Jack Straw yn iawn i siarad erbyn gwisg menwod Mwslemaidd?

[huwwaters]

Ma Chavs sy'n gwisgo 'hoodies' wedi cael eu gwahardd gan ganolfannau siopa. Onid yw gwisgo 'hoodie' yn rhan o ddiwylliant gangsteraidd Americanaidd y plant ma?

Byse'r canolfannau siopa ma ddim yn mynd yn erbyn hawliau'r plant ma?

Beth am y motobeiciwr sy'n cerdded fewn i'r banc? Onid yw staff y banc yn mynd yn erbyn hawliau fo/hi am fod nhw angen i'r person dangos ei wyneb er lles diogelwch, ac yn yr ofn o lladrad?

Ia.

Wel?

Wel, mae gwahardd pobl rhag cuddio'u gwynebau wedi ei wneud yn erbyn rhai grwpiau o bobl. Felly pam ddim gwragedd sy'n dewis gwisgo veils?

[GT]

Dydan ni ddim yn siarad am yr un peth Huw. Ti'n son am fanciau yn gwahardd un math o wisg am resymau diogelwch, ac am ganolfanau hamdden yn gwahardd un math o bobl am resymau tebyg.

Mae Blewyn yn dadlau y dylai'r wladwriaeth ddeddfu yn erbyn gwisgo un math o wisg ar pob achlysur am (bellach) resymau iechyd a diogelwch - ond dydi o ddim yn ceisio dangos bod materion iechyd a diogelwch ynghlwm a gwisgo'r wisg honno.

[sanddef]

Nid yw cuddio ein gwynebau yn un o'n harferion, ond dydy hynny DDIM yn neud hi'n rhywbeth sy'n hanfodol o ddiwylliannol.

Mater o farn goddrychol yw hyn...a mi fydd rhaid i ni gytuno i anghytuno.

Dan ni EISOES arfer gweld merched yn cuddio eu gwynebau. Maen nhw wedi bod yma ers talwm.

Welais i erioed ferch yn gwisgo'r veil llawn ym Mhrydain, a digon prin yn gwisgo'r hijab. Mi adawais Prydain yn 2003.

Gellir eu gweld ar Stryd Fawr Bangor yn ddigon aml. Ymddengys dy fod wedi byw yng Nghefn Gwlad os nad wyt ti eu gweld byth o ddifrif.

Pwy a wyr beth sydd o dan y veil ? Chav, Muslima, bomiwr, lleidr ?

Nain? Mam? Merch?

Be ti ddim yn ddeall am y pwynt dwi'n neud uchod ?

Be' dw'i'n deall ydy dylai'r llywodraeth gwahardd i ferched guddio eu gwynebau, fel petai cuddio gwyneb yn arwydd o fod yn beryg i'r cyhoedd. Y pwnc dan sylw ydy datganiad Straw, sydd ddim yn ymwneud a diogelwch o gwbl.

[Blewyn]

Mae Blewyn yn dadlau y dylai'r wladwriaeth ddeddfu yn erbyn gwisgo un math o wisg

Na, dadlau ydw i o blaid i'r bobl Brydeinig wrthod ac ymwneud a unrhyw un sydd yn gorchuddio eu gwyneb. Dwi'n credu yn y rhyddid i orchuddio eich gwyneb, r'un faint a dwi'n credu yn y rhyddid i wrthod delio efo rhywun sydd ddim yn dangos eu gwyneb.

dydi o ddim yn ceisio dangos bod materion iechyd a diogelwch ynghlwm a gwisgo'r wisg honno.

Onid ydynt yn amlwg ? Beth am gyflogi athrawes er enghraifft - os ydy hi'n gorchuddio, sut all di fod yn siwr nad ydy'n gyrru ei chwaer i'r ysgol i ddysgu yn ei lle ambell ddydd ? Os angen perfformio check (gan ferch, wrth gwrs) ? Pa mor aml ? Bob dydd ? Bob awr ? Os ti eisiau enghreifftiau o ddynion yn gwisgo'r abaya/niqab er mwyn ennill mynediad i lefydd sydd i ferched neu deuluoedd yn unig yn y dwyrain canol, just googla'r papurau newyddion yma - mi weli o'n digwydd yn rheolaidd.

