Chwip din

[Rhodri Nwdls]

Faswn i'n synnu os oes fawr o bobol yn rhoi chwip din i blentyn am fod nhw'n crio?!

[Ray Diota]

O'n i'n ca'l chwip dîn go iawn gan mam pan o'n i'n fach. Yn ganol Gateways aberystwyth unwaith. Odd fy nhintws bach i'n goch! Ond o'n in fsdad bach so o'n i'n haeddu fe. Bydd fy mhlant i'n cal chwip dîn. Ffaith. Pwy bynnag ddwedodd mai anwybyddu ymddygiad drwg yw'r ffordd ymlaen naill ai'n hipi neu'n 3 mlwydd oed.

[Meiji Tomimoto]

Bler - amhosib i'w ddiffinio fel ma' nhw 'di gadal petha.
Un ai ti'n cael neu ti ddim.
Sgen i ddim barn am fod gen i ddim plantos (Dwi'm yn meddwl)

[Dylan]

Pwy bynnag ddwedodd mai anwybyddu ymddygiad drwg yw'r ffordd ymlaen naill ai'n hipi neu'n 3 mlwydd oed.

Pwy yn union sydd wedi argymell mai anwybyddu'r fath ymddygiad sydd orau? Yr unig ddewis felly ydi i'w anwybyddu'n llwyr neu i lunio llun o gledr eich llaw ar din y plentyn?

[Ffinc Ffloyd]

Duw a wyr sut ddiawl mae'r fath waharddiad am gael ei weithredu, serch hynny.

Falle dyna pam na ddylid gwastraffu arian ac amser trethdalwyr yn malu cachu hefo'r pwnc.

Be ydi'r obsesiwn ma efo arian trethdalwyr, RET? Dwi'm yn dallt - mae hwn YN bwnc pwysig, a wedi darllen y drafodaeth dwi'n ama mod i o blaid y gwaharddiad.

Mi o'n i'n arfer cael ambell i slap pan on i'n fach - ond gan eu bod nhw'n ddigwyddiad anaml, mi o'n i'n dallt mod i wedi gwneud rwbath o'i le. Dwi'm yn meddwl y gwnaeth o ddim drwg i mi. Wedi dweud hynny, mi stopiodd yn rhieni i hyn ar ol i fi basio tua 7 oed a dechra nghwahardd i oddi ar y cyfrifiadur a ngyrru i i'n llofft ac ati. Mae yna ffyrdd eraill o ddisgyblu.

[ceribethlem]

Fel athro, rhaid dweud fy mod yn chwyrn yn erbyn rhoi "slap" neu rhywbeth cyffelyb i'r plant. Rhaid dweud yn anaml mae'r diawled yn llwyddo i fy nghynddeiriogi, a theimlaf eu bod yn haeddu slap, ond pan fod y tymer yn mynd, yna teimlaf nid slap yw'r ateb.
Cytuno gyda'r ddamcaniaeth mai gwobrwyo ymddygiad da yw'r ateb, nid rhoi slap. Mae 'na nifer o ddisgyblion dwi wedi dysgu sy'n cael slap adre (ond ni fedraf brofi'r peth) ac ymddygiad surbwch a gwael sydd ganddynt. Pe baent wedi cael eu gwobrwyo am ymddwyn yn dda bydde'r ymddygiad cyffredinol yn well.

[Macsen]

Chi bobl sydd o blaid rhoi slap i blant- pam ddim estyn yr un pwerau i roi slap i oedolion? Dw i'n nabod lot o dwats a abell goc oen sy'n haeddu trawiad go iawn i ddysgu gwers iddynt yn union ru'n faint ag y plant drwg rheini. Mae'n hawdd i ni drafod taro plant yn gwybod na dim ni fydd yn cael slaes ar draws y pen bod tro da ni'n cambihafio.

Duw a wyr sut ddiawl mae'r fath waharddiad am gael ei weithredu, serch hynny.

Falle dyna pam na ddylid gwastraffu arian ac amser trethdalwyr yn malu cachu hefo'r pwnc.

Mae pasio deddf, hyd yn oed un sydd bron yn amhosib iw weithredu, yn gyrru neges i'r gymdeithas bod y math yma o beth yn anghywir. Bydd pobl ddim yn rhoi'r gorau i waldio plant, ond yn sicr mi fyddan nhw'n meddwl dwywaith cyn gwneud am ddim rheswm am ei bod dan bwysau neu yn flin.

Mae yna lawer o ffyrdd lot gwell o ddelio gyda plant drwg. Tynnu'r Playstation o'r wal a'i guddio yn y cwpwrdd mwyaf uchel yn y ty yw'r ateb.

[Dylan]

Y peth 'dw i ddim yn ei ddallt ydi bod y rhan fwyaf o bobl sydd o blaid chwipio tinau yn defnyddio "dirywiad ein cymdeithas" fel rheswm. Mae plant yn camymddwyn ymhob man, felly mae'n rhaid nad ydynt yn cael eu disgyblu ddigon. h.y. eu taro. Diffyg chwipio tin ydi'r broblem, chwedl hwythau.

Ond 'dydi'r canran o blant sy'n cael eu taro heb ostwng o gwbl. Yn wir, mae 80% o blant ifanc Prydain yn dal yn cael eu smacio gan eu rhieni, yn ôl un seicolegydd plant ar Newsnight neithiwr. Mae'n rhaid felly bod rhesymau eraill am "ddirywiad ein cymdeithas". Sut felly gellid cynnig taro plant fel ffordd o ddatrys y "broblem cymdeithasol" os oes 80% ohonynt yn ei chael hi'n barod?

Mae Prydain rwan 25 mlynedd tu ôl Sweden. Ym 1979, gwaharddwyd smacio yno. 'Roedd 60% o'r boblogaeth yn erbyn y gwaharddiad. Gyda'r "dirywiad cymdeithasol" anochel a fyddai'n dilyn y fath beth, chwedl y chwipwyr, mi fyddech yn disgwyl i'r ganran yna fod wedi cynyddu eto. Ond gostyngodd gydag amser, ac erbyn heddiw dim ond 6% o boblogaeth Sweden sydd o blaid caniatáu chwipio unwaith eto.

Fel o'n i'n dweud: 10 mlynedd wedi gwaharddiad cyfan gwbl, byddem yn edrych yn ôl mewn syndod bod y fath ffys wedi cael ei wneud am y peth.

[Dylan]

Heh. Rhyfedd hefyd bod Realydd wedi dod i'r casgliad 'mod i'n "hoff o'r nanny state" ar ôl llai na mis ar y Maes. Yn enwedig o ystyried nad ydw i'n meddwl 'mod i wedi trafod materion cartref/mewnwladol efo fo o'r blaen.

[Realydd]

Wel roedd yr un teip o bobl o blaid cael gwared a'r gansen o'r ysgolion. Fuasech chi'n dweud fod disgyblaeth wedi gwella neu gwaethygu ers i hynna ddigwydd?