Jin Eirin Tagu

gan **Jeni Wine** » Maw 26 Medi 2006 10:24 am

Dros y Sul, mi esh i a'r gwr anghyfreithlon, fy mam, a'i chariad hithau am bicnic i Abergwyngregyn. Mi gerddon ni i fyny at Readr Aber
Delwedd

a chasglu llond ein haffla o eirin tagu ar y ffordd.
Delwedd

Ddoe, mi brynodd Mihangel 7 potel o jin rhad o Aldi (tua 10 peint) ac mi dywallton ni'r job lot i mewn i fwced efo'r holl eirin tagu (tua 4 pwys) a tua 16owns o siwgwr gwyn. Da ni wedi rhoi'r caead ar ei ben a da ni am adael y cwbwl nes Dolig. :crechwen:

Unrhyw un arall wedi mentro gwneud Jin Eirin Tagu?

gan **Ramirez** » Maw 26 Medi 2006 10:28 am

Ew do. Fel ddudodd ddynas drws nesa, "pam bo nw'n galw fo'n slo jin dwa, am bod o'n cymryd gymaint o amsar i'w neud 'de?"

Dwi am fynd i chwilio am eirin tagu yn o fuan 'fyd (a byta llond ceg o'r petha a tynnu gwynab). Iymi.

gan **Rhodri Nwdls** » Maw 26 Medi 2006 11:28 am

Ma Dad yn gneud peth o'r eirin fyny ar y ffarm. Mae o'n hollol hyfyrd o sdwff a sdim gymint o ots os di'r Jin ddim â blas da, mi fydd o'n felys hyfryd erbyn dolig.

Ffrind i fi lawr yn Gaerdydd yn gneud fodca Mafon a fodca Mwyar Duon yn yr un dull ar hyn o bryd. Edrych mlaen i gael snifftar o'r ddau (wel, sesh ia).

gan **bartiddu** » Maw 26 Medi 2006 11:31 am

Gen i 2 fotel ers y ddau flynedd diwethaf, dim ond gwerth 2 fotel dwi'n neud ar y tro fel arfer a'i adael mewn demijohn, chi fod i bigo'r eirin hefo prencoctel meddw nhw cyn rhoi y gin ar eu pen, damo, fi newy' gofio bo fi heb rhoi siwgir gyda cynyrch 'leni, gyda llaw, 10 peintl! :ofn:

gan **Jeni Wine** » Sul 10 Rhag 2006 5:53 pm

Ma Mihangel a finna wedi tywallt y jin coch i boteli erbyn hyn a da ni wrthi'n cael glasiad. Wwww, mae o'n gry de. Digon i wneud i nghlustia fi dinglo.

Oes gan unrhyw un argymhellion am be i neud efo'r eirin tagu meddw sydd ar ol? Mi o'n i wedi meddwl eu rhoi mewn siocled wedi toddi ond sgen i fawr o fynadd tynnu'r holl gerrig allan.

gan **Manon** » Sul 10 Rhag 2006 8:16 pm

Eirin tagu! 'Dwi 'rioed 'di clwad hynna o 'blaen. Mi wnes i gwpl o foteli ac anghofio amdanyn nhw am ychydig flynyddoedd, ac erbyn hyn ma'i hogla nhw'n ddigon i 'neud i rywun ganu Delilah. Ma'n bwysig rhoi sgwd fach i'r poteli bob nawr ag yn y man, i gal y siwgr trw'r botal i gyd.

Sud fasa mynd ati i 'neud fodca mafon/ mwyar duon ta?

gan **Fflamingo gwyrdd** » Sul 10 Rhag 2006 9:13 pm

Manon a ddywedodd:Sud fasa mynd ati i 'neud fodca mafon/ mwyar duon ta?

Run fath dwi'n meddwl. Jysd taflu'r hol lot mewn pwcad. Nesh i fodca mêl rhyw dro. Jysd rhoi potyn o fêl mewn potelad fawr o fodca Tesco faliw, ai droi ben ucha'n isa' bob dydd am chydig fisoedd (nes ma'r mêl wedi toddi'n llwyr). :crechwen:

gan **Manon** » Llun 11 Rhag 2006 10:52 am

Fflamingo gwyrdd a ddywedodd:Nesh i fodca mêl rhyw dro. Jysd rhoi potyn o fêl mewn potelad fawr o fodca Tesco faliw, ai droi ben ucha'n isa' bob dydd am chydig fisoedd (nes ma'r mêl wedi toddi'n llwyr).

Iym! Oedd o'n neis?

gan **Bendigeidfran** » Llun 11 Rhag 2006 11:36 am

Wedi gwneud jin eirin tagu droeon, ond da ni wedi bod chydig yn fwy mentrus leni ac wedi gwneud jin eirin duon a fodca eirin gwyrdd. Mi wnaethon ni eu hidlo a'u potelu nhw neithiwr, a'u blasu nhw - sawl gwaith - jyst i wneud yn siwr eu bod nhw'n iawn wrth gwrs. Mi roedd gen i ben fel meipan pan godais i bore ma - dechra da i'r wsnos!

Dwi'n siwr y basa llus a llugaeron yn dda hefyd - syniad ar gyfer flwyddyn nesa ella.

gan **Fflamingo gwyrdd** » Llun 11 Rhag 2006 5:20 pm

Manon a ddywedodd:
Fflamingo gwyrdd a ddywedodd:Nesh i fodca mêl rhyw dro. Jysd rhoi potyn o fêl mewn potelad fawr o fodca Tesco faliw, ai droi ben ucha'n isa' bob dydd am chydig fisoedd (nes ma'r mêl wedi toddi'n llwyr).

Iym! Oedd o'n neis?

Oedd, braidd yn felys i fi'n bersonol, ond neis iawn chydig bach ar y tro! Simisho lot ohono fo ar un tro! :winc:

Jin Eirin Tagu

Jin Eirin Tagu

Pwy sydd ar-lein