[Blewyn]

Gellir eu gweld ar Stryd Fawr Bangor yn ddigon aml. Ymddengys dy fod wedi byw yng Nghefn Gwlad os nad wyt ti eu gweld byth o ddifrif.

Mi glywais fod yna Libyans yn gweithio yn Ystbyty Gwynedd ond dim ond gorchuddio eu gwallt oeddynt, nid y gwyneb. Tawaeth, pan adawais Prydain r'oeddwn yn byw nepell o Norwich, so mi fyset yn disgwyl i mi fod wedi gweld merched wedi gorchuddio reit aml.

Be' dw'i'n deall ydy dylai'r llywodraeth gwahardd i ferched guddio eu gwynebau, fel petai cuddio gwyneb yn arwydd o fod yn beryg i'r cyhoedd.

Efallai fysa'n well petaet yn darllen be mae pobl yn sgwennu yn hytrach na dymchymgu be ti'n feddwl ella mae nhw'n ei feddwl.......

T'ydy gorchuddio'r gwyneb ddim yn arwydd o berygl na diogelwch na dim byd arall. Y pwynt ydy nad yw yn bosib adnabod pobl sy'n cuddio eu gwynebau. Oes gen ti unrhyw awgrym sut fedra ni ?

Y pwnc dan sylw ydy datganiad Straw, sydd ddim yn ymwneud a diogelwch o gwbl.

Digon gwir. Mae o'n codi pwynt diddorol nelo natur rhyddid. Be sy'n dod gyntaf - rhyddid rhywun i guddio eu gwyneb, ta rhyddid rhywun i weld gwyneb y person maent yn cyfathrebu gyda 'face to face', fel petae ? Hynny yw, ddylia fod yna orfodaeth ar bobl Brydeinig sy'n gweithio efo'r cyhoedd i ddelio a pobl sy'n gorchuddio eu gwynebau ? Ta s'gennyn nhw hawl i wrthod ? Be petae muslima yn mynd i'r banc i dynnu arian efo cerdyn pictiwr, ond yn cau dadorchuddio ?

[GT]

Na, dadlau ydw i o blaid i'r bobl Brydeinig wrthod ac ymwneud a unrhyw un sydd yn gorchuddio eu gwyneb. Dwi'n credu yn y rhyddid i orchuddio eich gwyneb, r'un faint a dwi'n credu yn y rhyddid i wrthod delio efo rhywun sydd ddim yn dangos eu gwyneb.

A, dwyt ti ddim yn dadlau yn erbyn deddfu felly, os 'dwi'n dy ddeall yn iawn, ond dadlau y dylai aelodau'r grwp rwyt yn ei ddiffinio fel y garfan yr wyt ti dy hun yn perthyn iddi (Prydeinwyr) wrthod cyfathrebu, neu wneud busnes gyda phobl sy'n gwisgo mewn ffordd nad yw wrth dy fodd.

Pum pwynt.

(1) Prydeinwyr ydi'r rhan fwyaf o'r merched sy'n gwisgo gorchudd ym Mhrydain.
(2) Mewn llawer o sefyllfaoedd byddai gwrthod ymwneud a phobl ar sail yr hyn maent yn ei wisgo yn anghyfreithlon ynddo'i hun. Er enghraifft byddai'n anghyfreithlon i weision sifil, gweithwyr post, athrawon ac ati beidio a delio gyda charfan o'r cyhoedd.
(3) Ni fyddai busnesau am i'w gweithwyr beidio a delio efo carfannau o'i cwsmeriaid.
(4) Yn nhyb llawer o bobl byddai esgymuno un carfan fach o bobl - sydd yn ymylol i'r gymdeithas ehangach yn afresymol ac yn greulon.
(5) Mae achos cymharol ddiweddar yn y Deyrnas Unedig o un gymuned yn ceisio dibrisio diwylliant cymuned arall trwy (ymysg pethau eraill) eu rhwystro rhag arddangos eu totems diwillyannol yn gyhoeddus. Yng Ngogledd Iwerddon oedd hynny, a chafwyd rhagor na chwarter canrif o dywallt gwaed yn strydoedd culion Belfast a chaeau gwyrdd Tyrone yn sgil hynny.

