Ian Tomlinson

[dawncyfarwydd]

Gwyliwch hwn:

http://www.guardian.co.uk/uk/blog/2009/ ... ce-assault

Dwi'n teimlo'n reit sâl ar ôl ei wylio fo - mae'n dangos yr heddlu'n ymosod heb isio ar ddyn diniwed, anymosodol; mi fuo'r dyn farw ychydig wedyn. Dydyn nhw ddim wedi cyfaddef unrhyw gyswllt â'r dyn hyd yma. Dwisio chwdu.

[Duw]

Dyle'r heddwas dderbyn cyhuddiad o ddynladdiad - dim llai. Anghreadadwy. Cawn weld faint o smokescreens wnaiff yr heddlu daflu lan yn dilyn hyn - gobeithio er mwyn y teulu ni fydd y crap 'na a welon yn dilyn llofruddiaeth y boi o Frasil.

[osian]

Hollol ffiaidd: dyn yn cerddad efo'i ddwylo yn ei bocedi, a heddwas yn ymosod arno fo o'r tu ol.

[Duw]

Dyma'r fath beth o'n i'n disgwyl gweld yn Los Angeles nol yn y 90au cynnar neu mewn rhyw Weriniaeth Banana. Dwi dal methu credu be dwi wedi jest gweld.

[Rhods]

Ro ni yn meddwl bod pethe wedi gwellla da'r heddlu yn y blynyddoedd diwetha. Dim yn Llundain. Mae hyn yn warthus.

[bartiddu]

Moch

[Doctor Sanchez]

Jesd sbia nol i adeg streic y glowyr. Mae'r Cops yn wancars

[dawncyfarwydd]

Dwi wedi cyfieithu'r llythyr drafft sydd ar gael i'w anfon at Aelodau Seneddol:

Annwyl (Enw'r aelod),

Erbyn hyn, mae'n debyg eich bod wedi gweld y fideo dychrynllyd sy'n dangos heddwas yn ymosod ar aelod o'r cyhoedd - Ian Tomlinson - oedd yn digwydd bod yn cerdded heibio un o'r gwrthdystiadau G20.

Ymosodwyd arno â baton o'r tu ôl gan heddwas, trawodd ei ben y llawr, ac yn ddiweddarach bu farw.

Mae'r heddlu'n ddiedifar am ei farwolaeth, ac wedi disgrifio'u gweithredoedd fel 'cadw'r drefn' ar Radio 4 heddiw.

Mae'n anodd credu hyn ar ôl gweld y fideo. Mae'n rhesymol amlwg nad oedd Tomlinson yn fygythiad i neb, nac yn achosi trafferth. Pe bai'r swyddog yn aelod o'r cyhoedd - yn dal baton ac yn taro rhywun i'r llawr, a bod hwnnw'n marw'n ddiweddarach o ganlyniad - byddai'n debyg o gael ei garcharu. Ond oherwydd bod y troseddwr yn aelod o'r heddlu mae'n ymddangos nad yw'r un peth yn wir.

Mae'r heddweision perthnasol, a'r ffordd y mae'r mater wedi'i drin hyd yma, wedi dangos amharch at y gyfraith a diffyg urddas llwyr. Mae hynny'n dinistrio hyder y cyhoedd yn yr heddlu.

Os gwelwch yn dda - rwy'n erfyn arnoch i godi'r mater yn Nhŷ'r Cyffredin a phwyso ar yr heddlu er mwyn sicrhau cyfiawnder.

Yn gywir,

[Lorn]

Ymosodiad milain a 'cowardly' yn ei erbyn o, ond does dim pwynt trio cyhuddo'r Plismon o Lofruddiaeth, waeth i chi ei alw o'n goeden ddim. Trawiad ar y galon gafodd o, rhywbeth gall fod wedi digwydd unrhyw adeg. Gobeithio geith y Plismon ei gosbi ond gadewch i ni ddelio hefo ffeithiau a dim rhyw straeon senstational.

[Josgin]

Dwi'n gweithio gyda cyn-blisman, ac yn y llu y bu'n gweithio iddi, nid oedd dim byd ond gwawd am y 'Met ' . Maent gyda safonau dipyn is na'n lluoedd ni yng Nghymru. Mae'r llunianu'n anhygolel. Deallaf fod y plismon euog bellach wedi dod i'r fei.
Yn y 70' u, y dywediad amdanynt oedd ' An efficient police force is one which catches more crooks than it employs' .