Cadw'r Undod a Lloegr

[Chwadan]

"Balkanisation" yn air maleisus hefyd. 'Dw i ddim yn rhagweld hil-laddiad yn Falkirk diolch yn fawr.

Dyna'n union nes i feddwl hefyd. Ma na rywbeth calculating iawn am y defnydd o'r gair ac ma'n dangos (a) anwybodaeth (bwriadol) llwyr am hanes y Balkans, (b) pa mor isel y mae o'n fodlon mynd i gadw ei annwyl wlad yn sownd i Loegr a (c) ei fod o'n poeni am y sefyllfa os ydio'n fodlon defnyddio rhethreg maleisus mewn ffordd mor agored.

Siwr fod o'n difaru gadal i'r Jocs hurt 'na gal refferendwm nol ym 1997 rwan

[rooney]

Neith y Scots ddim gadael yr Undeb... bob hyn a hyn wneith nhw fygwth rhoi'r SNP fewn er mwyn denu mwy o arian o'r DU.

[Hogyn o Rachub]

Os felly mae'r Albanwyr cymaint o gachwrs a ffyliaid ag y mae'r Cymry. Ein problem mawr ni ydi bod 25% o'r bleidlais yng Nghymru yn dod o dros y ffin, a dyna 25% da mewn unrhyw refferendwm annibyniaeth yn pleidleisio YN ERBYN

[Griff-Waunfach]

Os am dorri'r undod a Lloegr... lle mae'r trethi am ddod o i ariannu'r holl swyddi sector cyhoeddus + budd-daliadau yng Nghymru?

Hen ddadl blinedig! Fely wyt ti'n dweud gwell i'r Alban a Chymru aros yn y sefyllfa sal yma? Wyt ti'n meddwl bod hi'n gwell i ni aros fel ry'n ni gyda rhai o ardaloedd tlota ewrop, nid yw'r sefyllfa'n rhu dda fel mae hi! Felly pam ddim annibyniaeth. Mi wyt ti yn defnyddio'r un 'scare tactics' a Gordon Brown, er mi wyt ti yn defnyddio economeg yn hytrach nag hanes diweddar.

Neith y Scots ddim gadael yr Undeb... bob hyn a hyn wneith nhw fygwth rhoi'r SNP fewn er mwyn denu mwy o arian o'r DU.

Felly mi wyt ti'n dweud bod y genedl cyfan wedi penderfynnu gwneud hyn, fel tacteg i cael mwy o arian o'r DU!? Cawson nhw cyfarfod i penderfynnu hyn, ne sefydlu pwyllgor gwnaethon nhw? For God Sake!

[Dylan]

erm, 'dydi'r SNP erioed wedi bod mewn sefyllfa tebyg i'r hyn mae nhw ynddi rwan o'r blaen. Mae gwir bosibilrwydd y bydden nhw'n rheoli'n Holyrood erbyn mis Mai. Os digwydd hynny, byddwn i'n synnu'n fawr pe na bai refferendwm ar annibynniaeth yn digwydd yn y dyfodol agos.

[Dylan]

Dylai pawb ad-leisio dadl Alex Salmond. Rhoddodd o Paxman hyd yn oed yn ei le unwaith efo rhywbeth tebyg i'r canlynol: "'dw i'n siwr bod Lloegr fach yn hen ddigon tebol o edrych ar ôl ei hun. Mae gen i bob ffydd ynoch chi, ac mi fyddwn ni yn eich cefnogi trwy gydol y ffordd."

dywedwch hwnna efo'r wen a'r llais mwya' neis-neis a fedrwch chi.

[Dili Minllyn]

Ymateb gweddol gael gan Cameron.

Yn diddorol, bues i'n darllen yn ddiweddar fel roedd Jim Callaghan yn gwbl agored am gadw gafael ar yr Alban gan fod mwyafrif Llafur yn dibynnu ar Aelodau Seneddol o'r wlad. Prin yw'r rhai sydd mor ddigywilydd o onest am y peth heddiw.

[Blewyn]

Os am dorri'r undod a Lloegr... lle mae'r trethi am ddod o i ariannu'r holl swyddi sector cyhoeddus + budd-daliadau yng Nghymru?

Oddiwrth yr incwm treth mawr fysa'n llifo oddiwrth y busnesau newydd yn symud i mewn i Gymru ar ol i'r llywodraeth ostwng costau busnes - ac wrth gwrs drwy dalu llai iddynt (y sector gyhoeddus, hy). Torri'r cot yn ol y brethyn ynte ?

[Griff-Waunfach]

Yn gwmws!

[Huw T]

Os am dorri'r undod a Lloegr... lle mae'r trethi am ddod o i ariannu'r holl swyddi sector cyhoeddus + budd-daliadau yng Nghymru?

Oddiwrth yr incwm treth mawr fysa'n llifo oddiwrth y busnesau newydd yn symud i mewn i Gymru ar ol i'r llywodraeth ostwng costau busnes - ac wrth gwrs drwy dalu llai iddynt (y sector gyhoeddus, hy). Torri'r cot yn ol y brethyn ynte ?

Sori Blewyn, ond dwi ddim yn deall dy ddadl di - ti'n son am ostwng costau busnes i gael cwmniau i symud mewn i Gymru, ond yn yr un frawddeg rwyt ti'n son am eu trethi nhw. Os wyt ti yn mynd i ostwng costau busnes, yna dwi ddim yn gweld fod gen ti lawer o sgop i'w trethi nhw (dwi ddim yn siwr, ond dwi'n credu ei bod hi'n gam eitha cyffredin i gynnig cynnifer o flynnyddoedd yn dreth-rydd i gwminau sy'n budsoddi). Mae hefyd yn wir fod polisiau llywodraeth Prydain ar y funud yn rai o'r rhai mwyaf ffafriol yn y byd tuag at fusnesau, felly dwi ddim yn gweld pa sgop fyddai gan Gymru annibynnol i ddenu mwy o fudsoddiad.

Ti hefyd yn son am dalu llai i'r sector gyhoeddus - gan gydnabod y byddai gwasanaethau Cymru yn derbyn llai o fudosddiad wedi torri'r undod a Lloegr. Dyw hyn ddim yn swnio fel trade off da i mi.

Fy mhrif broblem economaidd gyda torri'r undeb a Lloegr (neu Prydain) yw'r cwestiwn o 'comparative advantage'. Yr un diwydiant (ar y funud) lle mae gan Brydain fantais dros gystadleuwyr eraill yw'r diwydiant gwasanaethau ariannol. Mae'r manteision yma wedi ei ffurfio ar brofiad, gwybodaeth a hyfforddiant, yr iaith Saesneg, a lleoliad daearyddol (o ran timezones), ac wedi ei ganoli ar 'y ddinas' yn Llundain. Does gan Gaerdydd ddim i'w gymharu a hyn, felly rwy'n poeni beth sydd gan economi Cymru i'w gynnig i'r byd (ar werth fel petai) y tu hwnt i sector gynhyrchu fach (sy'n gorfodbrwydro'n ddyddiol i aros yn gystadleuol).