Adnewyddu Trident

gan **Huw T** » Mer 29 Tach 2006 5:20 pm

Mae Tony Blair wedi gofyn am 'drafodaeth genedlaethol' ar y mater. Felly, trafoder.

Mae'r erthygl isod yn gyflwyniad da

http://news.bbc.co.uk/1/hi/uk_politics/4805768.stm

gan **Rhods** » Iau 30 Tach 2006 11:11 am

O blaid - dyna beth yw'r peth cyfrifol i'w neud.

gan **huwwaters** » Iau 30 Tach 2006 12:38 pm

Rhods a ddywedodd:O blaid - dyna beth yw'r peth cyfrifol i'w neud.

Cyfrifol?

Os ma'r DU efo arfau niwclear yna mae'n rhoi rheswm i bobl erill ceisio cael rhai. Paid disgwyl i neb fel Iran na Gogledd Korea gwrando ar pobl fel yr UDA a Phrydain yn deud "na, chi'm yn cael bod efo nhw". Do as I say and not as I do.

gan **Meiji Tomimoto** » Iau 30 Tach 2006 1:04 pm

O.K, elli di esbonio sut mae o'n beth cyfrifol i neud Rhods? Tydi'r rhyfel oer ddim yn rwbath nes i astudio yn ysgol. Oedd yr 80au yn gyfnod ofnus iawn i fi fel plentyn.
Os mai "deterrent" ydi pwrpas arfau niwcliar, pam bod bynceri niwcliar dal i fod ar hyd a lled y wlad yma.
At bwy fasa ti isho saethu un fellu?

gan **Macsen** » Iau 30 Tach 2006 2:08 pm

Beth am adeiladu 'Doomsday Device' gyda Balthorium G fel yn y ffilm Dr Strangelove, fel arf ataliol i ryfel niwclear?

gan **Rhods** » Iau 30 Tach 2006 2:08 pm

Ga i ofyn cwestiwn i ti Meiji -

Sa'r deteerant niwclaer ddim di bod yna dros y 60 mlynedd diwetha, a gyda'r perthynas gyda UDA a Rwsia fel yr oedd - wyt ti yn meddwl bydde 3ydd rhyfel byd di digwydd ?? Ie neu Na (a bydd yn hollol onest nawr)

I ateb dy gwestiwn di ac un Huw - mae'n beth cyfrifiol i gadw'r deterant achos nag i ni yn gwbod be sydd yn mynd i ddigwydd yny dyfodol - a ma ishe'r deternant arno ni - jyst rhag ofn, Fi yn bersonnol yn teimlo yn llawer saffach da hynny.

gan **Dan Dean** » Iau 30 Tach 2006 2:21 pm

Rhods a ddywedodd:O blaid - dyna beth yw'r peth cyfrifol i'w neud.

Cyfrifol!! :lol:

Sgin i ddim syniad be sydd yn gyfrifol am wario o leia £15,000,000,000 ar rhywbeth dibwrpas sydd yn mynd i wneud gwledydd eraill feddwl "hmmm os di Prydain efo un o rheini ella dyla ni gael un hefyd" (rhai yn amcangyfrif hyd at £75,000,000,000). Cyfrifol buasai gwario'r arian ar rhywbeth sydd yn mynd i wneud ein bywydau yn well a hefyd annog pob gwlad yn y byd stopio adeiladu pethau sydd gyda un pwrpas yn unig - dinistr llwyr.

Rhods a ddywedodd:Ga i ofyn cwestiwn i ti Meiji -

Sa'r deteerant niwclaer ddim di bod yna dros y 60 mlynedd diwetha, a gyda'r perthynas gyda UDA a Rwsia fel yr oedd - wyt ti yn meddwl bydde 3ydd rhyfel byd di digwydd ?? Ie neu Na (a bydd yn hollol onest nawr)

I ateb dy gwestiwn di ac un Huw - mae'n beth cyfrifiol i gadw'r deterant achos nag i ni yn gwbod be sydd yn mynd i ddigwydd yny dyfodol - a ma ishe'r deternant arno ni - jyst rhag ofn, Fi yn bersonnol yn teimlo yn llawer saffach da hynny.

