Gradell/ Maen

[SerenSiwenna]

Hello na cyd-faeswyr.

Fues i lawr yng nghaerdydd dechrau'r wythnos a dyma fi'n prynnu un o rhain:



Ac dwi di bod wrthi yn darllen amdanno ac am fynd adre heno i'w paratoi (olchi, cynnhesu, gorchuddio a olew a halen ayyb).

Doedd dim syniad gen i faint o traddodiad oedd gan y "griddle" ac, ynol pob son, mae gan pob ardal enw unigryw amdanno.

1. Oes gan unrhywun arall ar y maes un o rhain?
2. Pa fath o bethau byddwch yn coginio arno?
3. Be fyddech chi'n ei alw ag o ble yng nghymru yr ydych yn hanu?
4. Plis rhannwch unrhyw storiau neu anecotes

[Rhodri Nwdls]

Gen i un, ond ma'n un non-stick efo gwaelod sy'n dosbarthu'r gwres (ond dio'm yn gneud mnor dda a hen radell Dad).

Be dwi'n goginio arno? Cacs bach.

Dim anecdotes, heblaw am fod wrth y modd yn gweld fy modryb yn coginio cacs bach arno a'u pentyru yn eu degau yn barod i;w sglaffio. Mmm.

[SerenSiwenna]

Aha, felly gradell wyt ti'n ei alw ia?

A ti'n alw'r cacennau yn "cacs bach" (yn hytrach na Pice ar y maen) mae hwn yn diddorol achos roedd yr hanes ar y wefan lle oedd y llun cw yn deud mai yn y gogledd oedd y peth yn cael ei alw'n gradell, ac yn y de = maen (ymhusg geiriau eraill). Fel mae'r enw yn awgrymu, fysa pice ar y maen yn hanu o'r de...lle defnyddi'r y gair cacs hefyd ynte....hmmm, fellu un o ble wyt ti Rhodri?

Ynol y wefannau amrhyw sy'n ei werthu, mae'n bosib creu pob math o bethau hefo nhw, gan gynnwys: bara radell, piklets, crepes, cacennau-tatws ayyb.

Hoffi'r cofiannau ti'n rhannu Rhodri, ciwt iawn - siwr roeddet ti'n annwyl ...ond beth yw sglaffio?

[bartiddu]

Planc ma'r annwyl fam yn ei alw!

[Kez]

Mae 'llechwan' yn hen air amdani ond pics ar y man byswn i'n galw'r teisennau 'na sydd yn y llun.

Bysa mamgu yn rhoi jam yn y canol weithiau a phan oedd Mrs Davies drws nesa yn galw heibio, byswn i'n agor rhai o'nhw lan a rhoi bach o bupur ar y jam a'u rhoi nhw nol at ei gilydd - fysa hi ddim yn aros mor hir wedyn

M' arnoi ofan nag w i ddim cweit mor annwyl a Rhodri

[jammyjames60]

Cacenna gri sydd yn y llun 'nde, hynny ydy, 'Welsh cakes' yn y Saesneg?

[SerenSiwenna]

Planc ma'r annwyl fam yn ei alw!

Ie, mae'r llyfr bach cw yn son mai dyma yw un or enwau ar ei gyfer - a dyna ydy o deud y gwir ynte, planc o ddur

[SerenSiwenna]

Mae 'llechwan' yn hen air amdani ond pics ar y man byswn i'n galw'r teisennau 'na sydd yn y llun.

Bysa mamgu yn rhoi jam yn y canol weithiau a phan oedd Mrs Davies drws nesa yn galw heibio, byswn i'n agor rhai o'nhw lan a rhoi bach o bupur ar y jam a'u rhoi nhw nol at ei gilydd - fysa hi ddim yn aros mor hir wedyn

M' arnoi ofan nag w i ddim cweit mor annwyl a Rhodri

Mae gen i deja vu achos dwi'n siwr i mi ymateb i'r postiau yma, ond dyw nhw ddim ene felly ella maen't wedi mynd ar goll, eniwe:

Ia, mae'r llyfrau ar wefannau yn cofnodi llechwan fel air hefyd, ac yn deud mai oherwydd roeddent ar un adeg yn cael ei wneud o llechi neu cerrig llyfn, yn cael ei gosod dros y tan (unau gan law neu actiwli ei installio fel shilff) Dwi'n hoff iawn o eiriau fel hyn sy'n dal chydig o'r hanes hefo nhw.

Dwi erioed di cael jam yn y canol - sgwn i os yw hyn yn traddodiad lleol yntau improvisation dy nain oedd e? Un o ble wyt ti Kez?

Swndio fel oeddet ti'n annwyl mewn ffordd direidus

[SerenSiwenna]

Cacenna gri sydd yn y llun 'nde, hynny ydy, 'Welsh cakes' yn y Saesneg?

Mae hyn yn diddorol achos pan o ni wrthi yn edrych trwy'r llefr bach a oedd yn rhoi ryseitiau am bethau i coginio arni, dyma fi'n gweld pice ar y maen, ac hefyd cacennau gri...fel ddau beth wahannol...ag eto, o sbio yn cwic arnynt, doedd yna ddim llawer os unrhywbeth o wahanniaeth rhwngddyn nhw...tybed os mai jest fater o semantics yw e? ai cacennau gri yw'r air gogleddol am pice ar y maen?

Un o ble wyt ti JJ?

[sian]

Cacenna gri sydd yn y llun 'nde, hynny ydy, 'Welsh cakes' yn y Saesneg?

cacen gri (unigol)
cacennau cri (lluosog - heb dreiglad)