gan Seonaidh/Sioni » Sad 26 Gor 2008 11:46 am
Nage, dydw i ddim wedi mynd yn dawel! Wedi bod ar dipyn o wyl yn Ynys Manaw ac, ar fy nychweliad, brysur iawn efo pethau lleol fan ma (rhywun eisiau codi tai enfawr mewn flood plain ac myfi'n astudio'r cynlluniau technegol a pharatoi aryw sections ac ati...)
Wel, efallai fod pobl ar yr ochr orllewinol yn wahanol i bobl Teyrnas Ffeiff. Ond rhaid cofio hyn - faint o is-etholiadau oedd yn y 70au ac 80au (ac hyd yn oed rhai yn gymharol ddiweddar, e.e. Dunfermline) lle enillodd yr Rhyd-Dems efo swings enfawr? Rydw i wedi gweld yr SNP mewn is-etholiad (2 flynedd yn ol, i'r cyngor lleol) ac maen amlwg eu bod nhw defnyddio'r un dactegau a'r Rhydd-Dems - taflu pobl i mewn o bobman a boddi'r etholaeth efo pamffledi ac ati, gwneud non-stop alwadau ffon i'r etholwyr ac ymlaen. O ie, dros y cyngor 2 flynedd yn ol enillodd yr SNP efo swing o 32%.
Eniwe, cyn i neb or-wneud y llongyfarchiadau, rhaid cofio nad Plaid Cymru mo'r SNP. Yng Nghymru, mae na dueddiad syweddol gweddol asgell-chwith o fewn Plaid Cymru ac bu'n bosibl iddyn nhw weithio efo'r Blaid Lafur fel canlyniad. Mae'r SNP newydd gyflwyno budget yn Holyrood gafodd ei gefnogi'n hael gan y Toriaid - a dyna, mewn effaith, sut mae;r SNP yn rheoli, efo chefnogaeth y Toriaid. Heb godi hen fwgan o "Tartan Tories", mae'n amlwg eu bod o'r asgell dde mewn gwleidyddiaeth. Pe delo annibyniaeth o weddill Prydain i'r Alban, bydd yr SNP yn hollti mewn efallai 3 ran - rhyw fath "Fianna Fail", ultra-asgell-dde; rhyw "Fine Gael", yn debyg i'n Toriaid ni; ac rhywbeth arall fyddai'n ymuno a'r Rhydd-Dems, swn i'n credu. Rydw i wedi clywed eisoes fod na rai ASA SNP sy'n anhapus iawn efo'r ffordd mae pethau'n mynd ynddi.
Am Ordon Brown, wel, pwy a wyr? Chafodd o mo ei ethol gan aelodau'r Blaid Lafur - doedd na ddim ond un ymgeisydd. Ac mae'r diffyg cystadlu'n dechrau ymddangos mewn amhoblogrwydd. Yn fy marn i, roedd o'n ganghellor da, a dylai o fod wedi aros felly. Peth ofnadwy uchelgais - ond a oes gwleidydd hebddo?
A bheil thu gam aithneachadh?