maes-e.com

Mae'r papurau newydd bore ma yn llawn straeon am y ddaeargryn a darodd ardaeloedd helaeth o 'Loegr' o gwmpas un o'r gloch y bore, ond roedd y ddaeargryn hefyd i'w deimlo yma yn Sir Conwy.

Teimlodd unrhyw un arall y ddaeargryn?

Ac i raddau yn Sir Gaernarfon hefyd!

Y tro dwytha i ddaeargryn daro, ron i'n buta wrth y bwrdd efo'r wraig, a ddudas i mai daeargryn oedd o. Ond roedd Rhian yn recno mai car wedi parcio tu allan tŷ oedd o. Dw i wedi tynnu'i choes hi byth ers hynny, yn deud ei bod wedi ista drwy ddaeargryn gan feddwl mai injan car oedd achos y swn a chryndod!

Pan darodd y daeargyn yma, am un o gloch y bore, roeddwn yn gweithio ar y cyfrifiadur, a fo oedd yr unig un oedd yn ddeffro yn y tŷ. Meddyliais mai'r dŵr yn y tanc immersion oedd yn berwi am fod y tân mor boeth (mae o'n berwi fel hyn weithia - jesd crescendo o swn byblo a rymblo trwm, sy'n swnio fel tren yn mynd heibio, ac yn para tua deg eiliad i gyd). Nes i feddwl ei fod o'n rhyfadd, gan ein bod wedi gadael i'r tân farw i lawr, heb roi mwy o lo arno, ers rhyw awr neu ddwy, ac felly ddim yn ddigon poeth i ferwi'r dŵr fel hyn.

Ond wrth gwrs, y daeargryn oedd o, ac rwan, mae Rhian yn tynnu fy nghoes i - ei gŵr, a eisteddodd trwy ddaeargryn yn meddwl fod y tanc immersion yn berwi!

One-all!

Prysor a ddywedodd:Pan darodd y daeargyn yma, am un o gloch y bore, roeddwn yn gweithio ar y cyfrifiadur, a fo oedd yr unig un oedd yn ddeffro yn y tŷ. Meddyliais mai'r dŵr yn y tanc immersion oedd yn berwi am fod y tân mor boeth (mae o'n berwi fel hyn weithia - jesd crescendo o swn byblo a rymblo trwm, sy'n swnio fel tren yn mynd heibio, ac yn para tua deg eiliad i gyd). Nes i feddwl ei fod o'n rhyfadd, gan ein bod wedi gadael i'r tân farw i lawr, heb roi mwy o lo arno, ers rhyw awr neu ddwy, ac felly ddim yn ddigon poeth i ferwi'r dŵr fel hyn.

Wel wel, ti di mynd a fi'n ol wan Prysor. Odd hyn arfer digwydd yn ty ni pan oeddwn i'n fach, ond don i'n cofio dim tan wan.

Dwi'm yn siwr os deimlais i'r daeargryn ai peidio achos ron i'n meddwl i mi glywed hofrenydd yn hedfan uwch y ty rywdro tra on i'n trio cysgu - mi alle fod yn hanner nos, mi alle fod yn ddau y bore. Ond doedd na'm cryndod nac ysgwyd o gwbl i deimlo - yn gwbl wahanol i pan deimles i un yn aberystwyth tua pum mlynedd yn ol (a sylwi'n syth be oedd o), felly dwi'm yn siwr am hwn wir.

Mr Gasyth a ddywedodd:Pan darodd y daeargyn yma, am un o gloch y bore, roeddwn yn gweithio ar y cyfrifiadur, a fo Dwi'm yn siwr os deimlais i'r daeargryn ai peidio achos ron i'n meddwl i mi glywed hofrenydd yn hedfan uwch y ty rywdro tra on i'n trio cysgu - mi alle fod yn hanner nos, mi alle fod yn ddau y bore. Ond doedd na'm cryndod nac ysgwyd o gwbl i deimlo - yn gwbl wahanol i pan deimles i un yn aberystwyth tua pum mlynedd yn ol (a sylwi'n syth be oedd o), felly dwi'm yn siwr am hwn wir.

Yn rhyfedd iawn, glywais i hofrenydd hefyd, rhyw ddeg munud ar ol y ddaeargryn y noson o'r blaen. Ond dwi'n sicr nad hofrenydd achosodd y cryndod. Mae swn hofrenydd yn wahanol iawn i swn daeargryn a mae'n para'n hwy.

Pryderi a ddywedodd:

Mr Gasyth a ddywedodd:Pan darodd y daeargyn yma, am un o gloch y bore, roeddwn yn gweithio ar y cyfrifiadur, a fo Dwi'm yn siwr os deimlais i'r daeargryn ai peidio achos ron i'n meddwl i mi glywed hofrenydd yn hedfan uwch y ty rywdro tra on i'n trio cysgu - mi alle fod yn hanner nos, mi alle fod yn ddau y bore. Ond doedd na'm cryndod nac ysgwyd o gwbl i deimlo - yn gwbl wahanol i pan deimles i un yn aberystwyth tua pum mlynedd yn ol (a sylwi'n syth be oedd o), felly dwi'm yn siwr am hwn wir.

Yn rhyfedd iawn, glywais i hofrenydd hefyd, rhyw ddeg munud ar ol y ddaeargryn y noson o'r blaen. Ond dwi'n sicr nad hofrenydd achosodd y cryndod. Mae swn hofrenydd yn wahanol iawn i swn daeargryn a mae'n para'n hwy.

Lle wyt ti'n byw pryderi? Ron i'n Canton, Caerdydd.

Oni yn Leeds, ardal nath gyfri'r daergryn ar raddfa 4.7... oni yn y pyb a nathna neb sylwi, onin gyted pan nesi ffeindio allan dwi di isho bod mewn daergryn ers erioed a dyma fin methu fo!