Yw'r system addysg yn amherthnasol?

[Realydd]

Beth ddylai rol system addysg fod mewn cymdeithas?

Addysgu 'ideals' mae'r system bresennol yn ol beth welaf i a drwy system arholiadau ac ati mae o'n annog gwaith swmpus o safon dda. Yn y byd go iawn ychydig iawn mae hyn o fudd i'r unigolyn yn ol beth dwi wedi ei weld. Yn aml mae bosys yn rhy ddiog i ddarllen unrhywbeth mwy na cwpl o ochrau A4 ac yn aml mae cael gwaith wedi ei wneud ar amser o fewn amserlen yn bwysicach na'i safon.

Felly yw'r system addysg yn paratoi pobl ar gyfer y byd tu allan? Neu yw addysg fod i ddysgu'r 'ideals' i bobl yn y gobaith y bydd pobl yn mynd i'r byd go iawn a gwthio pethau tuag at yr ideals hyn?

[Leusa]

'dw i yn meddwl dyliai'r cwricwlwm gael ei newid i ddysgu'r petha sydd angen ei wybod i fyw, hynny yw sgrapio 'pi R squared' a dysgu pobl am bensiwn, treth, biliau, llenwi ffurfleni, buta'n iach, gwleidyddiaeth ayyb

[Realydd]

Safbwynt byddai amryw yn cytuno hefo Leusa... fyddwn i'n nodi fan hyn fod llawer o bobl yn ein cymdeithas yn elwa yn fawr o anwybodaeth pobl e.e. sbia ar y ffordd mae llawer o garejes yn elwa ar bobl sydd ddim yn deall fawr ddim am geir. Felly pam fydden nhw eisiau i bobl ddysgu mwy am geir mewn ysgolion? Fe fyddai poblogaeth mwy gwybodus am geir yn prynu llai o geir gwael am grocbris ac yn medru trwsio eu car eu hunain felly llai o fusnes i garajes.

[Gwahanglwyf Dros Grist]

Ga' i awgrymu efallai mai'r byd mawr cas tu fas sydd ar fai, ac nid y system addysg. Rwyt ti'n sôn am fosys sydd ddim yn gallu ffwdanu darllen mwy na chwpwl o dudalennau A4, ond byddwn i'n dadlau mae proses o bobl yn dilyn gofynion amser a gwneud cymaint o arian cyn gynted â phosibl, gan anghofio creu pethau o werth a phethau sy'n gwneud SYNNWYR. Efallai y dylem ni droi nôl at y ffordd yr y'n ni'n dysgu ac yn gweithio yn yr ysgol.

[Realydd]

Rydym ni'n cael ein dysgu yn y system addysg ffordd o wneud pethau. Pan yn gadael addysg i ddechrau yn y byd real ti'n sylweddoli fod rhan fwyaf o beth ti wedi ei ddysgu yn yr ysgol yn wastraff llwyr o amser a dim help o gwbl i ti.

Os fydda i'n riant ryw ddydd dwi'n amau y byddwn i mor gefnogol iddynt roi gymaint o amser mewn i'w addysg gan nad ydw i'n meddwl bellach ei fod o fudd tymor hir iddynt pan fo dysgu sgiliau defnyddiol y byd go iawn a phrofiad gwaith yn lawer pwysicach nac os yw nhw'n cael A neu B mewn arholiad!