David Cameron a'r Cynulliad

[Emrys Weil]

Cefais gip ar gyfweliad efo David Cameron ar y teledu dros y pen-wythnos.

Wrth restru'r gwahaniaethau rhwng Llafur a'r Toriaid, dywedodd fod y Blaid Lafur o blaid "Regional Assemblies" a "we [h.y. y Blaid Geidwadol] would scrap regional assemblies".

Nawrte, gan nad oes "regional assemblies" yn unman ond yng Nghymru (Mae Cynulliad Gogledd Iwerddon ar stop, ac ni ellir disgrifio Senedd yr Alban fel Assembly), a chan na ellir "sgrapio" rhywbeth nad ydyw'n bod, deellais i hyn i olygu bod arweinydd y Toriaid yn dweud fod ei blaid yn cefnogi sgrapio'r Cynulliad.

A yw hyn yn gywir, neu ai llithriad (Freudaidd o bosib) ar ran DC ydoedd? (neu ai fy nghlyw innau sy'n methu wrth fynd yn hyn?)

[Macsen]

Dwi'n credu ei fo o'n cyfeirio at y syniad o gynulliadau rhanbarthol yn Lloegr roedd John Prescott mor hoff ohono. Os ti'n cofio mi wnaeth gogledd-ddwyrain Lloegr bledleisio yn gryf yn erbyn eu cynulliad eu hunain, felly mae'n edrych fel bod Llafur wedi rhoi'r gorau i'r syniad.

Anodd iawn fyddai cael gwared o Cynulliad Cymru rwan (be fyddet ti'n ei wneud gyda'r adeilad?).

[Dili Minllyn]

Nawrte, gan nad oes "regional assemblies" yn unman ond yng Nghymru...

Oes, wir. Cyrff pur ddadleuol ydyn nhw, gan eu bod heb gael eu hethol, ond yn gallu penderfynu pethau uwchben cyngorau sirol etholedig - cynllunio trefol yn bennaf.

Gyda llaw, dwi'n meddwl bod Cameron eisoes wedi dweud ei fod o blaid cadw'r Cynulliad Cenedlaethol.

[Emrys Weil]

Nawrte, gan nad oes "regional assemblies" yn unman ond yng Nghymru...

Oes, wir. Cyrff pur ddadleuol ydyn nhw, gan eu bod heb gael eu hethol, ond yn gallu penderfynu pethau uwchben cyngorau sirol etholedig - cynllunio trefol yn bennaf.

Diolch, Dili, 'ro'n i wedi (ahem) anghofio am rhain. Pethau isel iawn eu proffeil. Od eu bod yn dod yn rhan hanfodol o'r ffawtlin rhwng y Toriaid a Llafur.

[Cath Ddu]

A dweud gwir Emrys ni chredaf y byddwn yn disgrifio Cymru fel 'region' chwaith. Ai jyst chwilio am esgus i ymosod ar Cameron oedd y bwriad?

[Dili Minllyn]

Tipyn o ffrwgwd mewnol i'r Blaid Geidwadol yw hwn. Mae rhai yn mynnu y dylid boicotio'r cynulliadau hyn, ond mae llawer o gynghorwyr Ceidwadol yn ddigon bodlon eistedd ynddyn nhw. Mae yna rai ar adain Ewro-amheuol y Blaid Geidwadol sy'n gweld yn cynulliadau hyn yn fodd i chwalu undod cenedl-wladwriaeth Prydain trwy greu Ewrop o ranbarthau gweinyddol.

Mae yna bryderon digon dilys am orlywodraethu - sef gormod o haenau o lywodraeth dros un darn o dir: cyngor tref, cyngor sir, cynulliad rhanbarthol, llywodraeth genedlaethol, llywodraeth Ewropeaidd.

Mae'n deg gofyn hefyd pam y dylai corff fel Cynulliad De Ddwyrain Lloegr, er enghraifft, sy'n cwrdd yn Guildford, fod yn gyfrifol am gynllunio trefol o Brighton i Rydychen.