Dim os oes na deterant neu beidio ydi'r pwynt. Y ffaith ydi mae na ormod o arfau niwcliar yma fel y mae, hen ddigon i ddeterant, a ni elli di gyfiawnhau gwario gymynt o arian na hynnu ar wella'r system.

gan **Macsen** » Iau 30 Tach 2006 3:11 pm

Rhods, petai Trident ddim yno fyddai gan Brydain dal llwyth o arfau niwclear. Mae Trident yn gasgliad o arfau niwclear mewn llongau danfor, fel bod modd lansio'r arfau o leoliadau strategol yn y môr. Felly petai Prydain yn colli Trident fyddai fo'm yn ddi-amddiffyn.

gan **Meiji Tomimoto** » Iau 30 Tach 2006 5:47 pm

Rhods a ddywedodd:Ga i ofyn cwestiwn i ti Meiji -

Sa'r deteerant niwclaer ddim di bod yna dros y 60 mlynedd diwetha, a gyda'r perthynas gyda UDA a Rwsia fel yr oedd - wyt ti yn meddwl bydde 3ydd rhyfel byd di digwydd ?? Ie neu Na (a bydd yn hollol onest nawr)

Fuodd o bron digwydd sawl gwaith eniwe, a hynnu'n defnyddio taflegrau niwcliar. Ffor ffycs sec oedd 'na 2nd rate actor cowboi efo'i fys ar y botwm. oedd yr arfau yn cyflyru tensiynnau. Dyna ydi "arms race" ynde?
cael a chael ydi hi bod ni dal yma yn fy marn i. fellu dwi'm yn atab a na b.

Ti dal heb atab fi though rhods, pwy genedl wyt ti isho ei ddileu o wynab y blaned yma fellu?

gan **Dili Minllyn** » Iau 30 Tach 2006 8:38 pm

Mi welais i longau tanfor niwclear Prydain gwpl o weithiau, yn llechu yn aber Afon Clyd, a finnau ar daith i'r Alban, a dyna'r peth mwyaf brawychus welais i erioed. Mae'n hen bryd cael gwared ar Trident, a hynny heb wastraffu miliynau ar system fwy dieflig fyth i gymryd ei le.

Yn ogystal â bod yn anfoesol, mae arfau niwclear yn filwrol ddibwrpas, gan allwn ni byth eu defnyddio. Fyddai neb yn meiddio eu defnyddio yn erbyn gwlad heb arfau niwclear, a tasen ni'n mentro eu defnyddio yn erbyn gwlad a chanddi arfau niwclear, basen ni'n dwyn dinistr sicr ar eu pennau. Dyfynnaf y diweddar Enoch Powell, hen filwr oedd yn gwybod digon am ryfel. Soniodd e yn Nhŷ'r Cyffredin yn 1983 am bosibilrwydd ymosod niwclear gan yr Undeb Sofietaidd ar Brydain:

Enoch Powell a ddywedodd:What would the United Kingdom do? Would it discharge Polaris or Trident or whatever against the main centres of population of the Continent of Europe or European Russia? If so, what would be the consequence? The consequence would not be that we should survive, that we would repel our antagonist – nor would it be that we should escape defeat. The consequence would be that we would make certain, as far as is humanly possible, the virtual destruction and elimination of the hope of the future in these islands...I would much rather that the power to use [nuclear weapons] was not in the hands of any individual in this country at all.

Ac er gwaetha'r holl sôn trwy'r blynyddoedd am "amddiffyniad niwclear annibynnol" Prydain, dyw Trident ddim yn annibynnol o gwbl: mae'r taflegrau'n gwbl ddibynnol ar loerenni America i'w tywys at eu targedau. Felly, chaiff Prydain ddim o'u defnyddio nhw heb ganiatâd y Tŷ Gwyn, 'ta waeth.

Adnewyddu Trident

A ddylai Prydain ddatblygu taflegrau newydd i gymryd lle Trident?

Adnewyddu Trident

Pwy sydd ar-lein