A ddylid cyfreithloni puteindra?

[Positif80]

Yn dilyn llofruddiaethau tair ddynes yn Ipswich, fasa cyfreithloni putaniaeth (hynna'r 'di'r term cywir?) yn rhwystrio psychos rhag lladd y rhai sy'n gwneud y gwaith yma?

[Geraint]

Sut fasa cyfreithloni nhw'n neud gwahaniaeth?

[Gwahanglwyf Dros Grist]

Yn dilyn llofruddiaethau tair ddynes yn Ipswich, fasa cyfreithloni putaniaeth (hynna'r 'di'r term cywir?) yn rhwystrio psychos rhag lladd y rhai sy'n gwneud y gwaith yma?

Beth yw rhesymeg y person dros lofruddio'r puteiniaid? Nes y byddwn ni'n gwybod hynna, does dim modd dweud y naill ffordd neu'r llall, hyd yn oed os yw hyn yn gam dilys i'w gymryd.

[Dielw]

Ces dio de

[Positif80]

Sut fasa cyfreithloni nhw'n neud gwahaniaeth?

Yn fy marn i, dylai'r peth ddim digwydd o gwbl, ond mae'n siwr dydi hynna ddim yn realistig iawn. Jest meddwl am y peth oeddwn i, i ddweud y gwir. Cael ryw fath o regulation ar y peth, fel bod y merched yma ddim yn gweithio mewn amgylchiadau tywyll, peryglus lle mae'n haws i rywun fel y dyn/dynion a wnaeth ddim yn cael amser mor hawdd o ladd merched.

Dwi'm yn hoff iawn o'r cymhariaethau mae'r cyfryngau yn gwneud gyda Peter Sutcliffe, gan taw "sexual predator" oedd o, a rywbeth gwahanol (ond yr un mor ddrwg) ydi'r boi yma. Jest gobeithio bod y dyn yma ddim yn cael yr un bodycount a gafodd Sutcliffe.

[ceribethlem]

Yn dilyn llofruddiaethau tair ddynes yn Ipswich, fasa cyfreithloni putaniaeth (hynna'r 'di'r term cywir?) yn rhwystrio psychos rhag lladd y rhai sy'n gwneud y gwaith yma?

Fi wedi dweud ers tro fod cyfreithlonni puteiniaid yn syniad da. Fi ddim yn gwybod faint o wahaniaeth y byddai'n gwneud yn yr achos yma, ond mae llawer o buteiniaid yn gallu mynd mewn i drwbwl gyda phobl treisgar a gyda chyffuriau. Bydden i ddim yn credu dylid gwneud hyn fel rhyw fath o knee-jerk reaction i'r llofruddiaethau diweddaraf, ond mae'n rhywbeth y dylid trafod pan fod pobl yn gallu meddwl mewn ffordd call heb fod emosiynau yn cymylu'r drafodaeth.

[Socsan]

Dwina hefyd o blaid cyfreithloni y peth, wedi'r cwbwl mae puteinio yn rywbeth sydd wedi bod yn mynd mlaen ers erioed ("the oldest profession" etc). Mi wneith o gario mlaen dim ots beth mae'r llywodraeth yn ei wneud beth bynnag, felly waeth iddo gael ei gyfreithloni ddim fel fod y genethod ma (a rhai bechgyn) yn cael gweithio mewn amgylchiadau llai peryglus, ac hefyd fel fod y llywodraeth yn medru cael tacs a ballu gynno nhw...

Os unrywun yn gwybod os ydio'n wir fod y ddwy ferch gynta heb gael eu treisio neu eu assultio mewn unryw ffordd rywiol? Ella mai fi sydd wedi camddeallt, ond os ydi o'n wir, mae o'n fy nharo i fel rhywbeth mwy sinistr fyth mewn ffordd.

[Huw T]

Gan roi'r achos presennol i'r naill ochr am funud, nage'r peth pwysicaf y dylai'r llywodraeth fod yn anelu ato yw gwella amodau byw rhan dlotaf cymdeithas fel na fydd neb yn y sefyllfa lle bydd yn rhaid iddyn nhw droi at buteindra?

I fi, bydde cyfreithloni puteindra yn 'tacit admission' gan y llywodraeth na allan nhw newid amodau byw pobl.

[Positif80]

Os unrywun yn gwybod os ydio'n wir fod y ddwy ferch gynta heb gael eu treisio neu eu assultio mewn unryw ffordd rywiol? Ella mai fi sydd wedi camddeallt, ond os ydi o'n wir, mae o'n fy nharo i fel rhywbeth mwy sinistr fyth mewn ffordd.

O beth dwi wedi darllen, lladd oedd y bwriad mwy na dim byd arall. doedd doedd dim arwyddion bod y merched wedi'u treisio; ond eto efalla bod y dyn wedi cael rhyw, eu talu nhw a wedyn eu lladd.

Dyna beth sy'n gwneud y peth yn wahanol i Sutcliffe, gan roedd ganddo trwsus treisio arbennig (I kid you not) wedi'i gwneud o hen grys ar gyfer ei weithredoedd

Dwi'n dechrau poeni braidd, achos mae achosion fel hwn a Jac Ddy Rippar yn ddiddorol i mi. Rhy morbid o lawer!

[Socsan]

Gan roi'r achos presennol i'r naill ochr am funud, nage'r peth pwysicaf y dylai'r llywodraeth fod yn anelu ato yw gwella amodau byw rhan dlotaf cymdeithas fel na fydd neb yn y sefyllfa lle bydd yn rhaid iddyn nhw droi at buteindra?

I fi, bydde cyfreithloni puteindra yn 'tacit admission' gan y llywodraeth na allan nhw newid amodau byw pobl.

Ond mae dweud hynna yn cymryd yn ganiataol nad oes marchnad ar gyfer y math yma o beth. Dwi'n cydnabod fod y rhan helaeth o ferched sy'n gwneud y gwaith yma yn ei wneud am fod dim llawer o opsiynnau eraill ar gael iddyn nhw, ond ti'n wir yn meddwl fod ffordd i roi stop ar buteindra am byth? Mae yna wastad ddynion sydd yn fodlon talu am ryw. Os fysa na "national shortage" o buteiniaid (maddeuwch i mi am swnio mor dwp), fysa dynion jyst yn fodlon talu mwy am ryw. Fysa na wastad rywun sy'n mynd i fod yn fodlon gwneud hyn a derbyn yr arian.