BBC gyda bias 'leftie' - R.Oakley

gan **Realydd** » Iau 19 Mai 2005 6:55 pm

Cwlcymro a ddywedodd:Ydy nhw? Oni'n meddwl fod cefnogwyr chwith Llafur yn flin iawn efo'r rhestra merched ma oedd y llywodraeth (llawer mwy de na'r pledleiswyr) wedi ei fforsho arny nhw. Dim dyna pam ma Peter Law yn AS?

Cwlcymro'n gwadu a trio rhedeg ffwrdd o'r pwynt unwaith eto. :rolio:

Tria ddelio hefo'r pwynt wnes i- ddylai'r BBC gael cwotas gwleidyddol yn eu polisi recriwtio? Neu yw hi'n iawn i nhw ddim ond hysbysebu mewn papurau adain chwith i ddenu mwy fyth o lefties i'r beeb?

gan **Hedd Gwynfor** » Iau 19 Mai 2005 7:49 pm

Cath Ddu a ddywedodd:Difyr gweld Hedd yn camu'n ôl o'i ddadl ei hun, trio sgorio pwynt yn fy erbyn ac yna panic llwyr o weld diwedd y daith

Ddim yn dy ddeall yma! Dwi ddim o'r farn y dylai bod HAWL gan unigolyn i optio allan o drethi arbennig heb dderbyn y canlyniadau. Be fyddai hyn yn golygu i'r iaith Gymraeg? Mae Cymru Cymraeg yn unig fyddai'n gorfod talu am arwyddion dwyieithog? Byddai sefyllfa o'r fath yn sathru ar hawliau lleiafrifoedd yn llwyr!

Ar y llaw arall, dwi'n credu fod gan berson yr hawl i ddewis peidio talu treth arbennig os yw'n anghytuno'n chwyrn gyda polisi penodol (e.e. CDU Unedol Ceredigion neu Ryfel Irac) OND rhaid iddo dderbyn y canlyniadau wedyn!

Os ti'n timlo mor gryf dros hyn Cath, pam na ei di wrthod talu ffi y BBC, ac oblegyd gwynebu dirwy mawr neu garchar?

Hen Rech Flin a ddywedodd:Onid oes cytundeb i raddau rhwng gwleidyddiaeth craidd yr asgell de a gwleidyddiaeth craidd y cenedlaetholwr mae “hunan” lywodraeth ydy’r nod gan ddechrau efo’r hunan a bod ymyrraeth llywodraethol uwch yn dechrau ar y lefel isaf bosibl?

NA. Dyw hyn ddim yn rhan o fy nghenedlaetholdeb i! Mae gwleidyddiaeth yr asgell dde yn rhoi pwyslais ar yr unigolyn uwchben hawliau cymdeithas (boed hyn yn blwyf, sir neu wlad!), mae Cenedlaetholwyr yn rhoi pwyslais ar hawliau'r Gymdeithas h.y. hawl y Cymry i reoli eu buddiannau! Dwi'n cytuno gyda ti fod datganoli grym i'r lefel isaf o ran cymdeithas yn holl bwysig, ond nid i lefel yr unigolyn. Dyma lle mae'r gwahaniaeth sylfaenol yn bodoli!

gan **Realydd** » Iau 19 Mai 2005 8:06 pm

Hedd Gwynfor a ddywedodd:Ar y llaw arall, dwi'n credu fod gan berson yr hawl i ddewis peidio talu treth arbennig os yw'n anghytuno'n chwyrn gyda polisi penodol (e.e. CDU Unedol Ceredigion neu Ryfel Irac) OND rhaid iddo dderbyn y canlyniadau wedyn!

Beth am bobl sydd wedi syrffedu am aros i gael triniaeth ar yr NHS. Fyddai ti o blaid i nhw allu optio allan o'r NHS a cael dewis peidio talu treth i'r NHS?

gan **Hedd Gwynfor** » Iau 19 Mai 2005 9:51 pm

Ti di darllen yr uchod. Fi ddim yn meddwl y dylai UNRHYW UN gael yr hawl i ddewis a dethol pa drethu i'w talu heb fodlon derbyn y canlyniadau! H.y. pe bai unigolyn yn gwrthod talu cyfradd o'i dreth mewn protest oherwydd safon erchyll yr NHS yng Nghymru, byswn i'n gefnogol iawn iddo, ac yn parchu'n llwyr ei ddewis. Ond byddai rhaid iddo fe hefyd dderbyn y byddai'n cael ei ddirwyo, ac o bosib yn cael ei ddanfon i'r carchar!

Bydd ei brotest mae'n siwr yn codi lot o sylw i'r ymgyrch, a gobeithio'n gwella'r sefyllfa, ond rhaid i'r unigolyn dderbyn canlyniadau ei weithredoedd, yn y gobaith y bydd ei aberth ef yn hwb i'r ymgyrch ac yn gwella'r sefyllfa!

gan **Realydd** » Iau 19 Mai 2005 10:24 pm

Does dim angen edrych yn bellach na Question Time am enghraifft o bias chwithaidd y BBC. Bron bob amser mae'r gynulleidfa yn lawer rhy wresog i wleidyddion y chwith, yn enwedig y Lib Dems.

gan **Cath Ddu** » Iau 19 Mai 2005 11:04 pm

Hedd Gwynfor a ddywedodd:Ddim yn dy ddeall yma! Dwi ddim o'r farn y dylai bod HAWL gan unigolyn i optio allan o drethi arbennig heb dderbyn y canlyniadau. Be fyddai hyn yn golygu i'r iaith Gymraeg? Mae Cymru Cymraeg yn unig fyddai'n gorfod talu am arwyddion dwyieithog? Byddai sefyllfa o'r fath yn sathru ar hawliau lleiafrifoedd yn llwyr!

