maes-e.com

Helo bawb. Teimlo'n llwglyd ar y funud, a meddwl oes gan rywun unrhyw ryseitiau caserol diddorol? Efallai rhywbeth ychydig yn wahanol o'r arferol?

Rhowch wybod !

Ffrio winwns, garlleg, chorizo a phuprod, wedyn ychwanegu tato am ryw ddeng munud. Tun o domatos, glased o win gwyn, bouquet garni a phaprika a mewn i'r ffwrn am ryw ddwy awr a mwy.

Mmmm, mae hwnnw newydd wirioneddol ddod â dwr i'm dannedd i!

Dewch, gwnewch i mi lafoerio!

Os ti'n teimlo'n llwglyd ar y funud, oni fyddai bechdan gaws yn well?

Dw i'm erioed wedi gallu meistroli caserol na chawl

Gwahanglwyf Dros Grist a ddywedodd:Ffrio winwns, garlleg, chorizo a phuprod, wedyn ychwanegu tato am ryw ddeng munud. Tun o domatos, glased o win gwyn, bouquet garni a phaprika a mewn i'r ffwrn am ryw ddwy awr a mwy.

s'dim ffwrn 'da fi... fydde fe'n flasus ar ol 'i adel e i ffrwtian ar yr hob am awren?

Ray Diota a ddywedodd:

Gwahanglwyf Dros Grist a ddywedodd:Ffrio winwns, garlleg, chorizo a phuprod, wedyn ychwanegu tato am ryw ddeng munud. Tun o domatos, glased o win gwyn, bouquet garni a phaprika a mewn i'r ffwrn am ryw ddwy awr a mwy.

s'dim ffwrn 'da fi... fydde fe'n flasus ar ol 'i adel e i ffrwtian ar yr hob am awren?

Ie, dyle fod. Lwyddes i i neud boeuf bourgignon (sillafu?) ar yr hob pyddwrnod.