Onid ydynt yn amlwg ? Beth am gyflogi athrawes er enghraifft - os ydy hi'n gorchuddio, sut all di fod yn siwr nad ydy'n gyrru ei chwaer i'r ysgol i ddysgu yn ei lle ambell ddydd ? Os angen perfformio check (gan ferch, wrth gwrs) ? Pa mor aml ? Bob dydd ? Bob awr ? Os ti eisiau enghreifftiau o ddynion yn gwisgo'r abaya/niqab er mwyn ennill mynediad i lefydd sydd i ferched neu deuluoedd yn unig yn y dwyrain canol, just googla'r papurau newyddion yma - mi weli o'n digwydd yn rheolaidd.

Dwi'n meddwl fy mod yn ei gwneud yn hollol glir eisoes fy mod yn credu ei bod yn rhesymol i orfodi i bobl wisgo mewn ffordd addas yn eu man gwaith. Son ydw i am sut mae pobl yn gwisgo yn ystod eu hamser eu hunain.

[Blewyn]

A, dwyt ti ddim yn dadlau yn erbyn deddfu felly, os 'dwi'n dy ddeall yn iawn, ond dadlau y dylai aelodau'r grwp rwyt yn ei ddiffinio fel y garfan yr wyt ti dy hun yn perthyn iddi (Prydeinwyr) wrthod cyfathrebu, neu wneud busnes gyda phobl sy'n gwisgo mewn ffordd nad yw wrth dy fodd.

Dadlau y dylid fod gennynt y rhyddid i wrthod cyfathrebu a unigolion sy'n gwrthod dangos eu gwynebau.

Fuck's sakes ddyn ddim fi sy'n diffinio 'Prydeinwyr' - sbio ar dy basport a mi weli fod y peth yn ddiffiniad gyfreithiol benodol...

(1) Prydeinwyr ydi'r rhan fwyaf o'r merched sy'n gwisgo gorchudd ym Mhrydain.

So ?

(2) Mewn llawer o sefyllfaoedd byddai gwrthod ymwneud a phobl ar sail yr hyn maent yn ei wisgo yn anghyfreithlon ynddo'i hun. Er enghraifft byddai'n anghyfreithlon i weision sifil, gweithwyr post, athrawon ac ati beidio a delio gyda charfan o'r cyhoedd.

T'ydw i ddim yn credu fod hyn yn hollol gywir. Er enghraifft, os yw merch wedi ei gorchuddio yn dod i gasglu plentyn o'r ysgol, a bod yna athro yn gwarchod y plant, be mae o'n wneud ? Rhoi'r plentyn i'r merch heb wybod pwy ydy hi (achos ni welith ei gwyneb), ta gwrthod ?

(3) Ni fyddai busnesau am i'w gweithwyr beidio a delio efo carfannau o'i cwsmeriaid.

Dwi'n siwr - ond dadlaf innau fod hawl gan berson Prydeinig (os ydy nhw'n dewis) i fynnu gweld gwyneb y person maent yn delio gyda, ac os angen mi fydd rhaid gorfodi'r hawl hyn ar gyflowgwyr.

(4) Yn nhyb llawer o bobl byddai esgymuno un carfan fach o bobl - sydd yn ymylol i'r gymdeithas ehangach yn afresymol ac yn greulon.

Digon gwir - mi ddylia nhw gael y rhyddid i ddewis.

[GT]

Yn ddi amau rwyt yn gywir - mae gen ti pob hawl cyfreithiol i esgymuno, sarhau neu fwlio carfanau nad wyt yn eu hoffi.

Waeth i mi heb a dadlau efo ti os ydi dy fryd ar wneud hynny, rhyngot ti a dy bethau. Ond 'dwi yn ei ystyried yn ymddygiad anymunol, gwrthgymdeithasol ac anghymreig. Gobeithio bod dy gymdogion yn Oman yn gleniach efo ti, nag wyt ti am i ni fod efo nhw.

Gyda llaw, os wyt yn rhyddhau plant man ar derfyn dydd o ysgol, yr oll mae'n rhaid i ti ei wneud ydi sicrhau bod y person ti'n rhyddhau yn berson cymwys. Mae'n ddigon i sicrhau dy hun bod y ddynas sy'n dod i nol y plentyn yn debyg i'r un sy'n arfer dod a gofyn i'r plentyn - "Mam ydi honna?" Mae pob plentyn yn adnabod ei fam.

