David Cameron a'r Cynulliad

[Cath Ddu]

A dweud gwir Emrys ni chredaf y byddwn yn disgrifio Cymru fel 'region' chwaith.

Na finna, ond David Cameron?

Dwi'n credu fod hyn yn gwestiwn ynghylch y gwahaniaeth rhwng 'nation' a 'state'. Y mae pob Ceidwadwr wn i amdano (gan eithro Simon Heffer sy'n ysgrifennu i'r Telegraph) yn derbyn fod y Cymry yn genedl o fewn Prydain. Mae nhw'n derbyn nad cyffelyb yw Cymru a Swydd Efrog. Y ddadl sy'n bodoli yw y graddau o hunan-lywodraeth y dylai Cymru fwynhau. Wedi'r cyfan, trwy ddeunaw mlynedd o lywodraeth Geidwadol cryfhau a nid gwanhau fu ar y Swyddfa Gymreig (sy'n ddull o ddatganoli grym).

O ran Cameron, fe wnaeth gryn dipyn o addewidion wrth ennill yr arweinyddiaeth y byddai o blaid cryfhau y Cynulliad ac mae ei ddewis fel llefarydd Ceidwadol ar faterion Cymreig, sef Cheryl Gillan (sic) wedi datgan yn go glir fod pwerau y Cynulliad yn fater i etholwyr Cymru a neb arall. Am ryw reswm mae'r syniad hwn o atebolrwydd i etholwyr Cymru yn ddiarth i Lafur a llawer yn y mudiad cenedlaethol sydd fel petaent yn ofn gofyn barn ei cyd-Gymry am ddyfodol y corff. Onid pwerau ychwanegol heb ofyn caniatad yw'r hyn sy'n digwydd ar hyn o bryd ac onid gweithredu adroddiad Richards HEB holi barn yr etholwyr yw safbwynt tymor canol Plaid a'r LD's?

Mae datganiad DC yn dal yn amwys, ac mae modd ei ddeall i olygu ei fod am sgrapio ein Cymulliad ni (polisi poblogaidd ymysg nifer o selogion ei blaid ar lawr gwlad, mi gredwn).

Fel dwi'n dweud uchod, os byddet yn gwneud dy waith cartref fe fyddet yn gweld nad oes llawer o ddim yn amwys am bolisi Cameron ar y mater hwn. Dim ond yn y bythefnos ddiwethaf mae pencadlys y Blaid Geidwadol wedi cefnogi penderfyniad y Blaid yng Nghymru i ddiddymu enw tad David Davies AS/AC (sef Peter Davies) o restr ymgeiswyr cydnabyddiedig y Ceidwadwyr ar gyfer y Cynulliad gan iddo alw am ddileu'r corff. Braidd yn amlwg felly na fyddai Cameron am alw am yr union beth y bu i'w swyddfa ganol gytuno oedd yn sail i ddileu enw rhywun o restr ymgeiswyr cydnabyddiedig.

O ran cytundeb selogion y Blaid Geidwadol gyda pholisi o ddifa'r Cynulliad falle bod chdi'n iawn, ond byddai hynny hefyd yn wir dwi'n tybio am ganran sylweddol o etholwyr Cymry.

[sanddef]

Dim ond yn y bythefnos ddiwethaf mae pencadlys y Blaid Geidwadol wedi cefnogi penderfyniad y Blaid yng Nghymru i ddiddymu enw tad David Davies AS/AC (sef Peter Davies) o restr ymgeiswyr cydnabyddiedig y Ceidwadwyr ar gyfer y Cynulliad gan iddo alw am ddileu'r corff. Braidd yn amlwg felly na fyddai Cameron am alw am yr union beth y bu i'w swyddfa ganol gytuno oedd yn sail i ddileu enw rhywun o restr ymgeiswyr cydnabyddiedig.

Da clywed hynny. Yn bersonol dw'i eisoes wedi cael fy argyhoeddi gan arweinyddiaeth Nick Bourne yn y Cynulliad na fyddai llywodraeth Geidwadol yn Llundain yn ceisio cael gwared o'r Cynulliad. Y cwestiwn diddorol yw: sut byddai llywodraeth Lafur yng Nghaerdydd yn delio efo llywodraeth Geidwadol yn San Steffan?

[Dili Minllyn]

Dim ond yn y bythefnos ddiwethaf mae pencadlys y Blaid Geidwadol wedi cefnogi penderfyniad y Blaid yng Nghymru i ddiddymu enw tad David Davies AS/AC (sef Peter Davies) o restr ymgeiswyr cydnabyddiedig y Ceidwadwyr ar gyfer y Cynulliad gan iddo alw am ddileu'r corff.

Diddorol. Tybed, sut mae penderfynu ba safbwyntiau y mae'n annerbynniol i ymgeiswyr unrhyw blaid eu coleddu? Dwi'n siwr bod Peter Davies yn teimlo ei fod yn glynu wrth gredo Unoliaethol a oedd yn un o hanfodion Ceidwadaeth hyd yn eithaf diweddar, ac yn sicr yn ganolog i ideoleg ei blaid o 1979 hyd 1997.

[Emrys Weil]

Fel dwi'n dweud uchod, os byddet yn gwneud dy waith cartref fe fyddet yn gweld nad oes llawer o ddim yn amwys am bolisi Cameron ar y mater hwn.

Digon teg, ond mae'r datganiad ar ei ran yn dal i fy nrysu. Ydi DC felly o blaid diddymu Cynulliad Llundain (od, ac yntau'n yr un cyfweliad fel pe bai'n lled-ganmol Livingstone am ei bolisiau trafnidiaeth), neu dim ond o blaid diddymu'r "regional assemblies" eraill yma? Os rheiny, a ydi hyn go iawn yn enghraifft o'r dwr clir glas rhyngddo a Llafur Newydd y mae'n ei honi? Onid ail-drefnu'r deck chairs ydi hyn, yn hytrach na pholisi sy'n USP go iawn i'w blaid?

[sanddef]

Dw'i'm yn credu ei fod yn cyfeirio at Gynulliad Llundain. Mae hunanlywodraeth i Lundain yn ateb ymarferol i drefniant prifddinas enfawr, tra mae creu cynulliadau rhanbarthol yn Lloegr yn cael ei weld fel ychwanegiad di-angen haen newydd o fiwrocratiaeth ar lywodraeth leol, felly dw'i ddim yn bersonol yn cysylltu Cynulliad Llundain â chynulliadau'r Rhanbarthau.

[Cath Ddu]

Diddorol. Tybed, sut mae penderfynu ba safbwyntiau y mae'n annerbynniol i ymgeiswyr unrhyw blaid eu coleddu? Dwi'n siwr bod Peter Davies yn teimlo ei fod yn glynu wrth gredo Unoliaethol a oedd yn un o hanfodion Ceidwadaeth hyd yn eithaf diweddar, ac yn sicr yn ganolog i ideoleg ei blaid o 1979 hyd 1997.

Mae gennyf gydymdeimlad gyda Peter Davies yn hyn o beth.