Llofruddiaethau Soham

[mred]

Dwi di cael llond bol efo diddordeb afiach y cyfryngau mewn llofruddiaethau. Mae Soham ac Ian Huntley yn enghraifft berffaith. Ymdrybaeddu ym manylion lladd y ddwy hogan bach, oriau o deledu heddiw nes ei bod bron yn amhosib ei osgoi, ac hyd yn oed yn holi rhai o gyfeillion y genod am eu teimladau. Ych a fi! Ac wrth gwrs, bydd rhieni plant bach yn mynd yn fwy paranoid byth, plant yn cael eu cadw adref, gan achosi mwy o broblemau iechyd a phwysau. Mae twf traffig yn llawer mwy o beryg i blant.

Ac er erchyllter y digwyddiad, dichon bod digwyddiadau pwysicach y gellid rhoi sylw iddynt yn y byd sydd ohoni.

Roedd fy mrawd yng nghyfraith o'r Almaen yn synnu pa mor blwyfol ydi newyddion Prydain. Ai gosod yr agenda mae'r newyddiadurwyr, 'ta oes gan y bobol wir ddiddordeb yn y fath sothach diraddiol?

[Hogyn o Rachub]

Cytuno'n hollol.

Dim ond peth diweddar yw hyn, dwi'n meddwl, ers marwolaeth Diana. Oedd "pawb" (wel, oeddwn i ddim) yn teimlo ei fod yn rhywbeth oedd yn berthnasol iddynt, ac rwan mae pobl yn teimlo'r un peth. Diddordeb afiachus mewn pethau sy'm byd i wneud gyda ni ydyw.

[Dylan]

Mae'r busnes Soham 'ma wedi bod yn gwbl afiach ers y dechrau. Y wasg yn gorfoleddu wrth iddynt lenwi eu colofnau â phob manylyn, ac yn waeth byth, yr holl alaru ffals. Esgus ydyw i gyd er mwyn i bobl cael teimlo'n well amdan eu hunain. Aeth llond ffycing bysus o bobl i Soham i 'alaru' ac i 'dalu teyrnged' trwy lofnodi rhyw dipyn lyfr. Pwy ffwc mae'r bobl yma'n meddwl ydyn nhw? Mae 'galaru' a bod yn 'sensitif' yn ffasiynnol, a mae'r twats yma oll yn credu eu bod yn edrych yn dda a chydwybodol. Taswn i'n un o'r rhieni fuaswn i wedi gwylltio'n gacwn efo nhw am ddefnyddio marwolaeth fy mhlentyn yn y fath ffordd.

Er nad ydi'r bobl yma hwyrach yn sylweddoli mai dyma pam maent yn byhafio fel hyn, dyna'r gwir. Os oedd rhai wir yn 'galaru' ac yn eu dagrau oherwydd y plantos bach druan di-niwed 'ma 'doedden nhw ddim hyd yn oed yn eu 'nabod, yna mae ganddynt broblemau meddyliol difrifol a mae angen help arnynt.

[Dylan]

heh, siwr mai'r neges yna ydi un un o'r rhai mwyaf hunan-gyfiawn a thrahaus erioed. Ond 'dw i'n teimlo'n gryf iawn am y pwnc yma.

[Dylan]

Ac wrth gwrs 'dydw i ddim yn cynnwys y bobl hynny sydd jyst yn meddwl bod y llofruddiaethau yn erchyll a difrifol. Wrth gwrs eu bod nhw - mi fuaswn i'n poeni petai unrhywun yn anghytuno. Ond dylai neb 'alaru' heblaw'r teulu a ffrindiau agos.

[Garnet Bowen]

Cytuno'n llwyr, er dwi ddim yn meddwl ei bod hi'n deg deud mai rhywbeth diweddar ydi hyn. Mae 'na obsesiwn cenedlaethol wedi bod gyda Ian Brady a Myra Hindley ers dros ddeg mlynedd ar hugain, cofia.

[Jacfastard]

Gweler - http://news.bbc.co.uk/1/hi/magazine/3307471.stm

[Madrwyddygryf]

Cytuno'n llwyr, er dwi ddim yn meddwl ei bod hi'n deg deud mai rhywbeth diweddar ydi hyn. Mae 'na obsesiwn cenedlaethol wedi bod gyda Ian Brady a Myra Hindley ers dros ddeg mlynedd ar hugain, cofia.

Mae hynny yn digon gwir, a mae'r cyfryngau dim ond yn bwydo'r yr anghenfil. Ond mae hi'n dal yn ffaith bob mwyafrif llofruddiaethau plant o'r fath yma yn digwydd o fewn y teulu/grwp agos iawn.

Ond beth oedd wedi gwylltio fi oedd gweld ITV News wedi cael eu cyflwynwr i gyflwyno yr newyddion ddoe tu allan i Ty Ian Huntley. Pa mor wael ydi hwnna ?

[Dylan]

Alla i ddeall hynny. Achos mae ITV yn shit.

[RET79]

dwi ddim yn deall y broblem o ddangos yr erchylldra mewn cymdeithas a codi ymwybyddiaeth pobl o beth sy'n mynd ymlaen.

beth nesaf ar maes-e? Mae llawer yma yn swnio'n eitha sympathetic i bobl fel huntley a saddam, mae'r peth yn fy nychryn.