[Blewyn]

Yn ddi amau rwyt yn gywir - mae gen ti pob hawl cyfreithiol i esgymuno, sarhau neu fwlio carfanau nad wyt yn eu hoffi.

Ti'n adio dau a dau a gwneud pump GT - d'oes gen i ddim teimladau un ffordd neu llall am y garfan (gan dy fod yn mynnu trafod y peth fel petae yn ddadl rhwng carfannau cymdeithasol yn hytrach na dadl dros arfer o wisg) sy'n gorchuddio eu gwynebau. A deud y gwir mi fedraf gyfri'r nifer o weithiau dwi wedi siarad efo merch wedi'i gorchuddio ar un llaw - t'ydy nhw fel arfer ddim yn credu mewn siarad gyda dynion tu allan i'r teulu, neu heb reswm swyddogol (fel prynu nwyddau mewn siop). Mae'r wraig wedi siarad efo nhw droeon wrth gwrs, a phob un y ddigon clen chwedl hithau. So what ? Dwi dal ddim yn gweld pam ddylia pobl Prydain golli eu hawl i weld gwyneb person pan maent yn siarad yn berson-i-berson. Be nesa ? Bwytai 'teulu yn unig' fel Saudi Arabia ? Heddlu crefyddol a'r hawl i arestio muslimiaid yn unig ? Hawl i'r gwyr stido'u merched, o fewn cyfyngiadau eu crefydd ?

Heb son am wrthwynebiadau diwylliannol - beth am y cymhlethdodau ymarferol ? Sut i adnabod (yn yr ystyr 'identify') rhywun fel yr athrawes ? Ydy o'n iawn ei bod yn cerdded i mewn i'r ysgol heb neb yn gallu gweld pwy ydy hi ? Sut fedr y prifathro/athrawes fod yn siwr mai hi sydd yn y dosbarth drwy'r amser - yn hytrach na ei chwaer neu chyfnither ? Be am fanciau ? Ddylia nhw roi mynediad i bobl sy'n gorchuddio eu gwynebau ?

Ond 'dwi yn ei ystyried yn ymddygiad anymunol, gwrthgymdeithasol ac anghymreig. Gobeithio bod dy gymdogion yn Oman yn gleniach efo ti, nag wyt ti am i ni fod efo nhw.

Mae pobl Oman yn reit glen ar y mwyaf, a mi fyddwn yn falch i'w croesawu i Gymru, ac yn llawn mor ddiolchgar iddynt am ddangos parch i'm diwylliant innau yng Nghymru ac y mae nhw i mi yma.

[GT]

Dwi dal ddim yn gweld pam ddylia pobl Prydain golli eu hawl i weld gwyneb person pan maent yn siarad yn berson-i-berson

Blewyn - does gen ti ddim 'hawl' i weld wynebau merched - nag unrhyw ran arall o'u cyrff. Ar beth fyddai hawl o'r fath wedi ei seilio - cyfansoddiad anysgrifenedig y DU? Chlywais i erioed syniad mor rhyfedd.

Be nesa ? Bwytai 'teulu yn unig' fel Saudi Arabia ? Heddlu crefyddol a'r hawl i arestio muslimiaid yn unig ? Hawl i'r gwyr stido'u merched, o fewn cyfyngiadau eu crefydd ?

Creu dynion gwellt er mwyn eu chwalu 'dwi'n meddwl. Does yna neb yn dadlau tros drais yn erbyn merched, heddlu crefyddol na segrigeiddio wrth fwyta.

Heb son am wrthwynebiadau diwylliannol - beth am y cymhlethdodau ymarferol ? Sut i adnabod (yn yr ystyr 'identify') rhywun fel yr athrawes ? Ydy o'n iawn ei bod yn cerdded i mewn i'r ysgol heb neb yn gallu gweld pwy ydy hi ? Sut fedr y prifathro/athrawes fod yn siwr mai hi sydd yn y dosbarth drwy'r amser - yn hytrach na ei chwaer neu chyfnither ? Be am fanciau ? Ddylia nhw roi mynediad i bobl sy'n gorchuddio eu gwynebau ?

Alla i ddim deall pam dy fod yn codi ysgolion byth a hefyd a minnau wedi dadlau ynghynt yn yr edefyn na fyddai'n dderbyniol i athrawes neu gymhorthydd wisgo gorchudd.