Galwadau 999 di-angen

[Macsen]

Roeddwn i'n sgwennu pwt heddiw am ymgais heddlu Gogledd Cymru i dorri'r nifer o bobl sy'n ffonio 999 heb fod argyfwng. Roedd rhaid i mi ffonio'r heddlu (dim ar 999, mi fysai hynny wedi bod yn eironig) am gyfweliad. Gofynais i Mr Heddlu am esiamplau o bobl yn ffonio 999 am resymau eithriadol o dwp. Roeddwn i'n meddwl y bysai hynny'n ychwanegu ychydig o hiwmor i'r erthygl.

Dywedodd o bod dyn wedi ffonio 999 i gwyno bod dau wiwer yn cwffio'n ei ardd. Roeddwn i'n piso chwerthin gymaint bu bron i fi beidio medru cario 'mlaen gyda'r cyfweliad.

Sori- dw i dal i chwerthin rwan. Mi wnes i ddwyn ychydig mwy o esiamplau oddiar wefan y BBC, un am ddyn oedd wedi ffonio 999 am fod o methu gwylio rhaglen Talu-i-Wylio ar Sky, a dynes a ffoniodd 999 am fod ei theledu wedi torri.

Dau bwrpas i'r edefyn hwn- y cyntaf, i drafod pa mor gall yw hi i'r heddlu lawnsio ymgais i ddweud wrth bobl beidio ffonio 999 pam bo nhw angen cymorth, a'r llall i drafod storiau doniol am bobl yn deialu 999 am resymau twp.

[Dan Dean]

Dwin nabod y dyn 'ma yn ei 50au sydd chydig "ar goll" yn ei ben. Un diwrnod ffoniodd y frigâd dân i ddweud fod na dân yn ei ardd gefn ac oedd angen i’r frigâd dân fynd yno. Gan feddwl nad oedd y tân yn fawr iawn, gyrrwyd dau swyddog mewn un o’r cerbydau 4x4 sydd ganddynt.
Pan gyrraeddodd y 4x4 y ty, aeth y ddau swyddog at y drws gan weld y dyn yn sefyll yno’n syn. Yna dechreuodd y dyn wylltio’n gandryll.
"LLE MAE’R INJAN DAN?!"
Esboniodd y swyddog iddo nad oedd angen injan dân. Hefyd sylweddolodd nad oedd unrhyw fath o dân yn unlle i’w weld. Well iddynt fynd fewn i’r ty rhag ofn.
Ond ni adawodd y dyn iddynt fynd fewn. Oedd rhaid iddo weld injan dân.
Yn y diwadd, nid oedd tân, a ni chafodd y dyn gael y fraint o weld injan dân wrth ymyl ei dy. Aeth y swyddogion yn ol i’r orsaf(yn cal ffwc o laff sw ni’n meddwl), a nid oedd y dyn yn hapus o gwbl.