Mae'r 'lefty' yma'n poeni

[eusebio]

Mae amser yn cyrraedd pan fo rhaid dweud "digon yw digon"
Mae'r wancars Llafur newydd efo'u siwtiau smart a'u sbin wedi cymryd eu cefnogwyr yn ganiataol ac wedi cachu ar rhai o hoelion wyth yr adain chwith unwaith yn ormod.

Maent wedi gorfodi nifer o bolisiau Toriaidd ar y wlad a hyn gyda mwyafrif yn San Steffan fyddai'n eu caniatau i wneud unrhywbeth oeddynt eisiau wneud, felly nid pwysau gwleidyddol sydd wedi gorfodi'r fath ymddygiad

Yn nyddiau duon 18 mlynedd o lywodraeth y Toris, o leiaf roedd gan lefties fel fi obaith fod modd newid y llywodraeth gan fod Llafur (go iawn) yn wrthblaid, ond rwan yr unig ddewis arall yw parti Michael Howard â'i cronies.

[Boris]

[Cwlcymro]

Dwi'n meddwl ma'r geiria (neu gair) dwi'n chwilio am ydi

clywch, clywch

[garynysmon]

Dydi Llafur ddim yn lefty ddim mwy beth bynnag.

[Lowri Fflur]

Ia mae nw mor adain dde dylia nw ddim galw ei hunain yn Llafur.

[Chris Castle]

Mae wefangrwp ymgyrch sosialaidd yn ôl nawr.

Mae Sosialiaeth yn rhan anatod o blaid Lafur er bod Tori Blêr wedi ein harwain ni. O achos agweddau "middle englanders" mae'n amhosib bod yn sosialaidd llwyr a hefyd yn ennill Etholiad. Rhaid felly cael "cyfiawnder trwy lechwraidd". Rhy araf ei phrogres a llwgr ei syniadaeth ydy'r "Prosiect" ond lle dechrau yw e.

Treuliodd Llafur ddigon o amser "Purdeb Syniadaeth" aneffeithiol yn yr anialwch i fynd yn rhy gyflym erbyn heddiw. Mae Gwleidyddiaeth yn digwydd yn y byd go-iawn lle mae cymod rhwng diddordebau diriaethol gwrthwynebol at ei gilydd, nid mewn sgyrsiau syniadaeth.

[Garnet Bowen]

Rwdlan gwirion ydi deud fod Llafur Newydd yn "asgell-dde". Efallai fod y blaid Lafur wedi symyd tua'r canol, ond mae'r gwerthoedd sy'n gyrru llawer o'u polisiau nhw'n dal i fod yr un fath. Cofiwch fod y llywodraeth yma wedi bod yn gyfrifol am ddatganoli grym i Gymru a Lloegr, rhoi grym cyfreithiol i ddeddf hawliau dynol Ewrop, buddsoddi mwy o bres yn y gwasanaeth iechyd na neb arall ers canol y 70au, dod a di-weithdra i lawr i'w lefel isaf ers dros chwarter canrif, cyflwyno isafswm cyflog swyddogol, lleihau tlodi ymhlith plant bychain, a chyflwyno grantiau hyfforddi i athrawon. (Ymhlith pethau eraill, rhestr fyr-fyfyr ydi hon).

Mae spin, a'r modd yr aetho nhw a ni i ryfel yn Irac (yn hytrach na'r rhyfel ei hun) yn warthus, ond mae'n rhaid cydnabod fod yna waith da iawn wedi ei wneud gan y llywodraeth Lafur ers 1997.

[eusebio]

Mae Llafur Newydd yn credu eu bod yn 'Social Democrats' ond maent yn ymddwyn ac yn gweithredu polisiau sydd yn ymdebygu i 'Christian Democrats'

[Chris Castle]

camgymeriad oedd e ond wnes i olygu'r cyfraniad uwch yn hytrach na gosod un newydd.

[løvgreen]

Rwdlan gwirion ydi deud fod Llafur Newydd yn "asgell-dde". .

Wel falle wir, ond maen nhw wedi llwyddo i wneud rhywbeth na allai Thatcher a Tebbit mond breuddwydio amdano, sef sbaddu'r BBC.