Ni chaniateir ysmygu yn y dafarn hon...

[sanddef]

Ysmygwr ydw i ond,fel 70% ohonom,hoffwn i roi'r gorau iddi,felly dw i'n cytuno efo gwahardd ysmygu mewn cymaint o lefydd a phosib,hyd yn oed y dafarn sanctaidd.Peth arall: mae sawl un yn siarad am y rhyddid i ddewis,ond gan nad ydy hyn yn cynnwys pethau afiachus eraill fel Heroin ac yn y blaen,a gan fod y llywodraeth yn cyfaddef fod baco yn peth peryglus iawn i iechyd,pam mae ysmygu baco yn gyfreithiol o gwbl?

[Corpsyn]

pam mae ysmygu baco yn gyfreithiol o gwbl?

Dwim yn dallt hyn chwaith! man lladd miloedd o fobol pob blwyddyn ac yn achosi llawer iawn o broblemau iechyd eraill, dwim yn dallt be mar llywodraeth yn aros am, dylsa fo di cael ei fanio mewn llefydd cyhoeddys blynyddoedd yn ol. Ond sai bron yn amhosib iw neud on anghyfreithlon (gwaethar modd).
Yngyn ar dewis personol. Dydi pobol sydd ddim yn ysmygu im yn cael dewis i beidio anadlu mwg rhywyn arall mewn tafarn, os nad ydyn nhw am aros adra!

Dwin gwbod fysa llawer om ffrindia yn stopio 'smygu yn gyfan os sa nhw ddim yn cael gneud ar noson allan, gan mai dyna'r unig amser ma nhwn ysmygu.

[Di-Angen]

Dwi'n credu ei fod yn warth hollol bod y Cynulliad (apparently) am wahardd ysmygu mewn POB tafarn. Pa hawl sydd ganddynt ddweud wrth landlord y byddai'n gallu cael ei gyhuddo am adael i rywun wneud rhywbeth hollol gyfreithlon o fewn ei dafarn? Dim o gwbl.

Beth sydd o le gyda gadael i dafarnau sydd ddim yn gwerthu bwyd rhoi sign mawr "Smoking allowed" tu allan, gorfodi staff i arwyddo contracts yn derbyn y risg, a just gadael i nhw fod? Byddai'n dod yn amlwg yn eithaf cyflym pa fath o dafarnau mae'r cyhoedd am fynd i.

Wankers.

[eusebio]

Pan yn San Fransisco i wylio gêm Cymru ag America roedd nifer o'r bois sydd yn ysmugu yn meddwl ei fod yn syniad gwych nad oeddent yn cael smocio yn y pubs.

Roedd nhw'n dweud eu bod wedi smocio lot fawr yn llai o smôcs na'r arfer.

Gyda llaw Di-Angen, sa'in gallu bod yn waeth, 'sa ti'n gallu byw yn Bhutan!

[Di-Angen]

Pan yn San Fransisco i wylio gêm Cymru ag America roedd nifer o'r bois sydd yn ysmugu yn meddwl ei fod yn syniad gwych nad oeddent yn cael smocio yn y pubs.

Dwi'm yn erbyn cael tafarnau di-ysmygu. Bydden i probably ddim am fynd i'r rhai "smoking allowed" gormod beth bynnag, achos byddai'r lle yn drewi.

Ond mae cymryd y penderfyniad allan o ddwylo y landlords yn hollol afresymol.

[Chwadan]

Ond mae cymryd y penderfyniad allan o ddwylo y landlords yn hollol afresymol.

Ond nid landlords yn unig sy'n gorfod gwahardd smygu, ond perchnogion busnesa lle ma gweithwyr yn gorfod anadlu mwg pobl eraill. Dwi wir yn meddwl fod angen amddiffyn gweithwyr sy'n gweithio yn y fath lefydd - ma gennai ffrind yn gweithio mewn clwb ac wedi dechra smygu ers iddi ddechra gweithio yna achos ma hi'n deud waeth iddi hi neud ddim gan ei bod hi'n anadlu cymaint o fwg beth bynnag.

[Gwahanglwyf Dros Grist]

ma gennai ffrind yn gweithio mewn clwb ac wedi dechra smygu ers iddi ddechra gweithio yna achos ma hi'n deud waeth iddi hi neud ddim gan ei bod hi'n anadlu cymaint o fwg beth bynnag.

Mae hynna braidd yn dwp os ti'n gofyn i fi. Mae fel doctor yn chwistrellu'i hun â rhyw glefyd neu'i gilydd am ei fod e/hi wedi amgylchynu a chlefydau drwy'r amser...

[Chwadan]

Yndi mae o braidd yn dwp, ond mi oedd hi'n smygu'n gymdeithasol cynt, a dwi'n meddwl mai gweithio mewn lle myglyd nath ei gyrru hi o fod yn smociwr cymdeithasol i fod yn un go iawn yn anffodus. Beth bynnag, hyd yn oed tasa hi rioed di smocio, mi fasa gweithio yno dal yn afiach.

[Mr Gasyth]

Dwi bellach ar fy nhrydydd ymgais i stopio smygu mewn blwyddyn. Unwaith eto ma hi'n mynd yn dda ers pythefnos, a dwi'n rhagweld llwyddiant. Dim ond un peth all fy nghuro sef mynd i'r pub penwythnos nesa, ble bydd pawb arall yn smygu, ac efo ambell i beint dwi'n siwr o ildio.

Felly, er fod fy nhueddiadau rhyddfrydol yn deud wrthai fod gwahardd pethau yn anghywir, am resymau hollol hunanol (h.y ddim isho marw) dwi'n edrych ymlaen at y gwaharddiad yma, a dwi'n gobeithio bydd o'n effeithio pob tafarn a nid dim ond y rhai sy'n gneud bwyd

[lleufer]

Bendigedig fyddai cael pob tafarn yn ddi fwg.

Peth diawledig yw dod adref ar ddiwedd noson gyda gwallt a dillad yn drewi, llygaid yn goch ac yn llosgi, a'r frest yn dun oherwydd bod yna lond llaw o bobl yn dewis llygru eu hunain.

Buasai'r dafarn lleol, sydd yn ganolfan gymdeithasol mewn llawer i bentref a thref bychan, yn agored i bawb.

Pob lwc sanddef rhyferys a phawb arall sydd yn credu gwnaiff hyn rhoi fwy o hwb iddynt rhoi'r gorrau iddi