Be sydd i swper?

[Mihangel Macintosh]

Oes yna rhywun yn gwybod sut i neud pei cyw iar cartref, gyda cenin neu madarch ella?

Be am hwn?

Gan fod y tywydd yn well, dyma resait da ar gyfer haf. Ma fe'n iachus ac yn llenwi chi! Digon ar gyfer 2-3.

Salad Sesar Cyw Iar
=============

Cynhwysion:

2 Letis Romanie
2 fillet Cyw Iar
Blocyn o Barmesan
Dressing Cesar
2 dafell o fara gwyn
olew olewydd/llysiau

1. Torwch y cyw iar yn strips tenne a'i rhoi dan y grill ar wres uchel nes bod nhw'n dechre brownio.

2. Torwch tafell neu ddau o fara gwyn yn sgwariau bach a ffriwch mewn olew ar rhes isel - dyna'ch croutons chi.

3. Yn y cyfamser cymysgwch y letis romanie a'r croutons gyda'r dressing mewn powlen.

4. Nesa, cymrwch y barmesan a'i shafio ar y grater. h.y. gwneud strips.

5. Rhowch y salad ar blatiau, ychwanegwch y cyw iar ac yna'r parmesan

Mwynhewch.

[Aranwr]

Risotto pob dim fydd hi heno -

Toddi menyn mewn ffrimpan masif (neu efalle woc os os da chi'r fath declyn). Yna ffrio winwns nes 'u bod nhw'n frown caramel neis gludog slyrpi mmmmmm. Yna, ffrio reis (reis risotto sydd ore...obviously) am gwpwl o funude cyn ychwanegu holl gynnwys sborionaidd y ffrij (gan jeco 'u bod nhw'n iawn - sdim isie ffwd poisoning nawr os e?!) Falle bach o facwn, tomatos, cyw iar bla bla bla. Wedyn, tin o domatos dros ben y cyfan cyn ychwanegu stoc llysiau/cyw yn ara bach gan adel i'r reis absorbo'r hylif. Ma' hwn yn cymryd rhyw 20 munud - hanner awr. Wedyn, pan fo'r reis yn sofft a sgwidji ychwanegu caws wedi gratio a perlysiau a... voila - risotto pob dim.

Ac ma' fe'n iachus... peidwch rhoi gormod o reis mewn ddo chos newch chi fyth byta fe gyd! Sbeshal.

[Gwahanglwyf Dros Grist]

Rhyw fath o hotchpotch chorizo ges i...

Ffrio'r chorizo mewn olew olewydd am ryw funud neu ddwy. Yna, ychwanegu tin o chopped tomatos, ffa kidney, halen a phupur. Gadael i hwnna ffrwtian am ryw chwe/saith munud, cyn ychwanegu basil a pharsli. Wedi'i weini â phasta achos 'na i gyd o'dd ar ol 'da fi.

Hynod flasus a rhad tu hwnt (wel, heblaw am y chorizo - gostiodd e bum punt ond fi 'di cael tri phryd ohono fe'n barod a dim ond hanner y peth sydd 'di mynd)

[Jeni Wine]

Dwi a Mihangel newydd ddod nol o Reidal, lle gawson ni Spaghetti Vongole hollol arallfydol. Oes na unrhyw un wedi gneud y saig hyfryd hwn? Dyma rysait...mi a'u gwnaf pan ga i afael ar glams (be di clams yn Gymraeg?) ffresh...

Mi fedrwch chi roi tomatos bach wedi eu hanneru yn hwn os da chi isio, ond dwi'n meddwl ei fod o'n well hebddyn nhw.

CYNHWYSION:
Dau bwys o glams bach byw (neu jariad o rai marw)
2 ran bach o arllag wedi ei wasgu drwy'r teclyn
Llond llaw o bersli wedi ei dorri'n fân
Hanner pupur coch wedi ei sychu a'i grymblo
1/4 cwpanaid o olew olewydd
tomatos bach wedi eu hanneru (opsiynol)
Halen
Pwys o spaghetti

PARATOI:
Dylai'r clams fod ar gau yn dynn, a ni ddylen nhw ddrewi. Sgrwbiwch nhw'n dda a gadewch iddyn nhw eistedd mewn dwr halen am nifer o oriau fel y medran nhw waredu eu tywod. Berwch nhw mewn chydig bach o ddwr (neu mi fedrwch chi eu stemio nhw) a phan ma nhw'n agor, dreiniwch nhw a chymysgwch nhw (a'u cregyn) i mewn i'r saws.

CYFARWYDDIADAU:
Mewn potyn mawr, ffriwch y garllan a'r pupur chili yn ysgafn yn yr olew, gan ychwanegu'r persli pan mae'r gymysgedd yn dechra brownio. Yn y cyfamser, dechreuwch goginio'r pasta.

Ychwanegwch y clams wedi eu coginio a pheth o'r sudd (neu sudd y clams jar) i'r gymysgedd garlleg. Os ydych yn defnyddio'r tomatos bach, ychwanegwch nhw rwan. Coginiwch y cyfan ar wres isel. Os da chi'n defnyddio clams o jar, rhowch nhw yn y gymysgedd rwan (does dim angen gymaint o amser arnyn nhw). Dreiniwch y pasta, cymysgwch y saws i mewn iddo fo a gweinwch y cyfan HEB GAWS.

[Jeni Wine]

Es i aros i dy fy nhad yn Llundain yn ddiweddar a mae o newydd ddechra tyfu cidne-bens, ne ffa dringo yn i rar. Gafon ni bryd perffaith o gidne-bens, tatws newydd a sleisys go helaeth o gorn-biff, efo digonadd o fenyn a phupur du. Ma RHAID i chdi drio'r pryd bendigedig yma. Nefoedd ar blat.

