Jack Straw yn iawn i siarad erbyn gwisg menwod Mwslemaidd?

[Horwth ap Ffrwchnedd]

Yn y ddadl yma dw i'n credu bod angen gwahaniaethu rhwng y cylch preifat a'r cylch cyhoeddus. Yn y cyd-destun hwn dw i'n defnyddio'r 'cylch cyhoeddus' i gyfeirio at faes y llywodraeth, yn yr ystyr ehangaf. Fel seciwlarydd, dw i ddim yn credu y dylai crefydd gael unrhyw ffafriaeth yn y cylch cyhoeddus. Dw i ddim y credu y dylai'r wladwriaeth ariannu ysgolion crefyddol. Dylai pob ysgol a ariennir gan y llywodraeth fod yn agored i bob plentyn a yw'n dod o gefndir crefyddol ai peidio. Os yw rhieni eisiau rhoi addysg grefyddol i'w plant cân nhw wneud hynny ar eu cost eu hunain ac yn eu hamser eu hunain. Mae ysgolion crefyddol yn rhannu cymdeithas ar seiliau afresymol.

Felly yn achos y fenyw a'r niqab yn yr ysgol, ysgol eglwys Loegr oedd yr ysgol, felly yn y lle cyntaf, dw i'n gwrthywnebu bod trethi pobl yn mynd i gynnal ysgol i sect grefyddol. Ond gan fod yr ysgol yn bodoli, ac yn cael ei chynnal gan arian cyhoeddus, mae'n gwbl briodol bod yr ysgol yn cael gosod telerau ac amodau gwaith rhesymol. Yn yr achos hwn lles y plant yw'r egwyddor bwysig, a chan fod cuddio wyneb yn rhwystr wrth gyfathrebu (beth bynnag yw'r rheswm am y cuddio) am fod elfennau all-ieithyddol yn cael eu mynegi gan yr wyneb, roedd yn gwbl briodol i'r ysgol ofyn iddi dynnu'r niqab wrth ddysgu. Mae'r ffaith bod y niqab yn rhan o'i chrefydd yn hollol amherthnasol.

Hwyrach mod i'n credu yn y 'sêr', ac mae'r 'sêr' yn dweud wrtho i y dylwn i fynd i'r gwaith â mwgwd Tony Blair ar fy wyneb, a minnau'n gweithio fel nyrs mewn ysbyty. Ddylwn i ddisgwyl i bawb ddweud, 'O chware teg, dyna yw ei grefydd e. Mae'n rhan o'i hunanieth e, rhaid i ni ei barchu'.? Go brin. Rhaid cofio bod merched yn enwedig yn dioddef o hyd oherwydd syniadau crefyddol dynion. Mewn cymdeithas wareiddieidig rhaid inni gytbwyso rhyddid crefyddol yn erbyn hawliau dynol. O'm rhan i caiff pobl credu bod y lleuad yn gaws, a felly yn 'sanctaidd' heb ymyrraeth gan y wladawriaeth, ond cyn gynted ag maen nhw'n gweithredu ar sail y gred honno e.e. drwy ladd pobl sy'n bwyta brechdanau caws (am fod hynny gyfystyr â duw-laddiad), mae'n rhaid dweud 'stop!'

Dw i'n byw mewn tref lle dw i'n gweld merched yn gwisgo'r holl amrediad o hijabs, niqabs a burkas bob dydd. Dw i'n gofyn i fy hyn i ba raddau maen nhw'n gwneud hynny o ddewis, ond chaf i ddim gwybod yr ateb, ac os ydyn nhw'n gwneud hynny o ddewis, dylai fod rhyddid iddyn nhw wneud hynny. Dw i'n gwisgo hwd weithiau. Ond petai un o'r merched hyn yn feddyg NHS, ac fy mod i'n mynd i'w gweld, byddwn yn disgwyl iddi dynnu'r niqab neu'r burka er mwyn siarad â fi achos mae fy hawl i fel claf yn bwysicach na'i hawl hi i wisgo dilledyn arbennig.

