Chwyddiant a Graddau Llog

gan **Mr Gasyth** » Maw 16 Ion 2007 10:32 am

Mae chwynniant ar ei lefel ucha ers 1996, a'r RPI yn uwch nag y bu ers 1991 gan olygu fod chwyddiant yn debyg o godi eto wrth i gyflogau godi. Beryg iawn fis nesa bydd rhaid i Lywodraethwr Banc Lloegr sgwennu llythyr at y Canghellor i egluro pam ei fod wedi methu a chadw chwyddiant i lawr.

Mae cyfraddau llog wedi codi ddwywaith yn ddiweddar mewn ymdrech i arafu hyn. Yn amlwg weithiodd y cynta ddim, mater o amser os yw'r codiad fis yma yn mynd i gael effaith.

Ai dyma'r awrdyddion cynta fod y cyfnod o dwf economaidd graddol dros y ddeng i bymtheg mlynedd ddiwethaf mewn peryg? Fod yr economi, wedi ei harwain gan y farchnad dai, yn gor-boethi a fod y boom am droi yn bust. Gyda cymaint wedi benthyca hyd at eithaf ei gallu, fyddai ddim rhaid i gyfraddau llog godi rhyw lawer cyn fod nifer yn methu ar eu ad-daliadau.

A fydd Gordom brown yn dod yn Brif Weinidog jest fel mae'r economi mae wedi bod yn gyfrifol amdani am ddeng mlynedd yn mynd ar chwal?

gan **Nanog** » Maw 16 Ion 2007 9:53 pm

Mae cyfraddau llog wedi bod ar lefel na welwyd eu tebyg ers 40 o flynyddoedd. Mae hyn wrth gwrs yn golygu nad hyn yw'r norm. Mae'r Blaid Lafur yn hoffi son am hyn fel rhywbeth mae nhw wedi bod yn gyfrifol amdano ond y gwir yw, fod yr un peth yn bodoli mewn nifer o lefydd ar draws y byd....o Siapan i Ewrop. Mae China wedi bod yn rhannol gyfrifol wrth llifo'r farchnad gyda pethau rhad. Wrth gwrs, gan fod chwyddiant wedi bod yn isel, mae'r cyfraddau llog hefyd. Mae nhw'n defnyddio cyfraddau llog i ymladd chwyddiant ond yw nhw....Gan fod cyfraddau llog mor isel, a digon o arian chep yn hedfan o biti'r lle, mae lot fawr o bobl wedi benthyg a benthyg. Benthyg gormod i brynnu ty. Llawer o'r rhai sydd gyda tai wedi ail forgeisio er mwyn byw'r bywyd bras gan feddwl taw dim on lan yr eith prisie tai ac yn isel y bydd cyfradde llog yn aros. Ond os yw pethau yn mynd i fod fel mae nhw wedi bod yn hanesyddol, mi fydd prisiau tai yn cwympo ar ol cymaint o godiad (boom). Yr cyfartaledd yw 3% bob blwyddyn.....ond faint mae prisiau tai wedi codi yn y blynydde diwetha....dwbli mewn tua pedai blynedd?

Mi wnaeth Gordon Brown chwarae o biti gyda'r ffigyrau. Yn old bob tebyg mae e wedi tynnu prisiau tai oddi wrth y mesur chwyddiant sef yr RPI dwi'n meddwl. Felly, mae chwyddiant lot yn uchelach 'na beth mae'r gwalch yn dweud wrthym. Bydd rhaid i gyfraddau llog godi. Bydd hyn yn gwneud prisiau tai yn fwy tebygol i gwympo. Gan fod pobl yn awr yn teimlo yn gyfoethog o achos fod eu tai gwerth cymaint.....bydd gweld y cwymp yn y prisiau yn gwneud pobl i ail feddwl cyn splasho mas ar gar newydd a gwylie tramor. Ni fydd posibl benthyg yn erbyn gwerth y ty gan fod y perchennog mewn 'negative equity' a bod cyfradde llog yn dal i godi a'r taliadau misol yn mynd yn uwch.......

Gan fod y pethau uchod sef dyled, cyfraddau llog a prisiau tai (dy ni ddim yn creu fawr o ddim erbyn hyn) yn sylfaen i'r economi a'i bod yn dechrau dangos straen trwy fethdaliadau, mi rydym ni mewn am amser caletach yn y dyfodol heb fod ymhell. Wrth gwrs, problem rhyw ganghellor arall fydd hynny.

