'Dydd Prydain'

gan **y mab afradlon** » Sad 14 Ion 2006 8:43 pm

Ware teg, os ydy 'Prydeinwyr' am gael diwrnod i drio gweithio mas beth yn union ydyn nhw (a dwi ddim yn trio dweud nag oes pethau sydd yn ein clymu ni at ein gilydd) wel, rwydd hynt iddyn nhw.

Ond mae rhyw syniad gyda fi mae 'siwd i fod yn Saes' bydd byrdwn y dydd.

Ond mae troi diwrnod o gofio marwolaeth miliynau yn rhyw ffair 'dwy ryfel byd ac un cwpan y byd' tsiep yn ddim byd llai na gwarthus.

Does dim lle i imperialaeth na hyd yn oed cenedlaetholdeb (yn genedlaetholdeb Cymreig, Prydeinig, neu unrhyw wlad arall) ar ddiwrnod mor bwysig. Wedi'r cyfan, cenedlaetholdeb o fath sydd wedi achosi pob un rhyfel y mae Prydain wedi bod yn rhan ohoni drwy hanes.

gan **bartiddu** » Sad 14 Ion 2006 11:14 pm

Yn bersonnol dwi'n gweld yn beth da, Jiw Jiw, Parti mawr!

A pwy well na Sgotyn fel yr anrhydeddus Gordon Brown i ddilyn trywydd ei gyn frenin Iago'r 4ydd o'r Alban a'r cynta o Loeger i grybwyll y fath syniad gwych!
Dwi medru gweld fy hun a'r teulu'n mwynhau yn yr ardd yn yr haf wedi gwisgo lan, mam fel Victoria, dad fel Viceroy o India, fi fel Stanley Baker a'n ewythriad fel Rhodes a Milner yn eistedd rown y bwrdd ar y lawnt yn yfed gin pinc. Byddem medru dwyn perswad ar y cymdogion i wisgo lan fel y natives a'r fuzzy wuzzies (cocoa powder ar y gwyneb wrth gwrs!) tra'n cymeryd pot shots atynt hefo fy Martini-Henry Rifle replica blanc tanwr! Goreuon Noel Coward yn y cefndir ar y gramaphone, a digon o "my sister dolly's upside down cakes" i bawb tra'n gwaeddu "they don't like it up 'em!" bob hyn a hyn ar y cymdogion wrth chwifio fy midog yn yr aer a chwincio ar Harri drws nesa sy' wedi gwisgo lan fel Cetewayo brenin y Zulus!:D
Wrth i'r haul fachlud (oni'n meddwl fod e ddim fod?

) falle bydd deigryn yn cwympo wrth i'r awel ysgafn chware a chwipio'r hen Jac Undeb sy' wedi'i fflannu mor osgeiddig ar bolyn yn yr ardd, yn dawel bach, a meddyla am yr holl pethau da a gyflawnwyd tanddi. Ac wrth iddi nosi beth am gorws o Riwl Britannia i orffen dydd 'sblennydd o ddathlu! Bendigedig! Roll on!