[Blewyn]

Blewyn - does gen ti ddim 'hawl' i weld wynebau merched - nag unrhyw ran arall o'u cyrff. Ar beth fyddai hawl o'r fath wedi ei seilio - cyfansoddiad anysgrifenedig y DU?

Digon gwir - d'oes gan deiliad Prydeinig ddim y fath hawl, cyn belled a dwi'n gwybod. Yr ystyr ddyliwn fod wedi gyfleu yw 'arferiad diwylliannol'. Mae pob cymdeithas neu wlad yn ymddwyn mewn ffyrdd gwahanol, a mae ganddynt holl arferion a rheolau, a chyfyngiadau gwahanol ar ymddygiad ag arfer. Fy marn i fel democrat yw y dylia'r arfer o siarad wyneb-yn-wyneb fod yn arfer y gellid ei hawlio yn Mhrydain, i'r ystent y gall unrhyw un sy'n delio a'r cyhoedd wrthod gwneud onibai fod yr aelod o'r cyhoedd yn dadorchuddio eu gwyneb, heb unrhyw ymyrraeth o'u cyflogwyr.

Be nesa ? Bwytai 'teulu yn unig' fel Saudi Arabia ? Heddlu crefyddol a'r hawl i arestio muslimiaid yn unig ? Hawl i'r gwyr stido'u merched, o fewn cyfyngiadau eu crefydd ?

Creu dynion gwellt er mwyn eu chwalu 'dwi'n meddwl. Does yna neb yn dadlau tros drais yn erbyn merched, heddlu crefyddol na segrigeiddio wrth fwyta.

Mae'r MCB wedi ceisio sefydlu'r hawl i lywodraethu eu haelodaeth ar sail cyfraith islamaidd yn barod.....a rwan maent yn dadlau dros 'faith identity' er mwyn gwahanu'r cyhoedd ar sail crefydd.......

http://www.mcb.org.uk

[sanddef]

Be' dw'i'n deall ydy dylai'r llywodraeth gwahardd i ferched guddio eu gwynebau, fel petai cuddio gwyneb yn arwydd o fod yn beryg i'r cyhoedd.

Efallai fysa'n well petaet yn darllen be mae pobl yn sgwennu yn hytrach na dymchymgu be ti'n feddwl ella mae nhw'n ei feddwl.......

Cheeky

T'ydy gorchuddio'r gwyneb ddim yn arwydd o berygl na diogelwch na dim byd arall. Y pwynt ydy nad yw yn bosib adnabod pobl sy'n cuddio eu gwynebau. Oes gen ti unrhyw awgrym sut fedra ni ?

Mae'n ddigon syml. Rhaid datguddio gwyneb i gael eich adnabod ar gyfer pethau swyddogol fel pawb arall. Ond ni ellir gofyn i'r merched dan sylw ddatguddio eu hwynebau fel arall.

Y pwnc dan sylw ydy datganiad Straw, sydd ddim yn ymwneud a diogelwch o gwbl.

Digon gwir. Mae o'n codi pwynt diddorol nelo natur rhyddid. Be sy'n dod gyntaf - rhyddid rhywun i guddio eu gwyneb, ta rhyddid rhywun i weld gwyneb y person maent yn cyfathrebu gyda 'face to face', fel petae ? Hynny yw, ddylia fod yna orfodaeth ar bobl Brydeinig sy'n gweithio efo'r cyhoedd i ddelio a pobl sy'n gorchuddio eu gwynebau ? Ta s'gennyn nhw hawl i wrthod ? Be petae muslima yn mynd i'r banc i dynnu arian efo cerdyn pictiwr, ond yn cau dadorchuddio ?

Nid yw beth mae pobl arall yn ei wisgo yn amharu ar ein rhyddid personol ni

[Blewyn]

Mae'n ddigon syml. Rhaid datguddio gwyneb i gael eich adnabod ar gyfer pethau swyddogol fel pawb arall. Ond ni ellir gofyn i'r merched dan sylw ddatguddio eu hwynebau fel arall.

Cytuno.

Nid yw beth mae pobl arall yn ei wisgo yn amharu ar ein rhyddid personol ni

Anghytuno. Beth petaet yn gweini mewn siop, a cwsmer dod i'r cownter yn gwisgo crys-T yn dweud "Behead the Welsh", neu "Fuck You", neu "Hitler was Right" ? Faset ti o fewn dy hawl i wrthos ei weini ?

