Perthynas 'Arbennig' Prydain ac America

[Cardi Bach]

Ro'n i mewn rhai darlithoedd yn ddiweddar yn trafod perthynas yr Amerig a Phrydain, ac yn dilyn dadl mewn edefyn arall, o'n i'n meddwl beth mewn gwirionedd yw'r berthynas yma?

Un theori sydd yn apelio ata i yw fod America, oherwydd eu 'hanes o berthynas arbennig' yn y gorffennol agos mae hi nawr yn defnyddio Prydain fel ei llais yn yr Undeb Ewropeaidd. Mae America yn poeni am rym posib yr Ewro ac effaith Ewrop wirioneddol unedig - fel United States/Nations of Europe, ac yn ofni y byddai Ewrop o'r fath yn fygythiad i rym global yr Amerig.

Prydain felly, yn ol y theori yma, yw pyped America. Pe na byddai Blair a Phrydain yn fodlon cydweithio a'r Amerig yna buan iawn y byddwn ni'n gweld yr Amerig yn closio fwy-fwy at Sbaen neu'r Eidal.

Wrth gwrs gallau America fynd rhagddi yn rhwydd heb gymorth Prydain ym materion fel rhyfel Irac, ac yn y tymor byr byddai yna ddim problem, ond, dare i say it, mae nhw wedi bod yn ddigon hir-ben i weld bygythiad tymor hir Ewrop a c felly defnydd Prydain yn hynny o beth.

A oes rhinwedd i'r theori yma? atebion heb ymosodiadau os gwelwch yn dda

[Boris]

Nag oes.

[Sioni Size]

Yndi Cardi, mae'n ffaith fod yr Unol Daleithau yn gweld ewrop cryf fel bygythiad i'w hegemoni rhyngwladol, fel mae'n gweld Tseina cryf yn fygythiad.
Beth mae'r UDA yn ei wneud, sydd yn ymatebiad naturiol i'r holl syniad o Nation State, sef y gorau i ni ar bob cyfrif, yw ceisio cadw neb arall rhag datblygu'n bwer economaidd rhyngwladol (sy'n un o'r rhesymau aethpwyd i ddinistrio Irac a Iwgoslafia - roeddent yn datblygu'n gryf ar y pryd a doedd hynny ddim yn plesio).
Drwy gadw pawb arall yn wan bydd gan america fwy o rwydd hynt i wneud ei hun yn gryfach - megis cywion cwcw mewn nyth.

Hefyd mae gan Prydain ddyled ariannol enfawr i'r UDA o hyd oherwydd y tal anferth a gafodd yr Americaniaid gan Brydain i ymuno a'r ail ryfel byd.

Mae'r berthynas yn un ar sail hil hefyd. Maent yn siarad yr un iaith, a maent felly yn debycach i'w gilydd na neb arall - natur ddynol. Gwelir Awstralia hefyd yn wleidyddol yn closio at y cabal anglo-sacsonaidd.

[Madrwyddygryf]

Dwi'n anghytuno gyda dadl Cardi Bach.

Mae yna atgosrwydd cryf rhwng UDA a Prydain, sydd yn mynd ol i ddyddie Rhyfel Byd Cyntaf ond bwysicach yr Ail ryfel Byd.

Ond oherwydd sail iaith dwi'n anghytuno'n llwyr. Sail 'superficial' iawn os mai sail y perthynas yw iaith. Roedd Ffrangeg yn cael ei siarad ar draws y 'Deep South', roedd Almaeneg yn cael ei siarad, ac yn dal i'w siarad, mewn rhai ardaloedd yn Pennsylvannia.

Ar y llaw arall Cardi, mi fuaset yn gallu credu mai Prydain roedd wedi cerfluno America. Ond, dwi anghytuno gyda syniad yna. Heb cefnogaeth Ffrainc gyda arfau a arian yn rhyfel annibynniaeth 1776, ni fuasai America wedi dod yn ddarn arall o Canada. (Cerflun Liberty yn harbwr Efrog Newydd yw anghreg gan y Ffrancwyr).

Ond dwi yn poeni am y atgosrwydd rhwng UDA a Prydain. Mae'n dinistrio ein perthynas agos gyda gweddill Ewrop.

[Lowri Fflur]

Dwi' n cytuno efo chdi Alun ar llawer o dy bwyntiau. Yn enwedig bod yna resymau hanesyddol pam bod America a Phrydain yn gymaint o ffrindiau. Dydw i ddim yn cytuno efo chdi bod iaith yn sail superficial iawn drost y berthynas hon ond yn berthnasol iawn. O edrach ar berthynas gwahanol wledydd a' i gilydd mae gwledydd sy' n siarad yr un iaith yn dueddol o gefnogi ei gilydd. Mae Ffrainc wastad wedi cefnogi y rhan o Ganada sy' n siarad Ffraneg ond ddim yr ochr sy' n siarad Saesneg. Engraifft arall yw bod Russia wedi cefnogi Slafs sy' n siarad yr un math o ieuthoedd a nw.

Wrth gwrs dwi ddim jysd yn meddwl mae iaith sydd wrth wraidd perthynas agos Prydain a America. Mae ganddynt draddodiad o gwffio rhyfeloedd o' r un ochr- Rhyfel byd cyntaf, yr ail ryfel byd, y ddwy ryfel Gwlff a Korea. Mae yna heyd draddodiad o' r ddwy wlad yn cefnogi rhyfeloedd ei gilydd. Cefnogodd America Prydain yn rhyfeloedd y Ffowclands. Cefnogodd Prydain America yn y rhyfel yn Vietnam.

Credaf hefyd bod y ffaith bod America a Phrydain yn ddwy wlad Grisnogol yn reswm arall am ei agosatrwydd.

Dwi ddim yn siwr os dwi' n cytuno efo y person a ddywedodd mae y rheswm drost gyfeillgarwch Prydain a America o ochr America yw oherwydd ei fod yn gynllwyn i ddinistrio y berthynas rhwng gwledydd Ewropiaidd. Y rheswm dwi ' n deud hyn yw oherwydd y credaf bod Ewrop yn gytun a America am y rhanfwyaf o bethau. Mae America a Ewrop efo economi debig- marchnad rydd, ac maent hefyd yn debig yn wleidyddol- sysdem Ddemocrataidd. Yn y rhyfel Irac dwytha cefnogodd Ewrop i gyd y rhyfel. Hefyd fe gefnogodd Sbaen a' r Eidal y rhyfel yn Irac y tro yma.

Ond gellaf weld syd y mae America mae' n siwr wedi gwilltio y llawer o wledydd yn Ewrop a oedd yn erbyn rhyfel. Wedi dweud hyn teimlaf mae peth dros dro yw hyn tan y creisus nesaf.A mae America a Ewrop wedi cega am materion i wneud a' r amgylchfyd. Ond dwi dal i gredu bod yna lawer mwy o bethau mae America a Ewrop yn gytun ar na yn dadla am dan.