Eich hoff fwyd caws?

[Sir Richard de Fromage]

Beth yw eich hoff fwyd sydd wedi ei wneud â chaws, neu sydd â chaws ynddo?

[7ennyn]

Risotto myshrwms hefo llwyth o barmesan newydd ei gratio

Ar gyfer pob person:

Llwy bwdin o fenyn
'Chydig o olew olewydd
1/2 nionyn mawr wedi ei falu'n fan
'Chydig o fyshrwms wedi sleisio - chestnut yn neis
Llond dwrn o reis arborio
1/4 gwydriad o win gwyn
Tua 300ml o stoc llysiau cynnes (e.e. bouillon ) - ddim yn rhy gry ond ddim yn rhy wan
1/4 llwy de o berlysiau wedi sychu (e.e. herbes de provence)
1/4 llwy de o bupur du wedi malu
Digon o barmesan newydd ei gratio

Poethi'r menyn a'r olew mewn sosban fawr drom a dechrau ffrio'r nionod a'r myshrwms am rhyw funud neu ddwy.

Ychwanegu'r reis a chario 'mlaen i ffrio am ddau neu dri munud gan ei droi trwy'r amser hefo llwy bren.

Tywallt y gwin i fewn gan gadw'r sosban ar y tan a'i droi hefo'r llwy bren am rhyw funud hyd nes bod y reis wedi ei amsugno ac ymylon y sosban wedi ei llnau'n lan.

Troi'r gwres i lawr fymryn ac ychwanegu ychydig bach o'r stoc gan ei droi trwy'r amser hyd nes iddo gael ei amsugno gan y reis. Parhau i ychwanegu'r stoc fesul tipyn fel hyn. Gallwch ychwanegu'r perlysiau a'r pupur du unrhywbryd yn ystod y cam yma. Os ydi'r gymysgedd yn rhy drwchus, ychwanegwch ychydig o ddwr berwedig o'r tecell i'w deneuo.

(Tip - Os ydych angen paratoi'r risotto o flaen llaw gallwch gadw tua chwarter y stoc dros ben, tynnu'r sosban oddi ar y tan a rhoi caead arno fo. Gallwch orffen ei goginio hefo gweddill y stoc ychydig funudau cyn ei fwyta.)

Tynnwch y sosban oddi ar y tan a chymysgwch y parmesan i fewn tra ei fod dal yn gynnes a bwytwch yn syth. Neis.

[Dili Minllyn]

Fy nghaws pôb arbennig fy hunan. (Gallwn i roi’r rysáit i chi, ond basai’n rhaid i mi eich lladd yn syth wedyn).

Fel arall, macaroni a chaws yw fy fferfyn, gyda digon o fwstard yn y saws.

[Sir Richard de Fromage]

Swnio'n hyfrud.

[Gorwel Roberts]

Swnio chydig yn cheesey i fi.

[Hogyn o Rachub]

Swnio chydig yn cheesey i fi.

(dyla hynny ddim bod yn ffyni ond mae o).


Dwi'n draddodiadwr, a tai'm licio dim yn well na Babybell ar ddiwedd diwrnod caled o waith. Gan ddweud hynny, ac er ei bod yn ystadebol, pwy all wrthod lasagne neu ryw basta bake efo toreth o fozzarella?

[ebrill]

nath fy ffrind neud hwn i fi nos fawrth..od e'n hyfryd:

cod gyda mozzarella a tatws parmesan

2 cod loin
pecyn o mozzarella (yr un crwn sy'n dod gyda sudd..ond sai'n credu bod lot fawr o ots!)
tomatos ceirios
basil ffres
tatws newydd
caws parmesan

rhoi'r ffwrn i 180C

torri'r tatws mewn i cwarteri a berwi am 10 muned, yna rhoi nhw mewn dishgyl ffwrn gyda parmesan drosto nhw a pobi am 40 muned.

tra ma'r tatws yn berwi - rhoi'r cod mewn dishgyl ffwrn arall gyda'r tomatos (rhai wedi haneri, rhai ddim), basil a'r caws dros y pysgod gyda bach o halen a pupur. Ma hwn angen ryw 20muned yn y ffwrn, felly rhoi pan ma'r tatws haner ffordd.

popeth yn barod run pryd! dim ond angen rhoi bach mwy o parmesan dros y tatws a gyda chi pryd o fwyd hyfryd!

[splosh]

pizza neu cheese a potato pie

[ffwrchamotobeics]

Tost, menyn a La vache qui rit wedi toddi.
Neis iawn wir


p.s cyfieithiad : Laughing Cow (ar werth yn Spar, Caernarfon)

[S.W.]

Caws ar dost - just bara a caws. Dim byd gwell.

Caws coch fel Red Leicester neu Galloway sydd orau ar gyfer toasties hefyd!