[Jon Bon Jela]

Anodd iawn fyddai cael gwared o Cynulliad Cymru rwan (be fyddet ti'n ei wneud gyda'r adeilad?).

Adeiladu fun house mawr ynddo! Dychmygwch - Pyllau peli plastig, sleids, rhaffau dringo... Gwych!

Ond cofiwch chi, mae'r lle yn ddigon o Disneyland fel mae hi.

[Ugain I Un]

Waeth y Toris byth cefnogi sefydliad does dim gobaith iddyn nhw reoli.

Petai'r Toris eu hun mewn grym yng Ngymru byddent yn gryf o blaid datganoli

Mae o mor syml a hynny

Os ddaw y Toris nol yn San Steffan efo Cynulliad Cymru yn eu gwrthwynebu'n gryf bydd y Toris yn trio dileu'r Cynulliad fel naethon nhw efo cynghorau dinasoedd mawrion Lloegr (Lerpwl, Llundain etc) oedd en eu gwrthwynebu adeg Thatcher.

Mae mwy o obaith i'r Albanwyr cadw eu Senedd, maent yn gryfach ac yn fwy penderfynol

Paid credu rhyw Tori bach Cymreig sydd yn dweud pethe o blaid datganoli. Wnaethon nhw ffeidio defnydd i hen Swyddfa'r GLC yn Llundain yn digon sydyn, fel nawn nhw efo'r Cynulliad os ddaw nhw hol i'n arteithio byth eto\


Viva Steffan Crafos
Huw

[huwwaters]

Nawrte, gan nad oes "regional assemblies" yn unman ond yng Nghymru (Mae Cynulliad Gogledd Iwerddon ar stop, ac ni ellir disgrifio Senedd yr Alban fel Assembly), a chan na ellir "sgrapio" rhywbeth nad ydyw'n bod, deellais i hyn i olygu bod arweinydd y Toriaid yn dweud fod ei blaid yn cefnogi sgrapio'r Cynulliad.

Un cynulliad dwi'n ymwybodol ac wedi ei weld yw un Llundain.

A dweud gwir Emrys ni chredaf y byddwn yn disgrifio Cymru fel 'region' chwaith. Ai jyst chwilio am esgus i ymosod ar Cameron oedd y bwriad?

Dwnim. Mae gwasanaethau fel BBC Wales, BBC Cymru a BBC Scotland yn cael eu hystyried fel gwasanaethau rhanbarthol. Dyma beth yw canlyniad y ffars, fy mod yn gallu derbyn 1Xtra a BBC Asian Network, ar radio digidol, gan eu bod yn wasanaethau cenedlaethol, ond methu derbyn Radio Wales a Radio Cymru, gan eu bod yn rhai rhanbarthol, er bod y y niferoedd yn uwch.

[Emrys Weil]

A dweud gwir Emrys ni chredaf y byddwn yn disgrifio Cymru fel 'region' chwaith.

Na finna, ond David Cameron?

Ai jyst chwilio am esgus i ymosod ar Cameron oedd y bwriad?

Na, wir, mae gen i bethau gwell i'w gwneud na hynny. 'Ro'n i wedi "anghofio" am y "cynulliadau" rhanbarthol Seisnig, ac am Gynulliad Llundain (diolch huwwaters), felly ro'n i mewn penbleth go iawn ynglyn a be' oedd Cameron am ei sgrapio, os nad Cymulliad Cenedlaethol Cymru.

Mae datganiad DC yn dal yn amwys, ac mae modd ei ddeall i olygu ei fod am sgrapio ein Cymulliad ni (polisi poblogaidd ymysg nifer o selogion ei blaid ar lawr gwlad, mi gredwn).

Byddai'n braf cael datganiad diamwys ganddo nad yw o blaid gwneud hynny (ella bod un. Diau, Gatto Nero, y byddi di'n fy nghyfeirio ato os oes).