Beth ydy'r bwyd cymreig traddodiadol gorau?

gan **Pencrwban** » Gwe 02 Meh 2006 6:44 am

Wel, pan ydy fe? Hefyd pan ydy recipe cymreig yn y gorau? Rydw i'n meddwl o wneud un ar gyfer ein dydd bwyd rhyngwladol yn fy hostel. Felly, mae hollol syniadau'n croeso.

gan **Dili Minllyn** » Gwe 02 Meh 2006 10:22 am

Trïa'r rhain.

Bara lawr ar dôst gydag ŵy wedi'i ffrïo yw fy ffefryn i.

gan **Cymro13** » Gwe 02 Meh 2006 10:34 am

Wastad "Cawl" o fi gyda digonedd o gig oen ynddo fe

gan **Iesu Nicky Grist** » Gwe 02 Meh 2006 11:21 am

Potsh. A mwy o botsh.

gan **Pencrwban** » Gwe 02 Meh 2006 12:29 pm

Rydw i'n mynd gyda chawl. Mae hi'n edrych rhwydd i wneud. Bydda i'n ei ymbrofi hi allan yfory.

gan **Pencrwban** » Llun 12 Meh 2006 11:51 am

Gwnes i gawl mamgu ar gyfer y ddydd bwyd rhyngwladod. Buodd fe'n da. Gwnes i fe gyda chennin, moron, cig oen a rwdins. Bydda i'n ei wneud e eto un dydd.

gan **Nanog** » Maw 13 Meh 2006 9:30 pm

I finne, cig oen Cymreig wedi a rostio gyda mintys ffres o'r ardd, tatws newydd Sir Benfro, tatws rost, pys ayyb Oh ie, rhaid cael saws grefi. Efallai nad yw hyn yn addas am fwyd hostel ond beth am weitho byrgers cig oen gyda tamed o mintys ynddynt. Digon hawdd i'w gwneud. Mae e'n bosib prynnu teclun ar gyfer gweithio byrgers yn 'lakeland Plastics'. Rhaid defnyddio cig oen Cymreig! Dwy'r un o Zeland Newydd ddim cystal.
Neu gan sefyll gyda'r cig oen, rostio unwaith eto a torri darnau ar gyfer llenwi brechdanau.....a does dim cystal a chig oen yn syth o'r ffwrn neu'r gril.

Paid ag anghofio chwaith fod cig eidion yn fwyd Cymreig hefyd. Mae na dipyn o hanes i'r porthmon Cymreig.

Cig mochyn wedi'i halltu. Mae'n bosib ei brynnu mewn rhai llefydd - rwy'n credu fod na le yng Nghaerfyrddin o leiaf. Ffrio hwn hefyd. Roedd tadcu yn arfer mynd a'r gyllell a torri darn o'r cig oedd yn honghian o'r nenfwd yn y ty. Dw i ddim yn cofio hyn yn digwydd cofia. Blasus iawn medd mam ac yn wahanol i beth wyt ti'n cael yn y siop er fel 'da pobpeth, mae na well a gwaeth i'w gael. Gyda hwn, ffrio tatws, wy, madarch ac fel medd mam unwaith eto, roedd posib cael tomatos o bryd i'w gilydd pan ddauai'r ffair i'r ardal. 'Full Welsh'.

gan **Fatbob** » Mer 14 Meh 2006 3:43 pm

Nanog a ddywedodd:Cig mochyn wedi'i halltu. Mae'n bosib ei brynnu mewn rhai llefydd - rwy'n credu fod na le yng Nghaerfyrddin o leiaf. Ffrio hwn hefyd. Roedd tadcu yn arfer mynd a'r gyllell a torri darn o'r cig oedd yn honghian o'r nenfwd yn y ty. Dw i ddim yn cofio hyn yn digwydd cofia. Blasus iawn medd mam ac yn wahanol i beth wyt ti'n cael yn y siop er fel 'da pobpeth, mae na well a gwaeth i'w gael. Gyda hwn, ffrio tatws, wy, madarch ac fel medd mam unwaith eto, roedd posib cael tomatos o bryd i'w gilydd pan ddauai'r ffair i'r ardal. 'Full Welsh'.

Ma darn bach o ystlys o borc di halltu da fi'n hongian ers amser Dolig - fe fues i'n halltu ac yn cynhrychu cig porc 'cured' drwy halltu/mwydo(soak) mewn dŵr a halen a mwydo mewn gwin coch. Cig mochyn yw'r cig traddodiadol Gymreig - mi oedd anifeiliaid fel gwartheg yn werth lot mwy o arian i ffermwyr i'w bridio a'i gwerthu flynyddoedd yn ôl - y traddodiad oedd lladd mochyn neu ddau yn y gaeaf, halltu'r mwyafrif o'r cig i bara'r flwyddyn a bwyta'r 'offal' (afu, calonnau, nei i droi e i mewn i ffagots neu bwdin gwaed) o fewn cwpwl o wythnose o'r lladd.

Beth ydy'r bwyd cymreig traddodiadol gorau?

Beth ydy'r bwyd cymreig traddodiadol gorau?

Pwy sydd ar-lein