Hufen ar ben llaeth

gan **Dili Minllyn** » Maw 13 Chw 2007 3:50 pm

Fflamingo gwyrdd a ddywedodd:
Dili Minllyn a ddywedodd: tua £45 y mis am un peint o laeth sgim (i fi a'r wraig)

Deeew, feddylish i 'rioed taw gwr oeddet ti... (neu ydwi'n camddeall eto?!)

Ambell waith, mi fydda i'n difaru'r ffugenw (a'r llun) benywaidd, ond hoffter am weithiau Beatrix Potter a Gwen John sy'n gyfrifol am y ddau beth, yn hytrach nag unrhyw awydd i fod yn ddynes.

Beth bynnag, beth yw pris arferol peint o laeth?

gan **Mr Gasyth** » Maw 13 Chw 2007 3:51 pm

Fflamingo gwyrdd a ddywedodd:
Dili Minllyn a ddywedodd: tua £45 y mis am un peint o laeth sgim (i fi a'r wraig)

Deeew, feddylish i 'rioed taw gwr oeddet ti... (neu ydwi'n camddeall eto?!)

Na finne chwaith. Merch fu Dili i mi erioed.

gan **Fflamingo gwyrdd** » Maw 13 Chw 2007 3:52 pm

33c yw peint yn Tesco yn ôl eu gwefan (fyddai'n un o'r bobl 'na sydd ddim wir yn sylwi ar brisiau bwydydd angenrheidiol os nad oes 'na sêl o rhyw fath ymlaen!)

gan **Dili Minllyn** » Maw 13 Chw 2007 3:56 pm

Felly, dwi'n talu rhyw 15c y peint am gludiant (at 'nrws) a chysondeb y cyflenwad (sef na fydda' i byth yn brin o laeth, oni bai fod damwain tryc llaeth erchyll yn digwydd).

gan **Fflamingo gwyrdd** » Maw 13 Chw 2007 3:56 pm

Dili Minllyn a ddywedodd:Ambell waith, mi fydda i'n difaru'r ffugenw (a'r llun) benywaidd, ond hoffter am weithiau Beatix Potter a Gwen John sy'n gyfrifol am y ddau beth, yn hytrach nag unrhyw awydd i fod yn ddynes.

Digon teg. Wyt ti wedi bod yn gweld y ffilm ddiweddar am hanes B.Potter? (os wyt ti, allset ti agor edefyn yn sôn amdani plis?!) Sut un oedd hi?

Gwr tebyg i ti dwisho, 'te! - Sortio'r dyn llaeth allan, pobi cacen ffenest, siopa....! Waaaaw...

(Sori fy Nyn...!)

P'run bynnag - llaeth. 33c/peint yn Tesco.

gan **Fflamingo gwyrdd** » Maw 13 Chw 2007 3:59 pm

Dili Minllyn a ddywedodd:...oni bai fod damwain tryc llaeth erchyll yn digwydd).

Haha - cyn i un o'r hogia oedd yn yr ysgol efo fi basio'i brawf gyrru, mi falodd ddau gar, a fflôt laeth! Mi gwthiodd hi i'r ffôs dros ei phen...! :lol:

Dyma linc i'r edefyn ddechreuish i sbel yn ôl yn gofyn am wybodaeth dyn llaeth. Bydd rhaid i mi weithredu ar y wybodaeth cyn hir, dwi'n meddwl.

gan **sian** » Maw 13 Chw 2007 4:07 pm

Ar ôl rhai blynyddoedd reit ansefydlog - y naill ddyn llaeth ar ôl y llall yn rhoi'r gorau iddi (sydd, efallai'n profi nad yw dynion llaeth yn gwneud eu ffortiwn) - does gennym ni ddim dyn llaeth o gwbl erbyn hyn.
Roedd yn rhyfedd iawn ar y dechrau ond mae rhywun yn dod i arfer - ac rydyn ni'n gallu rheoli'r sefyllfa'n well - o'r blaen, roedden ni naill ai'n byw ar bwdin reis am ddyddiau am fod 'na ormodedd o laeth neu'n gorfod rhannu diferyn rhwng dau i gael paned. Ac os yw'n wir nad yw cartons gymaint â hynny'n waeth i'r amgylchedd, rwy'n teimlo'n well am y peth.

gan **huwwaters** » Maw 13 Chw 2007 5:59 pm

Fflamingo gwyrdd a ddywedodd:
Dili Minllyn a ddywedodd:...oni bai fod damwain tryc llaeth erchyll yn digwydd).

Haha - cyn i un o'r hogia oedd yn yr ysgol efo fi basio'i brawf gyrru, mi falodd ddau gar, a fflôt laeth! Mi gwthiodd hi i'r ffôs dros ei phen...!

Dyma linc i'r edefyn ddechreuish i sbel yn ôl yn gofyn am wybodaeth dyn llaeth. Bydd rhaid i mi weithredu ar y wybodaeth cyn hir, dwi'n meddwl.

Be, rwbeth tebyg i hyn?

http://www.flickr.com/photos/gey659/81742502/

gan **Fflamingo gwyrdd** » Maw 13 Chw 2007 6:02 pm

Ia, ond mai fflôt laeth wnaeth o wthio i'r ffôs, nid tancer. Poteli llefrith yn sgrialu i bob man! :lol:

gan **Dili Minllyn** » Maw 13 Chw 2007 8:43 pm

Dyma'r math o beth dwi'n ei gofio yn dod â'r llaeth pan o'n i'n fach.

Mae'r tŷ tu ôl yn edrych yn rhyfeddol o debyg i dŷ fy rhieni hefyd.

Hufen ar ben llaeth

Pwy sydd ar-lein