Chwip din

[Dylan]

Newydd chwilio ac o be' alla' i ei weld 'dydi hyn ddim wedi cael ei drafod ar y maes o'r blaen. Gan ei fod yn y newyddion eto heddiw, dyma amser cystal ag unrhyw bryd i drafod y peth: be' 'di'ch barn chi ar daro plant fel modd o "ddisgyblu"?

Arglwyddi'n trafod cynlluniau i wahardd taro plant

Bydd cynlluniau i wahardd taro plant yn cael eu trafod yn Nhŷ'r Arglwyddi brynhawn dydd Llun.

Bydd aelodau'r Tŷ yn pleidleisio ar gyfaddawd ble fydd taro plant yn cael ei wahardd yng Nghymru a Lloegr os yw'n achosi niwed corfforol.

Dyw'r llywodraeth ddim o blaid gwaharddiad llwyr.

Anhebygol y bydd gwaharddiad cyfan gwbl yn cael ei dderbyn, ond mi ddaw hwnnw gydag amser. Wir, rhyw ddeng mlynedd wedi'r fath waharddiad mi fydden ni'n edrych nôl mewn pembleth ar y ffaith bod cymaint o ddadlau wedi bod am y peth. Mae'r fath ddull o "ddisgyblu" yn perthyn i ryw oes arall. Hen bryd i ni symud ymlaen - mae 12 gwlad arall wedi gwneud yn barod.

[Realydd]

Ti'n eitha hoff o'r nanny state yn dwyt Dylan?

[Dylan]

i'r gwrthwyneb, syr: 'dw i'n chwyrn o blaid hawl plant i beidio cael eu waldio efo slipars

Duw a wyr sut ddiawl mae'r fath waharddiad am gael ei weithredu, serch hynny.

[Realydd]

Duw a wyr sut ddiawl mae'r fath waharddiad am gael ei weithredu, serch hynny.

Falle dyna pam na ddylid gwastraffu arian ac amser trethdalwyr yn malu cachu hefo'r pwnc.

[garynysmon]

Allai ddim gweld sut mae hwn yn gam yn y cyfeiriad iawn o gwbl. Y mae tor-cyfraith yn rhemp mewn sawl ardal ymysg pobl ifanc, fel rheol. Mae'n amlwg dydi'r detention centres ac ati ddim yn gweithio, a dwi'n siwr fod lot fawr o bobol ar y maes wedi cael peltan bob hyn a hyn am fod yn ddrwg fel plant. Byswn yn mynd mor bell a dweud fod pawb wedi elwa o hynny yn y pen draw. Gyn belled fod peltan bob hyn a hyn, ddim yn troi'n stido, allai'm gweld y peryg yn bersonol. Dydi siarad efo plant ddim yn gweithio bob amser 'chi.

[Rhodri Nwdls]

Slaes go dda sy' angan, nes bo nhw'n tasgu.

Na, wir, sna'm byd yn bod efo chwip din a ma'r rheol yma mond yn mynd i roi cyfle i blant gael one-up ar ei rhieni a gallu gneud be bynnag ffwc ma nhw isio.

Sut mae cael plant i fyhafio ta? Be di'r dulliau amgen?

[Lowri Fflur]

Sut mae cael plant i fyhafio ta? Be di'r dulliau amgen?

Dwi' n meddwl bod y seicolegwyr yn dweud y dylia chdi anwybyddu ymddygiad gwael a canmol ymddygiad da fel bod y plentyn yn deall mae' r unig ffordd i gael sylw yw drwy bod yn dda.

[Garnet Bowen]

Ymateb diog a di-ddallt i blant drwg ydi ei curo nhw. Tyda ni ddim yn son yn fama am blant yn cael chwip din bob yn hyn a hyn pan mae nhw wedi mynd yn rhy bell. Mae 'na nifer gynyddol o rieni sy'n rhy thwp a diog i geisio gofyn pam bod eu plant nhw'n cambihafio, ac yn bodloni ar ddefnyddio dim byd mwy na chefn eu llaw i fagu eu plant.

Taswn i yn anhapus gyda'r ffordd mae'n Nhad i yn ymddwyn, ac yn rhoi ffwc o beltan iddo fo, mi fyswn i'n gorfod ymddangos o flaen llys i ateb cyhuddiad o assault. Pam ddylsa petha fod yn wahanol pan mae'r tad yn curo'r mab?

[Dylan]

Trwy slapio, 'dach chi'n disgyblu'r plant trwy godi ofn arnynt yn hytrach na thrwy eu dysgu pam bod eu hymddygiad yn annerbyniol. Alla' i ddim gweld sut all hynny fod yn beth iach.

Gwneud pethau'n waeth mae slapio yn ei wneud yn aml beth bynnag.

[Garnet Bowen]

Trwy slapio, 'dach chi'n disgyblu'r plant trwy godi ofn arnynt yn hytrach na thrwy eu dysgu pam bod eu hymddygiad yn annerbyniol. Alla' i ddim gweld sut all hynny fod yn beth iach.

Gwneud pethau'n waeth mae slapio yn ei wneud yn aml beth bynnag.

Cytuno'n llwyr. Nid y niwed corfforol ydi'r broblem yn aml iawn, ond y neges sy'n cael ei phasio ymlaen i'r plant. Mae plant yn crio am reswm, ac yn aml iawn, mae rhieni'n cael llond bol ar y crio, ond yn gwrthod treulio amser yn holi pam fod y plentyn yn crio. Mae'r slap yn cael ei defnyddio fel ffordd diog o fagu plentyn, a mae'r plentyn hwnw wedyn yn cael ei ddwyn i fyny i gredu fod rhoi slap i rhywun yn eu cadw nhw'n dawel.