Maniffesto cefn gwlad

[Dili Minllyn]

Mae cylchgrawn Country Life (nid fy newis gylchgrawn fel arfer, ond mae eisiau bod yn effro i bob dylanwad, on'd oes?) wedi cyhoeddi Maniffesto Cefn Gwlad.

Dwi'n meddwl y galla' i gytuno â phwyntiau 1, 3, 8, 9 a 10 yn rhwydd ; ddim mor siwr am 7 ; a dwi ddim gwybod beth yw ystyr 4.

Mae pwynt 8 yn arbennig o bwysig (er ei fod yn swnio'n eitha diflas): mi gododd y Torïaid y Dreth ar Werth ar atgyweirio adeiladau yn aruthrol yn yr 1980au, gan eu gwneud yn rhatach codi adeiladau newydd yn aml, gan arwain yn ei dro at esgeuluso llawer o hen dai hyfryd a'u gadael i adfeilio.

Maniffesto Country Life

1. Gorfodi'r siopau mawr i lenwi o leiaf 10% o’u silffoedd â bwyd lleol.
2. Gwersi cefn gwlad mewn ysgolion.
3. Mwy o fuddsoddi mewn tanwydd gwyrdd.
4. Datganiad cynllunio i bob pentref a sir.
5. Dod â phlismyn lleol yn ôl i bentrefi.
6. Diogelu awyr y nos rhag llygredd goleuni.
7. Difa'r wiwer lwyd, y minc, a chimwch afon America.
8. Cysoni Treth ar Werth yn 5% ar adeiladau newydd ac atgywerion.
9. Mesurydd dŵr i bob tŷ.
10. Gwahardd bagiau siopa plastig.

[Rhys]

Dwi ddim yn 100% siwr, ond efallai does ond rhaid talu TAW (VAT) o 5% wrth adeiladu tŷ newydd, tra bod rhaid talu 17.5% wrth adnewyddu tŷ. Efallai mod i'n anghywir.

Ti ddim yn cytuno dylid dysgu mwy am gefn gwlad mewn ysgolion?

Dwi ddim yn siwr pa mor practical yw gorfodi siop i werthu pethau lleol. Nid mod i'n gyfalafwr rhonc, ond nid dewis y siop ydi beth ddylent werthu? Yn amlwg mae'r nifer o bethau sy'n cael eu gwerthu o bell (h.w. ochr arall y byd) yn wrthus, dylid unai trethu rhain yn uwch, neu gostwng treth ar gynnyrch lleol.

Mae rhywbeth tebyg yn cael ei argymell ar City Hippy o dan y teitl 'Drop the Tax Top 10'.

[Clebryn]

Beth am adael y CAP i ddechrau?

Yna rhoi penderfyniadau cynllunio yn nwylo pobol leol nid gwleidyddion

Cynyddu taliadau "Tir Mynydd"

Diddymu'r "inheritance tax" sy'n cosbi nifer o amaethwyr sy'n gweithio ac yn cynilo yn caled dros gyfnod o amser

Cytuno gyda'r angen i hyrwddo cynnyrch lleol yn ein siopau , ond nid trwy orfodaeth mae gwneud hynny.

[Geraint]

Beth am adael y CAP i ddechrau?

Cynyddu taliadau "Tir Mynydd"

Ond mae arian Tir Mynydd yn dod o CAP

[Fatbob]

Diddymu'r "inheritance tax" sy'n cosbi nifer o amaethwyr sy'n gweithio ac yn cynilo yn caled dros gyfnod o amser

Ry ni gyd yn yr un cwch o ran gael ein cosbi am gynilo - nid dim ond ffermwyr sy'n gweithio'n galed a chynilo.

Ma teuluoedd amaethyddol yn i chael hi'n lot gwell na'r gweddill ohonom ni o ran treth, os oes rhywun yn marw ag ynte yn dal i ffermio, ma na bosibilwydd o gael Tax Relief ar yr inheritance tax ar dir, adeiladau fferm, peiriannau a nwyddau ffermio. Ma na limit o £285,000(unrhyw werth uwchben hyn sy'n cael i drethu) i bawb o ran inheritance tax ond i bobol gyffredin does dim 'relief' ar gael i eiddo megis tir, tai neu adeiladau ma nhw'n berchen. Does dim 'relief' i gael chwaith i rhywun sy'n berchen fferm ac yn i rhentu, ma'n rhaid eich bod chi'n gweithio'r fferm eich hun.