ON

Mi wnes i anghofo dweud hefyd fod y cyflogau'r Chineaid yn codi hefyd. Ac wrth mi ddylai fod.....

gan **krustysnaks** » Mer 17 Ion 2007 9:31 am

O edrych ar hyn o safbwynt hollol wleidyddol, gallai hyn ladd yr etholiad cyffredinol nesaf i Brown. Gan fod ei enw da wedi seilio gymaint ar yr economi, fe fyddai'n ffordd uniongyrchol i'r Toriaid ymosod arno. Hefyd, mae'n agor y drws i ddadl am yr economi yn ystod etholiad cyffredinol - rhywbeth sydd wedi bod yn amhosib ers 1997. Os gall y Toriaid ennill y ddadl honno yna fe fyddai prif drawst Brown yn diflannu oddi tano.

gan **Nanog** » Mer 17 Ion 2007 9:37 am

Mae rhai yn proffwydo fydd Brown yn galw etholiad cyffredinol yn syth wedi iddo gymeryd dros. Mae hynny'n golygu eleni rhywbryd. Mae ganddo rhywfaint o amser cyn i'r olwynion gwympo bant o'r cerbyd......ac mae e'n gwybod hyn yn ogystal a'r ffaith honedig y bydd 'na 'Brown Bounce'.....mi fyddai'n werth rhoi bet lawr am etholiad nes ymalen yn y flwyddyn.

gan **Dylan** » Mer 17 Ion 2007 7:18 pm

alla' i ddim dychmygu etholiad cyffredinol mor gynnar â hynny. Byddai'n boenus o amlwg bod Brown mewn panic ac yn awyddus i drio sicrhau tymor arall cyn gynted â phosibl cyn i'r bleidlais Lafur ddymchwel yn llwyr. Ni fyddai ganddo unrhyw hygrededd o gwbl mewn sefyllfa o'r fath.

gan **ceribethlem** » Mer 17 Ion 2007 8:03 pm

Dylan a ddywedodd:alla' i ddim dychmygu etholiad cyffredinol mor gynnar â hynny. Byddai'n boenus o amlwg bod Brown mewn panic ac yn awyddus i drio sicrhau tymor arall cyn gynted â phosibl cyn i'r bleidlais Lafur ddymchwel yn llwyr. Ni fyddai ganddo unrhyw hygrededd o gwbl mewn sefyllfa o'r fath.

Dyw gwleidyddion heb poeni rhyw lawer am hygrydedd ers tro byd.

gan **Nanog** » Mer 17 Ion 2007 8:06 pm

Mi fydd e'n gallu dadau ei fod e' eisiau mandate gan y bobl....? Amser a ddengys. Un peth sydd bron a bod yn sicr, fod amser ansicr o'n blaen o rhan yr economi. Cymysgeth o beth a soniwyd amadano uchod ac hefyd, mae America yn mynd trwy rhywfaint o ffwdan 'nawr gyda'i prisie tai yn cwympo, a'r twin deficits.. A dwi heb son am y 'rhyfel' eto! A fydd y pethau 'ma yn dylanwadu ar Brown?

gan **rooney** » Gwe 02 Chw 2007 7:36 pm

Mae economi ffals Llafur yn dechrau disgyn yn ddarnau. Does dim rhyfedd fod Gordon mor awyddus i fynd mewn i rhif 10 mor gynted a phosib.

Byddai'r economi mewn stad lot gwaeth petae syniadau gwleidyddol maeswyr megis Dylan, Mr Gasyth yn cael eu gweithredu.

gan **Dylan** » Gwe 02 Chw 2007 9:58 pm

erm

beth yn union ydi fy syniadau economaidd i felly?

gan **Nanog** » Sad 03 Chw 2007 12:08 pm

Cymdeithas sy'n byw ar ddyled.

http://business.timesonline.co.uk/artic ... 53,00.html

George Osborne, the Shadow Chancellor, said: “Rising insolvencies are just the latest symptom of an economy built on debt and Gordon Brown is to blame.”

Mae cof byr gan y Toriaid.

Chwyddiant a Graddau Llog

Chwyddiant a Graddau Llog

Pwy sydd ar-lein