[sanddef]

Nid yw beth mae pobl arall yn ei wisgo yn amharu ar ein rhyddid personol ni

Anghytuno. Beth petaet yn gweini mewn siop, a cwsmer dod i'r cownter yn gwisgo crys-T yn dweud "Behead the Welsh", neu "Fuck You", neu "Hitler was Right" ? Faset ti o fewn dy hawl i wrthos ei weini ?

Dan ni ddim yn siarad am grysau-T

[Blewyn]

Dim gwahaniaeth. Mae caniatau i rhywun ddod i'r gwaith neu fynd i fewn i adeilad gyhoeddus a'u gwyneb wedi gorchuddio yn golygu mynnu fod pobl yn ymdrin a nhw heb allu gweld eu gwyneb. Ym Mhrydain, i mi, t'ydy hyn ddim yn dderbyniol. Mae'na bob mathau o broblemau sy'n codi o hyn - er enghraifft, mewn achos yr athrawes, sut fysa rhywun yn siwr mai hi oedd yn dod i'r ysgol bob dydd - nid ei chwaer weithiau ? Beth petae merch wedi ei gorchuddio yn dod i siop fideo - sut fedri di fod yn siwr mai nid rhyw ferch arall wedi dwyn y cerdyn aelodaeth yw hi ? ayyb ayyb ayyb

[sanddef]

mewn achos yr athrawes, sut fysa rhywun yn siwr mai hi oedd yn dod i'r ysgol bob dydd - nid ei chwaer weithiau ?

Dylwn ni wahardd gefeilliaid hefyd felly?
Mae dy ddadl yn debyg i gi sy'n hel ei gynffon ei hun.

[Tegwared ap Seion]

Ond mae'n llawer haws cuddio (yn ffisegol ac yn emosiynol) tu ôl i len.

[Hen Rech Flin]

Mae fy mhlant i megis ceriwbiaid, fel sydd i'w disgwyl o ystytried pwy ydyw eu tad.

Er mor annwyl a phur ydynt, maent yn cael eu gwahardd rhag ymweld a Chanolfan Victoria Llandudno os orchyddiant eu pennau trwy wisgo yr unig dillad ar gyfer eu hoedran sy'n cael eu gwerthu yng Nghanolfan Victoria.

Mi fûm yn chwilio am ddillad parch ar eu cyfer ar gyfer angladd teuluol yn niweddar. Trwsys ysgol a hwdi du oedd yr agosaf peth oedd ar gael.

Sut mae modd imi fagu fy mhlant i barchu eraill pan welant fod eraill yn cael gwisgo sgarff, het, gorchudd wyneb ac ati, ar sail tegwch crefyddol, yng Nghanolfan Victoria ond bod gwisgo'r dillad a brynwyd iddynt, yno, ar gyfer angladd Cristionogol Hen Ddodo yn eu collfarnu hwy fel hwliganiaid?

[Blewyn]

mewn achos yr athrawes, sut fysa rhywun yn siwr mai hi oedd yn dod i'r ysgol bob dydd - nid ei chwaer weithiau ?

Dylwn ni wahardd gefeilliaid hefyd felly?
Mae dy ddadl yn debyg i gi sy'n hel ei gynffon ei hun.

Fuck sakes ddyn mae posib dweud y gwahaniaeth rhwng efeilliaid ran amlaf, a nifer isel iawn sydd ohonynt, a duda fod un efaill yn cyflwyno trosedd faint o bobl sydd rhaid i'r cops ddewis rhyngddynt i ddal y troseddwr ?

Mae mynnu gael gwisgo'r llen gwyneb ym Mhrydain yn golygu mynnu fod pobl Prydain yn newid eu sustem er mwyn ymgymhwyso a'r arferiad. Felly, mae'r cyfrifoldeb ar y rhai sydd o blaid y hawl yma i ddangos sut fedrwn eu hymgymhwyso heb golli'r gallu i adbnabod y rhai sy'n gwisgo llen.