Bwyta'n dda ac yn RHAD

[Blewyn]

Hanner kilo o Chicken Biryani ffres am 70p o whole foods yn seeb, Muscat.

Ar yn ail, lopsgows :

1 darn o corff oen bach wedi marw (scrag end yn draddodiadol)
2 nionyn
moron
tatws
rwdan
rosemary
halan a pupur

torri un nionyn a''i roi mewn sosban o ddwr efo'r oen
simro'r darn o'r hen oen bach druan am awr o leiaf, nes bo'r cnawd yn disgyn oddi ar yr asgwrn
oeri'r asgwrn, a'i roi i gi diolchgar
tynnu'r cig oen allan o'r stoc a'i gadw dros nos
tynnu'r nionyn allan o'r stoc a'i daflu
Rhoi'r stoc yn yr oergell dros nos
wedi oeri, tynnu'r haen o frasder caled o wyneb y stoc a'i daflu. Peidiwch ag anghofio hyn, credwch fi mi fydd y sgows yn disgusting os na wnewch
ail-dwymo'r stoc, ag adio'r rwdan am 5 munud pan yn simro
adio'r tatws a moron a nionyn wedyn (tua 50-50 rwdan/tatws)
pan mae'r tatws bron yn barod, adio'r hen oen bach a'r rosemary/halan/pupur

mae rhai yn licio defnyddio llond dwrn o pearl barley hefyd

Buta'r lopsgows efo caws di gratio a potel o win a bara ffres, a wedyn eistedd of flaen tan a gorffen y botel. mmmMMMMMmmmm

[Cacamwri]

Berwi sosbaned o reis...ffreio bacwn, wynwns, pupur gwyrdd, coch a melyn, shibwns a myshrwms...yna cymysgu'r cwbwl gyda'i gilydd, a ychwanegu soy sauce.
Gwd.

[SbecsPeledrX]

Be am omlette a chips? Mae wyau a tatws digon rhad.

Neu bara llefrith, rhwygo dau dafell o fara mewn i powlen, llefrith dros y top. Hanner llwyad o siwgr, nobben fach o menyn. 2 funud yn y meicradon. troad, a hey presto.

[Cacamwri]

Ychwanega tea bag i'r bara llath Sbecs, a bydde fe lot mwy ffein. Mond bo ti'n cofiop tynnu'r tea bag mas cyn ei fyta.

[Jon Bon Jela]

Spaghetti, persli, garlleg ac olew grawn yr olewydd yn un maethlon ac yn un sy'n handi yn ystod y dyddiau sy'n arwain at siec ddiwedd mis.