Siec Cymraeg

[-Anhysbys-]

A all rhywun ddeud wrthaf os oes hawl gan Fanc (gyda'r gangen yn Lloegr) wrthod siec wedi sgrennu yn gymraeg er i'w cwsmer nhw dderbyn y siec fel taliad.

Diolch

[Rhys]

Hmm, ddim yn siwr. Dwi ddim yn meddwl bod o'n orfodol i unrhyw fanc dderbyn siec Cymraeg, ond bod y prif fanciau HSBC, Barclays ayyb wedi cytuno i dderbyn sieciau Cymraeg.
Os mai cangen i un o'r prif fanciau ydi o, efallai nad ydynt yn ymwybodol o'r cytundeb.
Pa fanc ydi o? Mae gan HSBC ac un neu ddau arall aelod staff sy'n gyfrifol am wasanaeth Cymraeg. Dwi'n gwbod ei fod yn anodd weithiau ond paid rhoi mewn rhy hawdd. Hefyd cysyllta gyda'r Bwrdd Iaith a dy aelod Cynullid/ Alun Pugh AC i ddangos anhawsterau mae rhywun yn ei gael i ddefnyddio Cymraeg yn eu bywyd pob dydd. (dylai'r ffaith mai cangen yn Lloegr wyt ti'n ddefnyddio ddim gwneud dim gwahaniaeth dyddiau hyn)

[Barbarella]

Os dwi'n cofio'n iawn, dwi'n meddwl mai'r sefyllfa gyfreithiol ydi hyn:

Y swm sy'n ddyledus ar siec yw'r swm <b>mewn rhifau</b> bob tro.

Pwrpas y geiriau ydi i gynorthwyo wrth ddarllen y rhifau (e.e. os ydynt yn aneglur). Nid oes unrhyw arwyddocâd pellach i'r geiriau, na grym cyfreithiol (er gellid eu cymryd i ystyriaeth os oes dadl ynglyn â'r rhifau).

Yn fyr, os wyt ti'n sgrifennu siec am "£10.--" ac yn ysgifennu "Mickey Mouse Mickey Mouse Mickey Mouse" yn lle mae'r geiriau i fod, mae'r siec dal yn ddilys am ddecpunt. Felly dyw e ddim tamaid o ots pa iaith mae'r geiriau, heb sôn am beth mae'n nhw'n dweud go iawn.

Wedi dweud hynny, am wn i mae hawl gan fanc i wrthod y siec, am resymau eu hunain, hyd yn oed os nad oes sail i'r rhesymau yna.

[S.W.]

Mae'n gymhelth pan mae'n mynd tu allan i Gymru. Cwbl ydy siec ydy math o voucher rhwng perchenog y cyfrif a'r banc - h.y. ti'n rhoi'r siec fel addewid dy fod yn caniatau i'r banc tynnu'r swm penodol hynny allan o dy fanc a'i rhoi o i'r person sydd a'i enw ar dop y siec (sef ti yn y sefyllfa yma).

Felly maen rhaid i'r banc allu deallt yr ysgifen a'r iaith mewn theory. Ond wedi dweud hynny does bosib bod pob aelod staff mewn banciau yng Nghymru yn deallt yr iaith ond yn ei dderbyn ar y dealltwriaeth bod y geiriau yn gywir. Os yw'r banciau wedi dweud eu bod dim ond am dderbyn sieciau Cymraeg yng Nghymru yna maen debyg nad oes angen iddynt ei dderbyn.

Roedd ne eitem ar hwna r raglen Sian Thomas ychydig yn nol!

[Dili Minllyn]

Mae cyfrif banc gyda fi efo'r Co-op yn Kingston Upon Thames, ger Llundain, a hyd yn hyn maen nhw wedi bod yn gwbl barod i dderbyn sieciau Cymraeg.

[bartiddu]

Dwi ddim yn siwr os yw hyn yn berthnasol i'r cwestiwn uchod, ond nag yw'ch siec yn cael ei danfon nol i'ch banc chi cyn sicrhau fod e'n weddus? Hynny yw, os yw eich banc yng Nghymru ma'r siec yn cael ei danfon nol i'ch banc personol, dim ots lle bynnag chi wedi danfon neu trosglwyddo'r siec i yn y lle cynta', os dwi wedi deall yn iawn.
Falle ar rhaglen S.T. clywais i hyn.

[Mihangel Macintosh]

Cywir Barti.

Ma Babs yn gywir hefyd.

Dwi'n neud taliadau yn y gwaith ac yn sgrifennu sieciau i nifer fawr o gwmnioedd yn Lloegr a'r Alban a WASTAD yn eu sgrifennu'n Gymraeg.

Dim ond un cwmni sydd wedi cael siec wedi ei wrthod gan fanc mewn 12 mis o sgrifennu miloedd o sieciau. Roedd y banc nath wrthod y siec Gymraeg yn un bach Twrceg yn Llundain ac ar ol galwad ffon fe gymron nhw'r siec.

[nicdafis]

Yr unig tro dw i'n sgwennu siec Saesneg yw os ydw i'n prynu rhywbeth gan rywun di-Gymraeg ar eBay (dw i'n hala ebost dwyieithog atyn nhw yn gyntaf) er mwyn peidio creu hasl - er mod i'n gwybod y bydd eu banc yn derbyn y siec, dydyn nhw ddim yn gwybod hynny, a dyw e ddim werth creu drwgdeimlad mewn sefyllfa felly. Mewn siop/garej yn Lloegr fyddwn i'n wneud yr un peth, mae'n debyg, er mwyn osgoi trafferth esbonio. Mewn siop yng Nghymru, siec Cymraeg ta waeth pa mor ddi-Gymraeg yw'r busnes.

Yn ddifyr digon, yr unig tro dw i wedi cael trafferth gyda banc yn wneud ffys am siec Gymraeg oedd pan halais i siec gan Mihangel Macintosh at fy nghymdeithas adeiladu. Ces i nodyn bach swta "we'll accept it this time, but watch yourself taffboy", ond ar ôl i mi sgwennu nôl a gofyn am eglurhad o'u polisi gan reolwr y cymdeithas ces i ymddirheuriad llwyr.

[Emrys Weil]

Neges oddi wrthyt ti i dy fanc di dy hun ydi siec, yn cyfarwyddo'r banc i dalu arian i gyfrif y person yr wyt wedi gwneud y siec yn daladwy iddo .

Os yw dy fanc di a'r sawl yr wyt yn ei dalu yn hapus, yna DOES DIM BUSNES gan fanc y sawl yr wyt yn ei dalu i wrthod y siec.

Os ydi'r siec yn bownsio EU CWSMER SYDD AR EI GOLLED / EI CHOLLED.

Dydi'r banc ddim ar ei golled o gwbl. Does dim rheswm dros wrthod heblaw am ragfarn gul a gwrt-Gymreig.

Os nad ydi dy fanc dy hun yn hapus - newidia dy fanc.

[Mali]

Os dwi'n cofio'n iawn, dwi'n meddwl mai'r sefyllfa gyfreithiol ydi hyn:

Y swm sy'n ddyledus ar siec yw'r swm <b>mewn rhifau</b> bob tro.

Dyna'r union ateb gefais i flynyddoedd yn ôl pan oeddwn yn cael trafferthion talu efo siec wedi ei sgwennu yn Gymraeg....y swm mewn rhifau sydd yn cyfri.