maes-e.com

Mae'r mwstard cwrw chi'n gallu cael o deli 'Forum' ar Heol y Crwys yn cicio pen-ol yn swyddogol! Cytuno mai mwstard 'wholegrain' yw'r gore; mae mwstard Lloegr yn rhy gryf. Fi wir yn hoff o gael brechdan selsig gyda bara wholemeal a mwstard wholegrain. Phwoar... (glafoerio, glafoerio)

Dw i wedi newydd gael mwstard gyda wisgi a mêl o Howell's, Caerdydd. Nefol.

Dos na'r un sos gwell na mwstard

Y ffefryn ar y funud ydi digon o'r Inglish i dynnu dwr i'r llygad ar fechdan caws di tostio niam niam! Ma Dijon yn nefolaidd efo stecen Welsh Black waedlyd 'fyd.

A ma finag yn hyfryd ar bob dim, ond fod angen tollti bwcedi o'r stwff i neud sglodion flasu'n neis. Ma'n dda iawn wrth lanhau briwiau fatha antiseptic hefyd!

Mae mwsdad melyn yn beth anhygoel o neis. Er na saesneg dio, man lyfli. man mynd fo bechdana ham yn berffaith, a fo sdec, nd man arbennig wedi gymysgu fo mel a siwgr brown a wedi ei deunu ar ochr darn o ham cyn i bobi fo. a vn cytuno fo gwahanglwyf fod bechdan sosej a mwsdad yn fendigedig. dwisho bwyd wan.

Mwstard dijon Maille "Mi-Forte" ydi'r un i fi ar hyn o bryd. Mae'r Dijon gyda cyrainj duon yn hyfryd 'fyd. Ond ie, wholegrain ydi'r dadi ar y cyfan - yn arbennig gyda ham. Ond cytuno a Sili, Dijon efo biff.

Mwstard cymreig i fi, ma fe’n lyyyyfli! Cwmni "The Welsh Mustard Company" o Gilau Aeron sy'n 'i 'neud e fi'n meddwl.

Ni’n mynd trwy jarie o’r stwff yn tŷ ni – ma cic eitha hegr gyda fe fel inglish, ond blas mwy melys (rhywbeth i neud â’r mêl sydd ynddo fe siŵr o fod). Mae e’n cael ei weini mewn amryw o lefydd bwyd yng Nghaerdydd erbyn hyn – lliw coch amlwg arno. Ma amryw o archfarchnadoedd yn gwerthu’r stwff erbyn hyn hefyd, a marchnadoedd sy’n gwerthu cynnyrch lleol ag ati. Iymi

Newydd gael chrzan z gorczycą, sef mwstard a rhuddygl y meirch (horseradish) o adran Bwylaidd Sainsbury's Henffordd, Cyfuniad blasus iawn, a'r rhuddygl yn rhoi rhyw gic annisgwyl ar y diwedd. Dwi'n cymryd fod e ar gael o siopau Pwylaidd eraill.

Dwi wrth fy modd efo unrhyw fath o fwstad i ddeud y gwir. Ond fy ffefryn ar fechdan ham ydi yr un Saesneg ! Mi fyddai'n defnyddio y Dijon efo grains bach i wneud dressing ar gyfer salad. Mmmmm blasus iawn.
1 llwy fwrdd o fwstad dijon
1 llwy fwrdd o finagyr gwin coch
hanner llwy de o siwgr
3 llwy fwrdd o olew olewydd

Mae mwstard, hefyd, yn un o gynhwysion hanfodol urhyw saws caws gwerth ei halen (neu' fwstard).

cytuno â dili minllyn: *rhaid* cael mwstard mewn saws caws. hyfryd ar lysiau o bob math.
ces i fwstard grîns mewn bwyty indiaidd yn ddiweddar. wedi'u coginio gydag olew mwstard hefyd, wi'n credu - son am brofiad mwstard! 'ro'n i heb eu blasu nhw o'r blaen ac mmm... neis iawn.