Ar y llaw arall, dwi'n credu fod gan berson yr hawl i ddewis peidio talu treth arbennig os yw'n anghytuno'n chwyrn gyda polisi penodol (e.e. CDU Unedol Ceredigion neu Ryfel Irac) OND rhaid iddo dderbyn y canlyniadau wedyn!

Tydi'r ddau bwynt uchod ddim yn sefyll yn ddeallusol. Be ti'n awgrymu, fod yn RHAID i bawb dalu trethi sy'n plesio Hedd ond fod modd i ti ddwis a dethol?

Hedd a ddywedodd:Os ti'n timlo mor gryf dros hyn Cath, pam na ei di wrthod talu ffi y BBC, ac oblegyd gwynebu dirwy mawr neu garchar?

Dwi'n gadael ffug aberth i aelodau'r Gymdeithas :winc:

Hedd a ddywedodd:NA. Dyw hyn ddim yn rhan o fy nghenedlaetholdeb i! Mae gwleidyddiaeth yr asgell dde yn rhoi pwyslais ar yr unigolyn uwchben hawliau cymdeithas (boed hyn yn blwyf, sir neu wlad!), mae Cenedlaetholwyr yn rhoi pwyslais ar hawliau'r Gymdeithas h.y. hawl y Cymry i reoli eu buddiannau! Dwi'n cytuno gyda ti fod datganoli grym i'r lefel isaf o ran cymdeithas yn holl bwysig, ond nid i lefel yr unigolyn. Dyma lle mae'r gwahaniaeth sylfaenol yn bodoli!

Beth fyddai cymdeithas heb unigolion? Onid teulu yw sail cymdeithas? Mae'n allweddol fod yr unigolyn uwchlaw cymdeithas - os mae cymdeithas yw'r meistr yna duw a helpo'r gwahanol neu'r annibynol ei barn gan fod rhaid i'w hawliau hwy fod yn ddarostyngedig i 'gymdeithas'. Cysyniad afiach yn fy marn i.

gan **Mr Gasyth** » Iau 19 Mai 2005 11:25 pm

Realydd a ddywedodd:Does dim angen edrych yn bellach na Question Time am enghraifft o bias chwithaidd y BBC. Bron bob amser mae'r gynulleidfa yn lawer rhy wresog i wleidyddion y chwith, yn enwedig y Lib Dems.

gan gymryd dy fod yn ystyried y blaid lafur yn blaid o'r chwith, pleidleisiodd tua 65% o'r boblogaeth dros blaid o'r chwith yn yr etholiad diwethaf. er mwyn cael cynrychiolaeth deg o'r cyhoedd felly buaswn i'n disgwyl fod y rhaniad chwith/dde yn y gynulleidfa yn tua 2/1.

ynteu wyt ti am orfodi cyfartaledd chwith/dde o fewn y boblogaeth gyfan? :ofn:

gan **Realydd** » Iau 19 Mai 2005 11:45 pm

Rydw i o'r farn fod y llais adain dde ar Question time yn fwy aml na pheidio yn lais unig. Hefyd mae'r mwyafrif llethol o bwyntiau sy'n cael eu gwneud gan y gynulleidfa, sy'n llawer rhy biased i'r chwith na'r cyhoedd, felly o safbwynt y chwith.

Pam na wneith y BBC wneud pol opiniwn ar ddechrau pob rhaglen yn dangos i'r bobl adref beth yw teimladau gwleidyddol y gynulleidfa? Gan fel arall mae o'n gamarweiniol fod y Lib Dems yn cael clap hir am bob dim mae nhw'n ddweud o ystyried eu diffyg poblogrwydd yn y wlad.

gan **Cwlcymro** » Gwe 20 Mai 2005 9:15 am

Mewn edefyn arall ma'r hen Rech yn deud fod QT yn goro mewnforio pobl o Loegr i gynulleidfa QT yng Nghymru am ma jusd pobl PC sydd yn gofyn i fynd yno a bo nhw isho balans.

Ma'r Lib-Dems yn cal lot o glapio yndi. Y rheswm am hyn ydi fod cefnogwyr Llafur a Lib Dems yn casau'r Toriaid a fod cefnogwyr Lib Dems, y Toriaid a lot o bledleiswyr Llafur yn casau gweinidogion Blair. Dydi cefnogwyr Llafur a'r Toriaid erioed wedi poeni digon am y Lib Dems i'w casau, a felly yn fwy parod i glapio iddy nhw.

Wrth gwrs ma lot ohono fo hefyd lawr i'r ffaith fod rhyfel irac dal yn cael ei drafod, a fod mwyafrif y bobl yn cytuno efo'r Lib Dems pan mai'n dod lawr i Irac.

gan **Cwlcymro** » Gwe 20 Mai 2005 9:16 am

Realydd a ddywedodd:ddylai'r BBC gael cwotas gwleidyddol yn eu polisi recriwtio? Neu yw hi'n iawn i nhw ddim ond hysbysebu mewn papurau adain chwith i ddenu mwy fyth o lefties i'r beeb?

Na ddylsa nhw ddim cal cwotas gwleidyddol, dylsan mi ddylsa nhw hysbysebu mewn mwy o bapura na jusd y Guardian.
Hapus?

BBC gyda bias 'leftie' - R.Oakley

Pwy sydd ar-lein