A ddylid cyfreithloni puteindra?

gan **S.W.** » Maw 12 Rhag 2006 3:49 pm

Dwi'n credu y dylid cyfreithloni puteindra mewn puteindai yn unig. Bydd hyn yn golgu bod modd i'r awdurdodau gadw mwy o reolaeth dros be sy'n digwydd ynddynt a chynnig cymorth i unrhyw rhai sydd angen y cymorth e.e. gyda chyffuriau ac ati. Trwy ganiatau puteindai gellid felly cael gwared o'r 'angen' i fod allan ar strydoedd tywyll a rhoi eu hunain mewn risg.

gan **ceribethlem** » Maw 12 Rhag 2006 4:11 pm

S.W. a ddywedodd:Dwi'n credu y dylid cyfreithloni puteindra mewn puteindai yn unig. Bydd hyn yn golgu bod modd i'r awdurdodau gadw mwy o reolaeth dros be sy'n digwydd ynddynt a chynnig cymorth i unrhyw rhai sydd angen y cymorth e.e. gyda chyffuriau ac ati. Trwy ganiatau puteindai gellid felly cael gwared o'r 'angen' i fod allan ar strydoedd tywyll a rhoi eu hunain mewn risg.

Cytuno, mae'n ffordd o sicrhau diogelwch o ran pobl treisgar a heintiau.

gan **Positif80** » Maw 12 Rhag 2006 4:14 pm

Dwi'm isio bod yn gas, ond mae llofrudd yn rhydd ar strydoedd Ispwich a mae dal ambell i ferch dwl yn gweithio ar y strydoedd. Yn amlwg dydyn nhw ddim yn haeddu cael eu lladd, ond mae gweithio ar adeg fel hyn yn gofyn am drafferth.

gan **Ray Diota** » Maw 12 Rhag 2006 4:55 pm

Positif80 a ddywedodd:Dwi'm isio bod yn gas, ond mae llofrudd yn rhydd ar strydoedd Ispwich a mae dal ambell i ferch dwl yn gweithio ar y strydoedd. Yn amlwg dydyn nhw ddim yn haeddu cael eu lladd, ond mae gweithio ar adeg fel hyn yn gofyn am drafferth.

Ti'n swnio fel bo ti'n siarad o brofiad...

... edefyn digon dibwynt a doji yw hwn ar y foment onide?

gan **S.W.** » Maw 12 Rhag 2006 5:02 pm

2 gorff arall wedi eu darganfod.

gan **Socsan** » Maw 12 Rhag 2006 5:04 pm

Ray Diota a ddywedodd:... edefyn digon dibwynt a doji yw hwn ar y foment onide?

Ia ella dy fod di'n iawn a deud y gwir, dim yr adeg gora i fod yn trafod pros a cons puteindra ayyb. Gobeithio mai'r ddwy yma fydd yr ola rwan.

gan **Barbarella** » Maw 12 Rhag 2006 6:45 pm

[ Wedi newid teitl yr edefyn i adlewyrchu pwnc y drafodaeth yn well. Wela'i ddim o'i le ar drafod y cwestiwn yna mewn ffordd cyffredinol, ond sdim angen mynd i fanylion am yr achos penodol yn Ipswich ]

gan **Positif80** » Maw 12 Rhag 2006 7:42 pm

Ray Diota a ddywedodd:Ti'n swnio fel bo ti'n siarad o brofiad...

... edefyn digon dibwynt a doji yw hwn ar y foment onide?

Shit! Rymbled!

Jest codi trafodaeth ynglyn a phwnc oedd yn perthyn i'r achos yma. Basa'r peth ond yn "doji" (ai fo oedd ffrind Mr Miagi yn Karate Kid 3?) taswn i neu rywun arall yn gweund jociau cas neu enwi rywun fel y llofrydd neu rywbeth.

Trafod rywbeth ehangach o fewn cyd-destun stori newyddion pwysig cyfamserol.

Shit!Wnes i bron swnio'n gall yn fanna rwan.

gan **Dili Minllyn** » Maw 12 Rhag 2006 8:50 pm

Ray Diota a ddywedodd:Edefyn digon dibwynt a doji yw hwn ar y foment onide?

Dim o gwbl. Trafodaeth berthnasol iawn. Mae yna gryn le i ddadlau, tasai punteiniaid yn gweithio mewn puteindai dan drwydded, a'r fath lefydd yn cael eu harchwilio gan yr awdurdodau'n rheolaidd, a'r staff yn cael eu gweld gan feddygon yr un mor rheolaidd; yna y byddai gweithio fel putain - gwaith sy'n sicr o fynd ymlaen beth bynnag yw'r gyfraith - yn llai peryglus o dipyn.

gan **Mali** » Maw 12 Rhag 2006 10:34 pm

Dili Minllyn a ddywedodd:
Ray Diota a ddywedodd:Edefyn digon dibwynt a doji yw hwn ar y foment onide?

Dim o gwbl. Trafodaeth berthnasol iawn. Mae yna gryn le i ddadlau, tasai punteiniaid yn gweithio mewn puteindai dan drwydded, a'r fath lefydd yn cael eu harchwilio gan yr awdurdodau'n rheolaidd, a'r staff yn cael eu gweld gan feddygon yr un mor rheolaidd; yna y byddai gweithio fel putain - gwaith sy'n sicr o fynd ymlaen beth bynnag yw'r gyfraith - yn llai peryglus o dipyn.

Dwi'n cytuno efo ti Dili.
Mae achos Robert Pickton , y ffermwr moch , ar fin cychwyn yn Vancouver mis nesaf. Mae'n cael ei gyhuddo o ladd oleiaf 26 o ferched o'r Eastside ...y rhan fwyaf ohonynt yn buteiniaid. Mae'n achos drist iawn i'r teuluoedd.
Fel mae pethau ar hyn o bryd , mae puteiniaid yn fwy agored i drais ofnadwy oherwydd eu bod yn gweithio o'r stryd.

A ddylid cyfreithloni puteindra?

Pwy sydd ar-lein