David Davis - Arwr

[Cath Ddu]

David Davis AS (wel ddim bellach) wedi ymddiswyddo fel AS er mwyn ymladd is-etholiad ar fater carcharu am 42 diwrnod + lleihau rhyddid ym Mhrydain dan arweiniad llywodraeth Lafur Blair a Brown.

Dwi'n edrych ymlaen i ymgyrchu ar ei ran - ymunwch a mi!

O'r diwedd, gwleidydd yn rhoi ei egwyddorion o flaen ei yrfa. Gwych.

[Macsen]

Ydw i wedi methu rywbeth fan hyn? Mae'n ymddiswyddo o blaid oedd yn erbyn y ddeddf i redeg eto mewn sedd saff ar adeg pan mae'r ceidwadwyr yn bell ar y blaen i Lafur yn y polau, a gyda'r Lib Dems yn cytuno i beidio a rhedeg? Bydd o nol yn ei swydd mewn ryw fis.

Swnio fel mai darn o PR clyfar gan y Ceidwadwyr i godi cywilydd ar Llafur ydi hyn mwy na dim. Ta ydw i wedi methu rywbeth?

[Ray Diota]

Arian trethdalwyr, ar ffurf cynnal etholiad dibwynt, yn mynd i gefnogi stynt gan y ceidwadwyr. Arwrol iawn.

[Hogyn o Rachub]

Mae'n braf iawn gweld gwleidyddion yn gwneud safiad go iawn ar faterion, ond ar ôl dweud hynny mae gan Macsen bwynt ... ailsefyll mewn sedd lle cafodd y blaid lywodraethol 12% o'r bleidlais y tro diwethaf? Hm. Efallai ei fod yn ddiffuant, dwi'm mewn sefyllfa i ddweud, ond dw i'm yn gweld pwynt i hyn ond am godi cywilydd ar y Llywodraeth. Dio'm yn "risgio" ei yrfa yn y lleiaf.

[Mihangel Macintosh]

Onid oxymoron ydi tori egwyddorol?

C'mon dydi'r dde ddim byd i neud â gwleidyddiaeth go-iawn, dim ond economeg.

[Cath Ddu]

Ydw i wedi methu rywbeth fan hyn? Mae'n ymddiswyddo o blaid oedd yn erbyn y ddeddf i redeg eto mewn sedd saff ar adeg pan mae'r ceidwadwyr yn bell ar y blaen i Lafur yn y polau, a gyda'r Lib Dems yn cytuno i beidio a rhedeg? Bydd o nol yn ei swydd mewn ryw fis.

Swnio fel mai darn o PR clyfar gan y Ceidwadwyr i godi cywilydd ar Llafur ydi hyn mwy na dim. Ta ydw i wedi methu rywbeth?

Do Macsen bach - ond ddim am y tro cyntaf.

Mae ploau piniwn yn gyson ddangos fod mwyafrif sylweddol o blaid cynlluniau Llafur Newydd yn achos carcharu am 42 diwrnod. Mae yna ddadsl fan yma sydd angen ei hennill. O ran PR clyfar gan y Ceidwadwyr - o'r cynic bach i ti. Ddaru ti glywed ymateb yr aelodau Ceidwadol dros ginio - hollol syfrdan. Doedd NEB yn disgwyl hyn.

Am unwaith mae modd cael trafodaeth ar egwyddor sylfaenol ac mae gwleidydd am arwain y ddadl. A'i cefnigenus ydi Macsen (fel cyw newyddiadurwr) fod agenda newyddion ddim yn nwylo y cyfryngau am unwaith?

[Cath Ddu]

Arian trethdalwyr, ar ffurf cynnal etholiad dibwynt, yn mynd i gefnogi stynt gan y ceidwadwyr. Arwrol iawn.

O'r fath ffwlbri.

Neiwthiwr fe addawyd £200m er mwyn ennill 9 pleidlais y DUP. Fe fu i Lafur wario £2.7bn er mwyn adfer ffiasco y gyfradd dreth 10c a mae gen ti'r diffyg gweledigaeth i son am wastraffu arian yn yr achos hwn?

[Cath Ddu]

Onid oxymoron ydi tori egwyddorol?

C'mon dydi'r dde ddim byd i neud â gwleidyddiaeth go-iawn, dim ond economeg.

O didyms. Ceidwadwyr yn arddel rhyddid a dy ffrindiau ar y chwith yn bagle mewn i'r lobiau er mwyn parhau i sarthu ar ryddid yr unigolyn. Onid oxymoron ydi sosialydd sy'n credu mewn rhyddid - ymddengys felly o edrych ar sosialwyr honedig Llafur Newydd.

[Macsen]

Mae ploau piniwn yn gyson ddangos fod mwyafrif sylweddol o blaid cynlluniau Llafur Newydd yn achos carcharu am 42 diwrnod. Mae yna ddadsl fan yma sydd angen ei hennill.

Tyrd nawr, dyn ni gyd yn gwybod bod Llafur mor debygol o ennill y sedd yma a mae Cymru o chwalu De Affrica o 20 pwynt dydd Sadwrn. Bydd David Davis yn ennill yr etholiad gyda rhwyddineb, ac yna honni mai llais y bobol yn erbyn carcharu 42 diwrnod oedd yn gyfrifol - yn hytrach na'r ffaith bod pawb yn casau Llafur ac yn ei nabod o.

O ran PR clyfar gan y Ceidwadwyr - o'r cynic bach i ti. Ddaru ti glywed ymateb yr aelodau Ceidwadol dros ginio - hollol syfrdan. Doedd NEB yn disgwyl hyn.

Tyrd yn dy flaen. Roedd o wedi gofyn caniatad David Cameron ddoe, a roedd o wedi cytuno. Am rebal, de? Mae hyn ar dudalen blaen pob gwefan newyddion ar hyn o bryd - dyw'r ffaith nad oedd pob un tori yn gwybod am y cynllun ddim yn feddwl nad ydyn nhw wrth eu bodd gyda fo.

A'i cefnigenus ydi Macsen (fel cyw newyddiadurwr) fod agenda newyddion ddim yn nwylo y cyfryngau am unwaith?

Ia, am mai fi sy'n rheoli'r agenda newyddion fel arfer.

[Ray Diota]

Arian trethdalwyr, ar ffurf cynnal etholiad dibwynt, yn mynd i gefnogi stynt gan y ceidwadwyr. Arwrol iawn.

O'r fath ffwlbri.

Neiwthiwr fe addawyd £200m er mwyn ennill 9 pleidlais y DUP. Fe fu i Lafur wario £2.7bn er mwyn adfer ffiasco y gyfradd dreth 10c a mae gen ti'r diffyg gweledigaeth i son am wastraffu arian yn yr achos hwn?

Y peth yw fod y broses ddemocrataidd wedi'i dilyn i'w therfyn pa bynnag mor anfoddhaol yw hynny. Mae'r bleidlais wedi'i cholli drwy'r drefn ddemocrataidd arferol - be ma fe'n mynd i neud, Guto? Ymddiswyddo bob tro dyw e ddim yn hapus?

Ta waeth, dadle ydw i, yn bennaf, yn erbyn dy ddefnydd chwerthinllyd di o'r gair 'arwr' i ddisgrifio rhywun sydd am orfodi gwario arian trethdalwyr i ailfrwydro sedd ddiogel er mwyn cael cyhoeddusrwydd... ma 'da ni syniadau gwahanol iawn am ddiffiniad arwr.