Piers Morgan wedi cael y sac

[Dylan]

Wyt ti wir yn meddwl eu bod wedi rhagweld, yn 16 oed, y byddent yn canfod eu hunain rai blynyddoedd yn ddiweddarach yn ymladd rhyfel sydd yn golygu dim iddynt?

Be' ddiawl arall ydi pwrpas byddin?

Os ydynt yn rhy dwp i allu rhagweld hynny yna 'dw i'n synnu dim nad oes ganddynt unrhyw gymwysterau.

[webwobarwla]

Be' ddiawl arall ydi pwrpas byddin?

Dim rhyfedd bod dim cymwysterau ganddyn nhw os ydi nhw mor dwp â hynny.

Barn freintiedig arall sydd ddim yn ystyried nifer fawr o ffactorau cymdeithasol, addysgol, ayyb, ayyb...

[Dylan]

heh

Na, 'dw i'n meddwl mai ti sydd yn bod yn anheg ar y milwyr os wyt ti'n credu eu bod mor naif â hynna

[webwobarwla]

Nid wyf yn credu fod plentyn 16 oed yn llwyr amgyffred graddfa penderfyniad megis ymuno a'r fyddin, ac yn sicr nad ydynt yn gallu ymgyffred ymladd rhyfel. Dyna'r pwynt sylfaenol.

I'r rhan fwyaf ohonom, mae'r penderfyniadau yr ydym yn ei wneud yn 16 oed yn arwain at y chweched dosbarth, neu goleg. I filwr, mae un penderfyniad a wnaed yn 16 oed yn aros gyda hwy am flynyddoedd i ddod. Ni allent benderfynnu gadael heb gael eu taflu i garchar milwrol.

I gwblhau'r gymhariaeth, os bydde plentyn ysgol 16 oed yn gwneud camgymeriad wrth ddewis pynciau ar gyfer y chweched, y gwaethaf all ddigwydd yw gorfod ail-sefyll y flwyddyn.

Beth bynnag, yr ydym wedi crwydro braidd oddi wrth destun gwreiddiol yr edefyn hwn.

[Macsen]

Fel mae ambell filwr yr wyf yn eu hadnabod wedi dweud wrthyf, wrth gwrs eu bod yn ymwybodol mai ymladd rhyfeloedd oedd prif swyddogaeth byddin, ond yn 16 oed, nid oedd y cysyniad o 'ryfel' yn golygu dim iddynt. Eu unig brofiad o 'ryfel' oedd o ffilmiau oedd yn clodfori'r fyddin a rhyfel yn gyffredinol.

Ffordd arbennig o patronising o edrych ar ein milwyr ifanc! Ti'n cymeryd yn ganiataol ei bod nhw, yn 16, a dim math o syniad o beth oedden nhw'n ei wneud. Ti'n siarad fel ei bod nhw'n blant pedair oed a'i pysgodyn aur nhw wedi marw.

Ai ddim i ymhaelaethu ymhellach, ond hoffwn ofyn wrthot Macsen, faint o filwyr wyt ti'n eu hadnabod?

Dau, a'r ddau yn gwybod mai pwrpas byddin oedd i ryfela.

[webwobarwla]

Ti'n cymeryd yn ganiataol ei bod nhw, yn 16, a dim math o syniad o beth oedden nhw'n ei wneud.

Ydw i raddau, yn seiliedig ar fy atgofion i o fod yn 16 oed (aw, poenus... ). Yn sicr ddigon, nid oeddwn i na dim bachgen arall yr oeddwn yn eu hadnabod pan yn 16 oed a dim syniad beth oedden ni'n wneud. Gallaf dy sicrhau fodd bynnag ein bod yn meddwl ein bod yn gwybod.

[Panom Yeerum]

Ni allent benderfynnu gadael heb gael eu taflu i garchar milwrol.

Bolycs llwyr!

Nid wyf yn cytuno â safbwyntau web o gwbl, ond rwy'n anghytuno â'r gweddill ohonoch hefyd! Wrth edrych ar hanes diweddar byddin prydain, nid oes wedi bod unrhyw ryfel fel hyn. Gwir, roedd yna broblemau yn Iwerddon, Kosavo a.y.b ond dim byd i raddau Iraq, ac felly cyn 09/11 ni fedraf weld sut y buasai milwyr wedi gallu meddwl y buasai rhyfel o'r maint yma (anhebyg iawn y buasai milwyr sydd efo llai na 3 blynedd o brofiad wedi mynd i Iraq.) Ac ar ben hyn i gyd, i fynd yn ôl i bwynt y drafodaeth, mae gan y milwyr digon i ymdopi gyda, heb unrhyw bropoganda negyddol megis lluniau ffug!

[Cwlcymro]

mi OEDD yr arteithio yma'n digwydd yn Irac (a mae o'n dal)

Sut w ti'n gwbod hyn - does dim tystiolaeth bod milwyr prydeinig wedi!!! Lle wyt ti wedi cael dy wybodaeth? O bapur newydd mi dybiaf - sydd wedi eu camarwain efallai? meddylia!

Gan y Red Cross ella? Neu Amnesty International?

[Dylan]

Nid wyf yn cytuno â safbwyntau web o gwbl, ond rwy'n anghytuno â'r gweddill ohonoch hefyd! Wrth edrych ar hanes diweddar byddin prydain, nid oes wedi bod unrhyw ryfel fel hyn. Gwir, roedd yna broblemau yn Iwerddon, Kosavo a.y.b ond dim byd i raddau Iraq, ac felly cyn 09/11 ni fedraf weld sut y buasai milwyr wedi gallu meddwl y buasai rhyfel o'r maint yma (anhebyg iawn y buasai milwyr sydd efo llai na 3 blynedd o brofiad wedi mynd i Iraq.)

Os ydi pobl yn ymuno â'r fyddin heb sylweddoli bod perygl eu bod am orfod mynd mewn i ryfel, yna mae nhw'n rhy dwp i ymdopi â'r fath gyfrifoldeb.

'Dw i'n siwr nad ydi'r fyddin isio derbyn y fath bobl chwaith.

[Panom Yeerum]

Wrth gwrs! Nes i anghofio bod y red cross ac amnesty international yn cael mynediad i'r carchardai i gadw golwg ar y carcharorion. Yr unig beth sy'n bosib iddynt ddweud ydy beth y maent yn glywed gan bobl Iraq - propoganda unwaith eto! Does neb yn gwbod beth sy'n digwydd yno, ond mi dybiaf y bod ganddynt pethau pwysicach i'w poeni amdano na piso ar Iraqi!