maes-e.com

Mae Blunkett am i fewnfudwyr basio prawf iaith cyn cael ymgartrefu yn y wlad. Bydd disgwyl i bobl feddu ar sgiliau sylfaenol mewn darllen, ysgrifennu a siarad yn yr iaith yn ogystal â gallu deall prif bwyntiau sgyrsiau a delio gyda sefyllfaoedd y byddan nhw'n dod ar eu traws yn yr ysgol, y gweithle ac yn eu amser hamdden.

Wrth gwrs, am y Saesneg mae Blunkett yn sôn.

Diolch byth nad ydi'r Gymraeg o dan gymaint o fygythiad a hi...

Erthygl yn Y Guardian

Mae'n hawdd gorfodi'r math yma o reolau pan fo'r rhai fyddai'n cael eu heffeithio yn y lleiafrif.

"Not everyone can attain fluency. But at the very least we can ask people to make an effort and to enhance their existing knowledge of [English] to a workable level and to know what it means to be a [British] citizen," said Mr Blunkett

Mor hawdd fydde rhoi'r Gymraeg yn y cromfachau...

A dim bo fi am gychwyn dadl mawr lled theolegol - ond os ydem ni i fod yn 'Brydeinwyr', ers pryd Saesneg yw 'what it means to be a British citizen?'

Oce, oce - peidiwch gwaeddi arnai am fod yn slo!

Mae hyn y fath o ymddygiad bydden yn ei ddisgwyl gan Ysgrifenydd Cartref o'r adain Dde......hold on, Mae Llafur yn adain dde dydyn

Mae Blunkett wedi gwneud datganiadau a dilyn polisiau hynod 'wahanol' a hurt, yn enwedig ar fewnfudo.

Dwi'n cytuno a Blunkett. Os ydych chi'n anghytuno a fo yna rhyfedd iawn gan mae'r rhelyw ohonoch am weld y fath ofynion ar fewnfudwyr i Gymru...

Ti'n methu'r pwynt yn llwyr.

Y pwynt ydi bod y Cymry yn cael eu galw'n hiliol ac eithafol bob tro maent yn crybwyll syniadau ar gyfer amddiffyn y Gymraeg, ond mae hwn gan Blunckett yn llawer iawn mwy eithafol nag unrhyw beth mae CyI na Chymuned, heb sôn am Blaid Cymru, erioed wedi'i argymell.

Wel os yw'r rheiny sydd am weld mewnfudwyr i Gymru yn gorfod dysgu'r Gymraeg a dysgu am Gymru yna siawns fod y pobl yma yn cytuno 100% hefo beth mae Blunkett yn ddweud? Os ddim, pam ddim?

Wnest di fethu'r darn yma felly?:

Mae Blunkett am i fewnfudwyr basio prawf iaith cyn cael ymgartrefu yn y wlad.

'Dw i ddim yn cofio yr un o'r mudiadau iaith Gymraeg yn sôn am y fath beth.

Ond ti dal yn methu'r pwynt. Rhagrith y blaid Lafur sydd o dan sylw fan hyn. Os wyt ti'n cytuno â Blunkett neu beidio, elli di ddim gwadu mai safonnau dwbl ydi cynnig y fath syniad tra yn ymosod ar y Cymry am ddweud pethau tebyg (a llai eithafol)

Dylan a ddywedodd:Wnest di fethu'r darn yma felly?:

Mae Blunkett am i fewnfudwyr basio prawf iaith cyn cael ymgartrefu yn y wlad.

'Dw i ddim yn cofio yr un o'r mudiadau iaith Gymraeg yn sôn am y fath beth.

Ond ti dal yn methu'r pwynt. Rhagrith y blaid Lafur sydd o dan sylw fan hyn. Os wyt ti'n cytuno â Blunkett neu beidio, elli di ddim gwadu mai safonnau dwbl ydi cynnig y fath syniad tra yn ymosod ar y Cymry am ddweud pethau tebyg (a llai eithafol)

Wrth gwrs dwi'n deall y pwynt mae pobl yn ei wneud ond ar yr un pryd mae'n ryfedd gweld pobl yn ymosod ar beth mae Blunkett yn ei ddweud pan fuasai nhw yn ddigon hapus o weld yr un math o beth yn gwynebu mewnfudwyr mewn i Gymru.