[Dwlwen]

cidne-bens, ne ffa dringo yn i rar.

O'n i'n dwli tyfu ffa dringo pan o'n i'n fach ...ond runner beans yw rheini, kidney beans (cidny-bêms) yw rhain:


A dyma lun wedi ei wneud allan o bob math o ffa:


Ma ffa dringo'n hyfryd gyda menyn tawdd, digonedd o bupur a wy 'di sgramblo.

[sian]

Cidna-bêns fyswn i'n galw'r pethau gwyrdd yn llun Jeni.

Gawson ni lond côl mawr ohonyn nhw gan ryw arddwr brwd rhyw dro ac ro'n i'n edrych ymlaen i'w cael nhw i swper gyda thato newydd a bacwn a digon o fenyn. Mmm.
Gwaetha'r modd, daeth y gwr adre o'r gwaith o 'mlaen i a phenderfynu helpu trwy wneud y swper. Pan ddois i adre, medde fe "Dw i wedi paratoi'r cidna bêns ond doedd dim llawer ohonyn nhw yn y diwedd."
"Be ti'n feddwl?" medde fi "Gaethon ni lwyth ohonyn nhw"
"Ie," medde fe "ond erbyn i ti dynnu'r plisg doedd dim llawer o ffa ar ôl."
"Ble mae'r plisg?" gofynnais yn ofnus.
"Yn y bin," atebodd yn llipa.
Dynion!

[Defi]

Oedd fi bob amser yn cael pys a ffa o ardd tad-cu fi pan byddwn i mynd i weld famgu a dadcu fi yn Cwmgors, a lot o pipir a menyn arnyn nhwy a gyda bara brown, = bara gwenith oedd mamgu fi'n galw arno fe. A bob ddydd Sadwrn fydde fi yn cael becyn - cig moch oedd famgu fi'n galw fe - wedi ffraeo, gyda wy, sosej a pytato newydd. Oedd mamgu fi'n ffrio y bara lawr mewn rhywbeth oedd hin galw yn blawd geirch - ne rhywbeth felna. A fydde mamgu yn allwys y fat roedd yn y ffrimpan tros pen y tato, a O - oedd fe'n lyfli ed. Fi ddim wedi gael ddim byd debyg ys blynydde. Ond gefais i braw nawr pan gwelais fi y fara lawr am dro cyntaf fi, am fod ef yn edrych fel cachu da, ond roedd tast beautiful gyda fe. Mae atgofion fi i gyd yn dod nol, a fi still yn ifanc. O a oeddwn i yn cael cinabens gyda nhwy ed a menyn a lot o alen yndo fe. Lovely it was, a ddim lot o bwyd felyny i cael yn awr, achos bo fi'n fwyta o tins. Fi newydd cofio beth arall, fydde mamgu fi yn gweud am y pys a ffa pan fydde nin baratoi nhwy, i ni cadw'r mashcal i ddi cael rhoi i'r mochyn ar gwaelod gardd hi. Plisgyn mae poster cyn fi yn galw fe, ond mashcal oedd famgu fi'n gweud wastod.

[Gwahanglwyf Dros Grist]

Cassero-ole fi 'di bod yn bwriadu rhannu ers tro...

Cynhwysion:

4/5 taten newy' (fydd ddim mor newy' erbyn hyn, gwaetha'r modd)
1 pupren goch
1 winwnsyn mawr
6 selsigyn perlysllyd (gwd gair - newydd ei ddyfeisio)
Dau dun o domatos chopiedig
2 wydryn o win coch (un ar gyfer y cassero-ole, un i chi)
Paprika
Perlysiau
Pupur a halen

Torrwch y winwnsyn, y bupren a'r tato'n ddarnau eitha' mawr. Cynheswch olew olewydd yn eich llestr cassero-ole, a thaflwch y cyfan mewn. Ffriwch y cyfan am gwpwl o funude, nes bod y tato'n dechre meddalu. Wedyn, torrwch eich selsig a'u towlu nhw mewn gyda'r llysie. Trowch y gwres lan rhyw fymryn, a ffrio'r cwbwl lot nes bod tipyn o liw ar y selsig.

Wedyn, ychwanegwch ddau dun o domatos chopiedig, llwy fwrdd o babrika, perlysiau, pupur a halen a gwin coch. Rhowch gaead ar y cyfan, a'i roi yn y ffwrn ar dymheredd gweddol uchel (marc nwy 7). Coginiwch y cymysgedd am awr, gan dynnu'r caead oddi ar y llestr cassero-ole am y chwarter awr olaf.

Et voila! S'dim hyd yn oed angen coginio unrhyw beth gyda fe. Biwt.

[Chwadan]

Triwch hwn, ma'n neis yn boeth neu yn oer (oedd na fersiwn fwy ffurfiol yn Gwd Ffwd Magasin):

Tarten Cnau Ffengig a Stilton

Pwys o nionod coch wedi eu sleisio'n denau
Llwyaid fwrdd o balsamic
6 owns o stilton
2-3 owns o gnau Ffrengig di'w torri'n fan
10 owns o byff pestri

Ffriwch y nionod mewn tipyn o olew nes ma nhw'n feddal, ychwanegwch y balsamic, halen a phupur a choginiwch y cwbl am ryw chydig funudau.

Yn y cyfamser, rholiwch y pestri a sgoriwch tua modfedd o'r ochr efo cyllell. Tolltwch y nionod i mewn i'r canol, crymblwch y cnau a'r stilton drosto.

Pobwch ar tua 180 celsius am tua 15-20 munud.

Iam iam.