bartiddu"]Shampên Ysgawen

6 blodyn ysgawen
2 Lemwn wedi tafellu
8 peint o ddwr
1.5 lb siwgir
2 tbsp finegar gwyn



Dull:

Rhowch y blodau a'r lemwn mewn cerwyn glan a arllwyswch y dwr arnynt. Sociwch am 24-36 awr. Hidlwch yr hylif drwy lliain/clwtyn dennau ac ychwanegwch y siwgir a'r finegr. Trowch y cyfan gyda llwy bren nes i'r siwgr diflannu. Rhowch mewn boteli gyda'r topiau yn llac am bythefnos. bydd y Shampên Ysgawen yn barod ymhen 2-3 mis.

Pa fath o boteli sydd orau iw ddefnyddio?

[bartiddu]

Unrhyw rhai gei di afael arno!
Ma' nhw medru ffrwydro os yw'r caead rhy dyn, ond medd rhywyn wrthai pythddiwrnod bod nhw'n defnyddio rhai plastig hefyd, fel rhai tonig dwr Shweps ayb. Mae boteli cyrcs yn mynd 'pop' hefyd os oes 'na gryfder ar y gymysgedd!
Rhoes i'r hylif mewn demi john 'llynedd, doedd ddim llawer o fywyd ynddo, fellu nol i'r boteli eleni!

[Lletwad Manaw]

Oes yna wahaniaeth rhwng paratoi "Siampen Ysgawen" a Gwin Ysgaw? Os oes gan unrhywun rysait gwahanol i'r uchod i baratoi'r gwin fe fydden i'n diolchgar. Dyw 6 blodyn ddim yn swnio'n lawer i fi, odi hyn yn gywir?