Os eiff rhywbeth fel hyn drwodd ar lefel Brydeinig yna gall hwn agor y drws tuag at ddarparu rhywbeth tebyg i Gymru? Rhyfedd fod pobl methu gweld hyn. Dwi'n meddwl ar adegau fod nifer o Gymry Cymraeg yn eitha hapus gweld rhannau o Loegr yn cael eu coloneiddio ond eto ddim am weld coloneiddio yn digwydd yma yng Nghymru.

Sbia ar be ma pobl yn ddeud RET a mi sylwi di ma dim ond garynysmon sydd wedi dweud ei fod yn anghytuno a Blunkett.
Ma pawb arall yn cwyno am pa mor hypocrytical ydi Llafur o alw ni'n hiliol am gwyno am bobl sydd yn dod yma heb siarad Cymraeg, ond yn mynd mor bell a gofyn am BRAWF saesneg i'r rheini sydd yn symyd mewn i Loegr.

Rhaid imi gytuno â realydd yma. Nid hawl i fyw ym Mhrydain sydd yma ond yr hawl i fod yn frodor. Gall rhywun gwneud wlpan Cymraeg a phasio'r test yma. Mae Blunkett wedi derbyn mae'r Gymraeg yn dderbyniol ar gyfer y prawf iaith, ond, Does fawr o fewnfudwyr o dramor yn y Fro Gymraeg. Mae'n nhw'n byw yng Nghaerdydd Casnewydd ag Abertawe fel arfer - trefi lle mae Saesneg ydy'r iaith Cymuned. Ymarferol yw'r rheol yma. Er dwi ddim yn hoffi bod y prawf gan safon mor uwch ag yw e.

Yr un mor cîn ydw i ag unrhywun yma i weld y Gymraeg fel Iaith Cymuned Cymru. Mae rheolau ar fewnfudwyr yn deillio o broblemau go iawn sydd gan y pobl 'na wrth ymwneud a'u gwlad newydd. Mater o'u diogelwch nhw eu hunain yw e'n aml iawn. Felly iaith y Cymuned o'u gwmpas y dylen nhw dysgu.

Cytunaf yn llwyr am y 60% o fewnfudwyr o siaradwyr Saenseg sy'n gwrthod y Gymraeg. Ond rhaid inni ystyried yn fanwl pam mae rhan fwyaf y 40% sy'n trio dysgu Cymraeg yn methu. Dim ond rhyw 7% o fewnfudwyr yn Cymhathu yn ieithyddol â'u cymuned newydd.

Mae diffyg dosbarthau uwch yn un rheswm, ond mae Parodrwydd Cymry Tatws i wrthod siarad Cymraeg Glir a Syml 'da dysgwyr yn reswm arall. Mae'n WELL 'da nhw siarad Saesneg â dieithryn fel arfer. Mae resymau dwys am hyn ond mae'n ddinistriol iawn. Ond yn y bôn mae'r Cymry (hyd yn oed y Tatws) yn derbyn y mae Saesneg yn bwysicach.

Tan gweld gwahaniaeth yn agweddau'r Cymry Cymraeg byddaf yn wastad clymu at fy marn yma.

nawr am y taniau gwyllt - trio cofio fy mod i'n trafod nid ymosod.

Jyst i fod yn glirach:

dwi'n dadlau y mae'n hollol anghywir i drio defnyddio'r iaith i sgorio pwyntiau gwleidyddol. Dyw Blunkett erioed wedi awgrymu y mae Cymru Ymwybodol yn Hiliol hyd y gwn i.

Nid Plaid Llafur sy'n llad ar syniadau Cymuned a CYIG. Aelodau amlwg, uchel eu bri a phwerus sy'n ei wneud.